愛戀心惶惶: 第四章:厭世公子(中)

星與星之間彼此緊密連繫着，就好似知己一樣。但隨住嘅白天來臨，就會消散不見。
　　人亦一樣，就算歲月中遇過幾多知音人，但最終都會受日轉星移嘅迫勢下，或者係命運操縱嘅生死相告下而各自道別，各散東西。
　　猶記起，小時候嘅我都有個青梅竹馬，佢好體貼、善良，甚至可以洞悉到我嘅內心，而每次同佢相處嗰陣，都有種扣人心弦嘅感覺。
　　嗰段花樣年華，雖然十分之璀燦悦目，令我難以忘懷，但終究只係曇花一現，過眼雲煙嘅回憶，縱使美好亦會日漸消逝。
　　－－－－－－－－－－－－－－－－－－－－－－－
　　淺夏秋末，徵徵涼。
　　有兩顆稚氣未脱嘅小豆芽正喺陽光浴底下你追我趕，互相栽培情感。
　 「琛琛，你睇吓依度吖~」女孩滿懷歡喜咁講。
　　「我講咗幾多次唔好咁叫我啊，好肉酸啊...」男孩不厭其煩地怨訴。
　　「咦？」




　　萬千草綠之中，男孩看見有一樣與別不同嘅「花」顯露了出來。
　　「依啲...係花嚟？」男孩冒昧問。
　　「依啲係蒲空英嚟㗎，有無搞錯啊，咁都唔識...」女孩聞言後，略有失落咁答佢。
　　但女孩嘅心灰下一瞬間將被吹散，因接落嚟嘅一幕隨即令到佢哋心花怒放起上嚟。
　　「嘩～！」倏然，男孩同女孩異口同聲地發出驚嘆。
　　微風吹來之際，蒲公英亦隨之散開，除咗一陣陣嘅涼意撲向男孩同女孩嘅懷裏之外，逐粒逐粒嘅果實亦開始喺風中油然起舞，一絲絲嘅柳風與輕小嘅果實於空中互相碰撞、交替住，編織出一小片嘅美麗漩渦。最後，由柳風親自將蒲公英嘅果實送到去兩個孩子嘅懷中。
　 「好靚啊！」「哇...」兩個孩子目睹住眼前嘅情景，亦不停叫囂，嘆為觀止。
　　但男孩似乎意猶未盡，儘管眼前嘅景物已經如此美滿，他卻不知滿足，只係想再獲得更多、更多...
　　男孩漫漫靠近，臉向蒲公英輕輕一吹，蒲公英一吹而散嘅畫面隨即再次喺男孩面前展現出嚟，同頭先一樣嘅美麗景致，佢再次盡收於眼底。
　　但天公偏偏不肯幫他造美。




　　蒲公英被吹散後，其出現嘅果實卻不盡人意咁遠遠飄走，柳風就好似戲弄緊男孩一樣，玩弄佢渴望已久嘅果實。
　　「啊...」
　　男孩眼見果實越飄越遠，佢伸出雙手想將之捉緊，妄想咁做就可以觸及那已經遙不可及嘅蒲公英果實。
　　結果理所當然－男孩事與願違咁失去咗本應可以得到嘅果實。
　　「點解嘅...」男孩望住只剩下空氣嘅雙手。
　　「琛堔...」
　　「我唔滯...」
　　「不如就咁算啦...嗱你睇吓！我依度仲有好多啊，你想要嘅攞哂都得㗎，我唔介意...」
　　「啊！」女孩手中的蒲公英被男孩一掃，全散下落地。
　　「唔要啊！唔使你可憐啊！我自己無咩而家？！」




　　男孩就這樣帶着怒氣一奔而去，無情地留低女孩孤身一人。沒有回頭，連一眼也沒有給他自己的青梅竹馬。