《EU超時任務》續作: Chapter 4：第二次穿越(下)

4月2日10：00

EU總區。


一回去，啊DEE就拉我到一旁，神神秘秘的做甚麼？

「DEE，有咩唔係得出邊講？」我說。 「我聽完你講講懷疑有黑警，收工之後發現啊TIM跟住二哥。」DEE說。

這真是奇怪，難道TIM知道一些事情？





「咁有冇發現佢地D咩？」我說。

「冇，啊TIM跟到咁上下，聽左個電話走左，我再想跟個時，二哥已經唔見左。」DEE說。

在還未清楚事實之前，我只好保持對二人的觀測，二哥這樣的性格不一定是壞人，啊TIM亦可以為屋企而迫著做黑警，要是懷疑錯的話，就怕同事之間有反目，麻煩已經夠多了，我需要戰友，或者啊DEE都可以是除威爺之外，一個同伴 。但我有必要提醒他小心。

「聽我講，唔好亂黎，萬一跟跟下有咩意外咁點？」我說。

「咁我會小心既，我雖然冇威爺啊TIM咁有經驗，但話晒我都係受嚴格訓練既EU，識保護自己。」DEE說。





「咁啦，你唔好私自行動，如果我有咩要你幫手就搵你。」我說。

「如果佢兩個是但一個係黑警咁點？」DEE說。

「為大家好，照拉。」我說。


不久看見二哥。





「MADAM同啊DEE做咩企係到既？有咩好傾啊？」二哥問。

「冇，我介紹緊女仔比啊DEE識。」我說。

「係啊。」DEE說。

「講大話都唔識講。」 二哥笑說。

差不多開工的時候，啊TIM與威爺才回來，李SIR問我：「凌晨風，琴日單野有冇線索？上頭好緊張，要快D搵到中東人向記者交代。」

「SIR，暫時冇，有冇搵到羅波。」我說。

「未，我諗佢地死左個人，唔會再現身住。」李SIR說。

李SIR一提到這裡，我發現啊TIM的表情很奇怪，似是若有所思，難道真的與他有關聯？





「tim？做咩？」我問。

tim收起手機說道：
「冇野，老婆話帶左啊仔去睇醫生，OK啊。」

我知道他並不是在想這件事的，
「咁大家出發！」我說。


第二次穿越

4月2日12：00

今次羅波不會再在圍村亂來，就不用去 set roadblock。





我們只是循例在附近，沒有發生特别事就回去。

4月2日13:30
在總區，渠頭傳訊息給我。
「我同小美揾完賀生，佢都係叫我睇住祥媽，我冇提usb件事。而家送咗祥媽入院。今晚有筲基幫手，神秘人一出嚟劫走賀生，就知道究竟咩事。」

「你同筲基小心。」

只要到了今晚，我們就知道神秘人身份，他會是那個穿越者嗎?

暫時父母光仔去了寺廟拜佛，不會捲入意外，賀生方面有渠頭筲基看着。反而最令人擔心是阿添和二哥神神秘秘，假若其中一個是黑警的話，事情那就變得複雜，我不希望。

4月2日1600
車上小休期間，他們也在討論賀展祥。





「聽講警方批咗賀展祥去見佢啊媽最後一面，之前佢同郭警司勾結，唔知背後仲有幾多黑警活動緊?182先有一個，如果係自己人都唔知點算。」
平時少説話的阿dee，今次語重心長，他在暗示着181有如此情況。

「唔知點算就唔好理啦，你估我地好似Madam同威爺啊，搭通天地線。」二哥説。

「添，唔出聲既?」我問道。

「有啲野諗緊決定。」
威爺喝了口咖啡，似笑非笑，掃視所有人。

第二次穿越
4月2日1800

渠頭訊息:





「祥媽過身，小美留咗係醫院。我同筲基會合咗，去緊停車場。」

手機信號開始接收不清晰，只期望他們知道更多真相。

「Madam，賀展祥個邊點?巡開使唔使過去睇下?」
添説道。

「幾時變咗關我地事?」二哥問道。

「唔巡開喎。」威爺泠冷説道。

我和他都知道不需要去理賀展祥，多事只會阻礙渠頭。

半小時後，電台卻有通知。

「沙沙沙......各單......沙沙沙，位住意。」

難道渠頭他們沒有阻止事件?

「威爺，整整佢好。」二哥説。

這次威爺沒有理會他，也好，懶得每次重覆回應。

「181收唔收到?有人係醫院停車場劫走賀展祥，殺咗幾個手足。」

車上眾人無言，我也想知發生何事。

「收到。」


4月2日2030

我趕快去酒吧找渠頭和箕基，只見他們一面洩氣。

「今次多個人去都搞唔掂?由佢地走?」我問道。

「訓嘰笠，佢啊奶吖，原來個神秘人係Sdu鍾永啟，又多咗條西裝友
幫拖，早知問威爺拎火箭炮啦。」渠頭説道。

鍾永啟?!西裝男是阿正的人。
「咁鍾永啟係唔係......」
渠頭知我想問甚麼。
「諗多咗，我試過佢，我諗唔係個個人。」

即是還是不知神秘穿越者是誰。

「起碼我地知鍾永啟受人所託要帶走賀展祥。」箕基説道。

「咁佢有冇野講?」我問道。

「賀生叫我唔好理，鍾永啟就可能為細佬，如果比黑警知道係佢做，佢細佬實死啦。」渠頭説道。

阿正背後老闆一定是不簡單的人，他有能力去救郭偉誠和鍾永俊。

「知道多個人，但而家都係唔知點查落去。就算拉郭尚正都冇證據。」筲基一臉無奈。

「你辛苦啦，番去抖下啦。」我説道。

「好啦，有咩通知我。」

待他離開後，渠頭問:

「你係咪想問郭尚正野?算啦，佢為單交易不擇手段，總之佢幕後既人同黑警都係要拉。」

「要睇住小美，聽日要同佢拎usb，我地番去啦。」

今晚在酒吧外沒有看見中東人，看來因鍾永啟露面了，阿正避免多生事端。

回到錦發圍，小美早已回房休息。

我考慮到底是否和阿正商量，但今日的事已經差點影響他救人計劃。

無論如何，明天他還是要交易，羅波有機會出現，如果他是犯法的，我也要阻止。

第二次穿越
4月3日0830

一早渠頭就過來找小美。
「渠頭?係啊，頭先啊哥既律師打電話比我，話一早交低祥媽既遺物，仲有佢比祥媽既錢，要我處理。」小美說。

「啱啦，我得閒陪你去，賀生叫我睇住你。」渠頭說道。

小美按着頭，一臉憂鬱。
「啊哥而家係邊?點會殺人架?」

「唔好諗咁多啦，交比警方查。」我說。

渠頭拉我到一旁。
「隻usb咁緊要，今次都係叫icac啲人睇住我地，日光日白，郭尚正都唔會叫人嚟搶，你就睇住佢有冇交易。今次實冇死啦掛。」他自信說道。

「講就冇死啦，但每次都死人。」我説道。

「又係啊，要完美爆機好難。話時話今日威嫂冇意外既都係有事架啦，捱得過上年4月3，捱唔過今年。」渠頭説道。

「冇咩唔好煩威爺啦。我早啲番去先。」我説道。

「小心啲。」渠頭説道。

回到總區，只見威爺坐在這裡。
「咁早啊?威嫂.......」

「佢都係入咗院。我係到諗其實整定既，就算我陪住佢，佢依然有事，與其三日都係咁過。不如我唔好嘥時間，揾真相好過，起碼知過去發生咩事。」

我但求不要和阿正有關。

「你識咁諗就最好，我地好需要你。」我說道。

「盡做。點啊?一間有咩搞，講聲。」


「阿正無論如何今日都會係大鼎交易，我諗班黑警會叫羅波佢地去搶。我地要去個邊 standby。」我說道。

威爺卻默不作聲，有時真弄不清楚他的心情。

「係咪我有咩做錯?」

「唔係，冇話邊步錯。只係我覺得好多野都無能為力姐，我地，郭尚正同黑警，成件事好複雜。」

「連你都咁講。」

「嗱，而家話你知每次預咗死人架啦，睇下死邊個，但係每試一次就知道更多野。有心理準備穿多幾次啦，我都係穿咗百幾次先行到今日。」
他外表冷酷，但永遠對人和事心思慎密。

傳來二哥聲音:
「晨早流流講死人啊，威爺。」

威爺不答話。

「阿添，阿dee呢?今日好忙。」我看看手錶。

「係到。」Dee匆匆來到。

添還在回覆手機，我只好勸道：
「出發啦，打醒十二分精神。」

4月3日1200
威爺照日常路線巡邏，不用我説，他漸漸向大鼎方向駛去。
「威爺，你去緊大鼎?唔使問啦，Madam又亂嚟，收到咩線報?知會李sir好喎。」二哥質疑。

「咁我話你知，羅波會係個到出現，大家準備好。」我説道。

來到大鼎，門口被爆開了，我們停下車輛，小心翼翼下車。
「Madam，睇定啲先好行，避免中伏。」威爺説道。

附近馬上看到羅波等人身影，我們躲在一旁。
「激死，嚟遲一步!佢地冇係到交易.......Eu車啊!」

他們發現後二話不説開火。
「嘭!嘭!嘭!嘭!嘭!」

對方火力猛烈，使二哥強調:
「call支援好喎!」

「唔使!你同阿dee backup威爺去個邊，我同阿添引開佢地注意。」我説道。

威爺斜視我數秒，好像是説我又要找他作先鋒。

他沒有理會我們，獨個兒找方向偷襲羅波，阿dee跟隨，至於二哥，仍拒絕指令。

「嘭!嘭!嘭!嘭!嘭!」「嘭!嘭!嘭!嘭!嘭!」「嘭!嘭!嘭!嘭!嘭!」

此時，收到電台通知。
「181，請馬上收隊。」

不用説，又是李sir下令。

威爺他們成功繞到羅波附近，雙方進行槍戰，讓我和阿添可以前行，解決了數個人，也許他們彈藥就快耗盡，立即拿了個手榴彈準備一扔!

「小心!」

「boom!」

大家及時躲開，待重新起來時，羅波已經逃走了，二哥上前但無話可説。



4月3日15:00
Eu總區
「淩晨風!亂入私人地方開槍，唔聽上頭指令!仲有你啊威爺，車長嚟，唔睇住架車，陪佢癲!我以為你咁有經驗睇得住佢。」李sir怒道。

結果威爺站起來，若無其事般走了出去。

「淩晨風，停職接受評估。」

我又不是第一次發生這些事，算了，都沒感覺。

不久，渠頭打電話給我。
「你個邊點?」我問道。

「比小美玩死，佢入去拎完usb交比我同icac，咁諗住實冇死。點知劉sir頭先打嚟話係假既，而家小美冇埋影，肯定賀展祥一早聯絡過佢，傻女嚟架。」他氣急敗壞。

「阿正冇係大鼎交易，我差啲捉到羅波，但結果又係停職。」

「你老頂都short既，番去抖下啦，暫時都冇人出事，我揾多陣小美先，今晚再講。」

4月3日2000
渠頭上氣不接下氣跑來我家，正好準備晚飯。
「渠頭，今日我地拎咗靚菜番嚟，光，加雙筷。同你慢慢傾。」父親説道。
「係啦，你坐低抖下先啦。」我説道。

「小美呢?」光仔問他。

「係喎，未來新抱唔見咗人。」母親笑道。

渠頭拉我出花園。

「做咩啊?」

「呼......我揾唔到小美，筲基都失蹤，肯定同郭尚正有關。」

「唔知佢今日有冇交易，但我地仲使唔使穿越?」

「睇威爺頭。」
他抓抓頭，大家都沒有頭緒。

此時，收到阿Dee訊息。
「阿Tim出事!伙記調查話佢係總區高處墬樓。」

「阿Tim死咗。」

「吓，邊個做架?我記得你講過佢試過比未婚妻隊，你穿越幫佢。今次又係咁，咁遲早咪又順落去其他人?」

在沒預計下依然有人死......我想到了一件事，之前第一次是父親死亡，第二次就是添遭未婚妻殺害。
所以我們根本沒有逃離過歷史。

「佢係總區出事，我諗係黑警做，之前阿dee話阿添跟蹤二哥。」

「你冇同我講既，你地個二哥睇落唔似喎，把口係衰啲。咁姐係要穿啦，call威爺。」

「去睇下先。」

我心煩意亂地和渠頭前往總區。

4月3 2105

只見記者圍着採訪，李sir和阿dee走過來。
「揾唔到二哥，李sir懷疑同佢有關。」Dee説道。

「發生咩事?」我問道。

「頭先我係房做野冇耐，就聽見出面Boom一聲，出去就見到程亮添條屍。七點幾個時二哥仲係總區。唔理點，再揾唔到就通緝。」李sir説道。



但二哥會這樣衝動在警區殺人?怎樣也説不通。

「點都好，阿dee，睇住添嫂佢地。」我説道。

我和渠頭離開，找了一個地方安靜，經歷那麼多次生死，自己也好别人也罷，開始有迷失了。
「打唔通比威爺。」渠頭說道。

「由佢啦，要出現自然出現。」

第二次穿越
4月3日23:50
不見阿正身影。
「郭尚正唔再穿越啦咩?唔通交易成功?威爺呢?」渠頭東張西望説道。

「你諗多咗啦，我嚟個時見到佢。」威爺説道。

「喂，咁遲啊，頭先阿添死咗。」渠頭説道。

威爺依然是冷冷模樣，只是一句:
「我知，Madam都預咗架啦，阿添咩都唔講邊個幫到佢。」

「我call爆你機，唔講以為你做架。」渠頭說道。

「你又想講上次碩士單野啊?」威爺雙手插袋。

「唔好嘈啦，你兩個小器到呢。」

「冇你地咁好氣 。」
威爺走到一旁，背對我們。

第二次穿越

4月4日00:00