愛戀心惶惶: 第三章:厭世公子(上)

我同詩璇嘅交纏暫時告一段落。

　　當我步入家門嘅時候，已經過咗我同啊斑嘅約定時間。

　　「真係麻煩。」我厭煩地呼出一句。

　　 我想跑返去我嘅房間，諗住匆忙咁換好衫就走，但每次我想咁做，都會事與願違。然而，並無任何人阻住我。

　　 跑嘅途中，我忽然喺一間房間面前停低咗落嚟，依刻我嘅雙腳完全失去咗氣力，就算有想前行嘅意慾都無用，就好似被一道隱形嘅牆同無形嘅手拉扯住、阻隔住一樣。





　　 而喺我面前嘅房間並唔係我嗰間，而係屬於另一個人…一個已經死咗嘅人…

　　 ...
　　...

　　 此時此刻嘅我已經泣不成聲，軟弱無力咁跪喺冰冷嘅地板上，淚水連綿不絕咁流下。整個大腦好似失去理智咁，完全控制唔到，繼而被一段段傷心嘅回憶所支配，腦海入面哀思如潮。

　　 我嘅歲月一直以嚟，有某件事從以前就鎖住喺我嘅腦牢之中，到而家仍然喺腦中不停徘徊，揮之不去，不停地惡耗住我...

　　 ...





　　...

　　 「叮咚。」良久，一下門鐘嘅聲響打破咗依一片恐怖嘅寂靜。

　　 幸好有依一聲鐘響一刹那拉回返我嘅理智，不然我必會再次跌入那萬丈深淵之中。

　　 「有無人呀？琛仔？係唔係度？係我夏姐呀。」聞言，我即刻過去開門。

　　 「琛仔，你食咗野未啊？欸？喂！你去邊啊！？」一瞬間我卻奪門而出。





　　 「琛仔！」

　　 我淚水一邊流着一邊往前跑，不停地向住唔存在嘅盡頭狂奔。唔知點解，感覺吹嚟嘅風開始越嚟越刺凍，我心口亦越嚟越冰冷。

　　 「又係嗰種感覺...」

　　眼前所有事物都逐漸被黑暗所吞噬，整個世界嘅一切開始被灰暗所籠罩起嚟。

　　 「呼...呼...」着不多力氣耗盡嘅我，感覺意識越嚟越模糊。

　　 「唔好...」

　　...





　　...

　　 「砰!」一聲悶響，我終於應聲倒地。

　　 倒地嘅一刹那，我瞇着雙眼，隨即矇矓地眏入眼廉嘅係一道強烈嘅光芒。

　　 依一道光，係嚟歡迎我嘅？

　　 可能係俗世間稱之為天堂嘅入口，亦可能係我嘅走馬燈之類...

　　 依個問題幾值得研討吓，但我當時並無深究落去。我好慶幸當時既我並無半刻遲疑，如果唔係我一早已經身首異處。

　　...

　　...





　　 「嘰－」大貨車電光火石之間失控，並伴隨住車轆激烈的滾動聲，戲劇性地沖埋向我依邊嘅石牆！
　　
　　 山窮水盡嘅情況下，我唯有...
　　
　　 「嘰－砰轟－！」一瞬間，前方傳嚟強烈嘅碰撞聲，煙火四起。

「呼...」車身上秒鐘剛好與我擦身而過。
　　
　　 果然，柳暗花明又一村！
　　
　　 實在難以置信，我竟然可以親眼目睹住自己生死悠關嘅一刻並將其局勢扭轉。如果啱啱，只要稍為遲咗半秒先轉身入去嗰條坑渠槽裡面嘅話，我諗我應該都已經奄奄一息。

　　 但毫無疑問，我之所以可逃過一劫，相信係因為我已經花盡曬依一生所有運氣，就算無，都肯定有一半。





　　 「呼...」差啲就一命嗚呼嘅我，依刻情緒十分之忐忑。　　

　　 我雙手掩着臉，完全唔敢相信剛才如此驚嚇荒唐嘅事。

　　 我向大貨車瞪着，放大雙眼認清其鐵一般嘅事實。

　　 地上熊熊烈火正徹徹底底的燃燒着，與從天而降嘅滂沱大雨形成強烈對比，但卻使其雨水顯得更徵不足道...雨完完全全對火勢並沒有起任何減緩的作用。

　　 火勢正迅速的漫延至附近家居，四周嘅居民亦開始被嚇得雞飛狗走，埸面混亂之極。

　　 伴隨着居民驚嚇與求助的浩大喊叫，救災人員亦隨之趕到。

　　 「依到！快！有個14,15歲左右嘅細路仔受咗傷！」他大喊着。

　　 「咩...咩傷...我明明就......」我眼珠往下一瞪。




　　
　　 「啊...啊啊啊啊啊啊啊啊啊啊啊啊啊啊！」

　　 「放心！細路，你會無事㗎！撐住啊！」他安慰着我。

　　 一陣突如其來嘅痛楚瞬間充滿住我嘅左腳，只眼見，腳嘅周圍血花四濺，形狀不常，並完全失去了知覺，痛楚萬分。而恐懼感，亦隨之從四方八面遍布了我全身。

　　 「啊啊啊啊啊啊啊啊啊啊啊－！」隨著哮叫一出，我就失去了意識。