女兒，希望你能彌補我的遺憾: 第二十一節 - 朋友的愛

「Ronald，你可唔可以幫我執下份CV啊？」雖然所有同事都知道我的身份，但大家從沒避忌，照樣在我面前說老闆壞話、合謀偷懶及辦公時間做私事。

「想搵咩工啊Peter？你比多d background information我，我先可以你fit 番你既要求。」幫人幫到底，讓我替他好好預備一份能見人的CV吧。

兩小時後，終於都完成，其實接近重新做過。

「如果你真係有interview 或者新工要reference letter，你再同我講啦，我幫你寫。」

想當年，我替下屬寫過不少推薦信。大家萍水相逢，能成為同事都是一種緣分，他們有新去向，我會真心祝福，從不強留。除了她的一封，我根本不知如何動筆...





———————————————————————————————————————————
自從party之後，阿琳對我的態度一百八十度轉變，公事上公事公辦，私事上停止來往，刻意與我保持距離，旁人都察覺到我倆之間的鴻溝。古乳有暈：酒精害人，影響一生，這次無情地應驗在我身上。那些酒後的胡言亂語，令她視我如陌路人，甚至最後分道揚鑣。

「Ronald，你有無時間？我有d野想同你講。」這種開場白，十居其九，都不會是什麼好事。

「ok 啊，你入來坐啦。」

「唔好意思，我要resign 啦。呢封係我既辭職信。」阿琳親手在我面前引爆一顆震撼彈。

「做咩咁突然要走？因為上次開party件事？」我不再轉彎抹角，直接進入問題核心。





「一半半啦。我唔想大家公私咁唔分明，咁樣做野會好尷尬同唔方便。同埋，我唔想以後無左你呢個好朋友。」

「點解咁講呢？」

「我唔想因為其他人覺得，因為你鍾意我，先會比機會我上位或者係做野上有advantage。同埋，之前我都講過唔會留係呢間公司太耐架嘛。我地繼續可以做好朋友，一齊去食飯掃街。朋友先一世唔會分手，你明唔明啊？」

「你都講到咁啦，好難唔明。」

「多謝你明白。我有一個請求，可唔可以幫我寫一封reference letter？」





「Sure，你幾時要？」

「我走之前你比到我就得啦，thank you。以後好好對你女朋友啦，封辭職信我放低係到，我番出去先啦。」

之後的一個月，我們表面上關係和好如初，繼續有說有笑，但中間多了一重無可打破的隔膜。到她離開公司的一刻，我都沒有真真正正的向她表白過。

若是 讓我許願
但願 沒任何事留戀
迷戀的 不可以選
只好心死再算

來開開心心的歌唱
來吹熄燭光的漂亮
並未能叫你愛我本是太平常

我不應該惆悵

她之後進入了一間化妝品公司，繼續負責公關和event 的工作，而我半年後亦蟬過別枝，轉投另一家公司。大家的新工作比前更繁忙，只有在舊公司的同事聚會才會有機會聚頭。每晚的whatsapp通信、週五晚上的飯局只能長埋在回憶內。她找到了新男友，我繼續和阿婷在一起。她走她的陽關道，我走我的獨木橋。這段時間，是我們關係的最冰點，什麼朋友先一世唔會分手，當時已變成廢話，我們當時連普通朋友都談不上。

但妳說 I only want to be your friend 做個朋友
我在你心中只是 just a friend 不是情人
我感激妳對我這樣的坦白 但我給妳的愛收不回來