女兒，希望你能彌補我的遺憾: 第二十二節 - 朋友仔感情再天真 亦是我永遠也會愛惜的人
「琳琳好叻叻wor，咁快識得咁多字既，等姐姐再教多你幾個字先。」阿琳帶了我之前托她買的認字卡來探小女。
「梗係啦，我每日都有同佢讀書認字架。」
「咁唔好逼得佢太緊，小朋友要有童年既。」已經有無數人跟我說過這番話，我都是給予以下的回覆：
「無資源就無話可說，有資源唔培養就係父母問題，係要比d壓力佢先會進步既。」有阿恩和你所為模板，我希望女兒的成長不會太偏離航道吧。
「除左讀書要叻之外，最緊要係教佢分是非黑白，做一個有良知既人，唔好比佢公公婆婆d廢老藍絲思想影響到。」
「呢樣你放心啦，你同我參加過咁多年活動，我又點會比阿女做一個無理性分析既人啊。」
細心一想，由反國教，佔中，再到時代革命，我倆一起參加社會運動都差不多八年了。亦因為當年的佔中運動，令我們再次走在一起，成為她口中不會分手的好朋友。
———————————————————————————————————————————
2014年9月，中共政府推出了831框架後，於社會產生極大迴響，引發一連串公民抗命運動。當時的我們，離開了舊公司接近一年，接近斷絕來往，她有她的生活，我有我的忙碌，就是一顆愛香港，愛下一代的心，將我們再次牽引在一起。
「Ronald，今晚你去唔去政總？」她的whatsapp，直接而有力。
「好，幾點見？海富等？」我的回答，簡單而清脆。
晚上八點，金鐘地鐵站，海富中心出口，我準時赴約，她只比我遲兩分鐘。
「你仲係咁熱血啊？」我道著。
「見到689個衰樣，我眞係忍唔住。咁搞法，香港仲邊有將來。」她不幸言中，2020的香港越來越黯淡。
當時還是罷課活動的頭兩天，集結的學生懷著罷課不罷學的心來表達訴求，氣氛大致和平。重臨我們首次單獨約會的地方，聽著不同講者的言論，互相探討，默契猶在，之前的空窗期彷彿沒有存在過。
曾有過的隔膜，頃刻消除了。
曾有過的尷尬，灰飛煙滅了。
曾有過的火花，難道復熾了？
「都差不多十一點啦，送你番去？」我問著。
「唔洗啦，我男朋友會來車我。」她彷彿周慧敏上身，唱給我聽 ：不要自作多情去做夢 給我盡獻殷勤管接送。
「咁你唔叫佢陪你來集會既？」
「佢唔太了解政治野，唔會好似我地咁熱衷去表達訴求。唔同你，我地係同路人嘛。」她認真地解釋。
「咁佢唔會唔比你同其他男仔單獨去到咁夜咩？」我繼續問道。
「你個阿婷都唔會唔你同我去街啦。」說得也是...對阿婷確實是於心有愧。
「好啦，再約啦，希望下次見你唔係再參加集會啦。」
「好啦！我行呢邊啦，拜拜。」
晚上十一點，金鐘地鐵站，海富中心出口，我孤身歸家，看著她的背影踏上一部Toyota。
「估唔到我咁耐唔搵你，你都會咁爽快出來。多謝你陪我，同路人唔係咁易搵架。我永遠都會繼續做你阿妹，有咩事記得搵我啊！ XDXD」
晚上十二點，銅鑼灣的家中，我俯臥在床，看著她發給我的whatsapp。
「講呢D，得啦，你有咩開心唔開心都要同我講啊。Support～～」
我這種老友 妳說有一位足夠
或妳相當內疚 實際情形能猜透
當不到戀愛對手
都可擔當天陰天黑擋雨那件雨褸
妳別慚愧 深愛不等於要擁有
仍然騰空一雙肩膀 妳有痛請找我
若是命中不可相愛當摯友都不錯
吻別過路客如此多 世上有情人無幾多
假使妳哭 所有悲哀交給我