《EU超時任務》續作: Chapter 4：第二次穿越(上)
第二次穿越
4月1日08：00
我在床上醒來，第二次穿越了，不希望以後有三四五六七次，時間重要，馬上整理第一次穿越時今天的事件。
1：通知李SIR，早左搵番威嫂同人口販運貨車。
2：公開同渠頭一齊。
3：威爺番工
4：介紹個兒科醫生比TIM。
5：渠頭沒有去與周炳仁班工人講數，間接令三婆康仔受傷。
6：發現其中一個會死係大鼎物流倉既南亞人
7：番總區，蔡興國搵威爺。
8：同水晶梨食飯見到ICAC劉SIR，
9：知道啊正既工作，回來目的。
首先又是要提早通知李SIR。
「李SIR，收到線報，一間會有懷疑人口販運貨車係哩區出現。」我說。
「得，我叫人注意下，番黎再講。」李SIR說。
今次沒有向他提起羅波，既然我已經知道他們藏身點，做好準備，今日一定可以捉到。
這時，渠頭打電話給我。
「訓嘰笠！早晨。」渠頭說。
「渠頭，今次我地出奇不意，搵埋威爺上山捉羅波，只要一捉到羅波，就可以close file，冇人會死。」我說。
「威爺先話唔會理我地，會唔會幫手啊？佢都係係醫院睇住威嫂。」渠頭說。
「我問下啦，反正佢個邊咩線索都冇，一直係醫院都冇意思，不如幫下手。」我說。
「咁我過黎先講，今次又要係所有人面前同你示愛啦，肉麻D好唔好？」渠頭說。
「好啦，不過希望講埋今次就算，唔好不斷穿越，要重複咁示愛，好難頂啊，哈。」我說。
「訓嘰笠，我日日講都冇所謂啊。」渠頭說。
這個渠頭，與他相處真的很甜，將所有的不安都化開。
「唔出聲既？係唔係NUM到暈左？」渠頭說。
「係啊，我要打比威爺，唔講啦，一間見。」我說。
「BYE。」渠頭說。
我馬上打電話給威爺，他搶先說道：
「咁早啊？MADAM，你係唔係想講，搵我幫手捉羅波啊。得啦，唔好煩，一間搵番芷澄入埋院，我就過黎。仲有咩講？」
「冇啦，今次咁順攤既？」我說。
「因為你好煩。」威爺說。
我都說他口硬心軟，不像當初相識時的麻木，正如他所說：「做人唔可以冇感覺。」
不過太有感覺都不是好事，傷得最深的是最真的感情，很容易迷失，會不能抽離變成魔鬼，無論對親情，愛情，友情，或者社會時事都好。
就好像啊正他為了父親，是甚麼都會做得出，我也要確保他交易成功，避免與我們再次結下仇怨。
「咁一間見啦，威爺。」我說。
第二件事，父母方面要找光仔幫忙。
「光仔，哩三日同啊爸啊媽小美去遠D地方旅行。」我說。
雖然有次為了避免意外發生，要父母離港，終歸也是回來了，但保險的事做多一重比較好。
「點解啊？」光仔問。
「你同佢地去下旅行啦。仲有啊，唔好成日玩三國殺，正正經經搵份工，識番個女朋友，使唔使我幫你？近在眼前。」我說。
「我冇玩好耐啦，有搵緊工啊。唔好煩我啦，仲細咩？」光仔說。
小美下樓，打呵欠說道：
「早晨......好似聽到有人叫我。」
「係啊，我叫光仔同你地哩幾日去下旅行。」我說。
「旅行？唔啦。」小美說。
一向喜歡玩樂的小美拒絕去旅行，不過倒也是的，自賀展祥坐監的這一年間，她有轉變，處事成熟了。
「今朝起身我頭痛，祥媽哩年身體唔好，我行開冇人睇佢，又要探啊哥......掛住講，飲水食藥先。」小美說。
「光仔，煮早餐啦，煮多份，渠頭過黎。」我說。
「過黎做咩？家姐，你同渠頭幾時咁friend？」光仔問。
「其實我地......」我說。
我沒有解釋，反正他們一會兒就會知道，二人一面疑惑的離開入廚房，
此時，渠頭在外叫喚：
「訓嘰笠，我黎啦。」
「黎啦。」我說。
我一開門，他就擁抱我。
「渠頭？啊女.......你兩個......我冇睇錯啊？」父親錯愕地說。
我想開口時，渠頭一口氣說出：
「海叔！我同啊風經歷左好多生死痛苦先開始，希望你成全我地啦！！唔理之前大家點睇我，我對佢一心一意，總之我愛凌晨風！」
大家看著渠頭目定口呆，這時的氣氛很怪異，我只好打圓場：
「渠頭係認真既，爸媽，細佬，我知道你地要時間接受。」
「唉，唔明你地後生點諗，玩玩下，見你好好地就算啦，唔好對我個女唔住啊。」父親說。
「我冇意見，風老豆話得既，我都得。」燕姐說。
「海叔！燕姐！多謝你地！」渠頭說。
小美說道：
「原來渠頭你話出生入死個個人係晨風。」
「係啊！小美，我話你知啦，光仔暗戀你......愚人節快樂啊。」渠頭說。
光仔表現得十分無奈，小美卻沒有介意說道：
「唔緊要，反正我都冇人追，哈哈，愚人節快樂。」小美說。
「渠頭，咪玩啦，快D食完做正經野。」我說。
其實我今日都想解決羅波之後就放假，甚麼都不理，輕鬆過這三日，相信蝴蝶效應可以降到最少。
吃完早餐，我們回到房間，收到威爺來電。
威爺沒有好氣說道：
「MADAM，搵唔到神秘貨車同其他失蹤既人，咩事啊？你又做過咩？」
沒有理由，才回來一小時而己，之前都不是這樣，今次又出了甚麼蝴蝶效應？關啊正還是神秘人事？
「冇啊，咁威嫂呢？」我說。
「得芷澄搵番，係醫院做緊檢查，我而家過黎再講。」威爺說。
掛線後，我思考著有沒錯過一些線索，想到未穿越之前，在醫院出現過的兩位西裝男，其中一個帶著手提箱，會否與羅波等人要搶劫的有關聯？
如果他們是啊正的人，來醫院做甚麼？關聯到人口販賣嗎？但啊正不會做出這些事來的，越想越可怕。
「睇你個樣，係咪發生咩事？」渠頭說。
「今次得威嫂搵番。」我說。
「又會咁既？放威嫂唔放其他人......好奇怪，件事無啦啦唔同左，唔講仲以為威爺做既。你知啦，佢份人好神秘，上次先六親不認，差D害我地。」
渠頭笑說。
「唔好咁小器啦，威爺過緊黎。」我說。
「咁就好啦，解決羅波就一天光哂。」渠頭說。
「未啊，叫羅波做野班黑警呢？就算我地解決羅波，佢地唔會放過我地。」我說。
「但係要USB既話，要等到聽日祥媽過身，又要小美去攞遺物，再調查得黎都過左4月3。」渠頭說。
「你咪好熟ICAC劉sir既，比料佢幫手調查，今晚佢又會係餐廳出現。」我說。
渠頭一面厭惡的模樣說道：
「以前對唔夠咩，我唔想同佢傾計wo......算啦，見訓嘰笠叫到，我又想快d解決成件事，搵就搵啦。」
我想起當晚除了劉世邦之外，還有水晶梨在餐廳外路過，她說有地方去，會否與劉sir見面？如果她有份參與ICAC與國際刑警組合作調查的大案件，
難道與啊正的國際公司有關？做不法事？但水晶梨不像為了調查而埋身於他，相信二人結婚是真感情的。
也記得有次對話：
「做左人老婆變左WO，以前做記者咩都跟好搏。」我說。
「我而家都好搏，哈哈，好啦，我飲啦。」水晶梨說。
希望水晶梨不要捲入其中。
「你又諗咩咁入神啊？」渠頭問。
「我諗住你有你見劉sir，我約水晶梨......係啊，今日你要去番同周炳仁班工人講數，唔好要三婆康仔整親。」我說。這時威爺whatsapp：
「我到左。」
「威爺到左，行啦。渠頭。」我說。
「Yes Madam！」渠頭說。
來到村口士多，威爺揹著大袋站在這裡。
「威爺，早晨啊，做好準備WO，能蟹。話時話好想問，你邊得黎咁多槍？」渠頭問。
威爺看看手錶，不耐煩說道：
「你理得我。行未啊？再唔去，人地走哂啦，一間仲要番工。」
正當他打算起步時，渠頭卻說：
「啊訓嘰笠你都係留係到，我地兩個搞掂。」
「我......」
「我咩啊。MADAM，你唔好去啦，唔該你啊，上次唔係個神秘人救你地，你已經死鬼左。」威爺說。
既然如此，就照他們意思做，我不參與事件，少一些蝴蝶效應，安心點。
「好啦，等你地好消息。」我說。
「就咁話啦！唔好太掛住我」
渠頭笑了笑，與威爺離開。
他們才剛離開，我就焦急得如同熱鍋上的螞蟻，坐立不定。雖然以威爺的能力來說，我是不應該擔憂的，但計劃永遠趕不上變化。
這時，喊爆和籮斗來到士多，不知道渠頭告訴了我們的關系沒有？
而神秘人理論在山上留意著威爺動向而行動，他們二人都在這裡，即不是神秘人，看來之前我想得多了。
「早晨啊！Madam，渠頭哥講哂比我地知啦，估唔到你同村長一齊。」喊爆說。
「係囉，明明成日對渠頭哥黑面，嘈交，原來扮野既。」，籮斗說。
「我都估唔到，大家嘈嘈下增進感情一齊左。」我說。
他們興奮得好像自己找到女朋友一樣，不過渠頭朋友不多，這些好兄弟也難免為他高興。
而其他村民聽見我與渠頭一起，不斷八掛，到處宣揚，真沒有辦法呢。
當初母親埋怨為甚麼搬進錦發圍，可是我覺得不錯，如果不是有大事件，只少與世無爭。
等待閒著，還是打電話給水晶梨。
「水晶梨，同啊正結完婚番香港都唔通知我啊？今晚有冇時間食飯？傾傾緊要野，關於你同啊正。」我說。
「係啊......有咩緊要野？」水晶梨說。
「電話好難講，今晚紅蝴蝶餐廳再傾。」我說。
「咁神秘？今晚見啦。」水晶梨說。
看見三婆，康仔經過，還是早點提醒他們比較好。
「三婆，早晨，康仔，去飲茶啊？」我說。
他們停下來，康仔說道：
「早晨，係啊，飲完過去同婆婆過去探人。」
「康仔啊，個邊做緊工程好亂又多砂，無謂D人唔小心整到三婆啦。」我說。
「umm.......婆婆不如聽日再去，好唔好？」康仔問。
「好啦，反正今日天氣唔好。」三婆說。
「唔該MADAM，幫我問候老師，仲有光仔，好耐都冇佢地食飯。我地走先啦。」康仔說。
「我會。BYEBYE，慢慢行」我說。
他們離開，我解決了這件事，不用麻煩渠頭，他就有更多時間處理其他事情。
看看手錶，不知不覺過了半個鐘，他們應該解決到吧？
此時卻傳來電話，是啊正？
「啊正？咩事？」我說。
「風，你又做咩啊？叫關鼎名同威爺上山捉羅波，阻到我班人，而家搵唔到羅波。」啊正嚴厲地說。
先沒有想到啊正今次主動出手，而明明提早去捉羅波，他又會不在這裡？是剛好離開還是有人通知？
就像賀展祥身邊的碩士也是二五，難保啊正身邊沒有人與黑警通風報信，不然上次他提早交易，羅波又會中途搶劫成功。
無論如何，啊正所做的事並不是安全的。
「啊正，聽我講，我唔知你做緊咩，不過希望你睇在UNCLE同水晶梨份上，唔好做。」我說。
「你唔好理，我話過邊個阻到我，無情講，你都唔想再死人，係咪？同我講比威爺聽，唔好再咁多事，好地地睇住老婆就算。」
啊正似乎在暗示甚麼？他會傷害威嫂？
「唔好.......」
我還未說完，他就掛斷線，不久，威爺氣急敗壞的與渠頭回來。
「Madam,！差啲比你玩死，搞咩？羅波就唔見啦，見到班蒙住面拎槍既人，十足恐怖份子。你知唔知我諗起當年班中東佬?」威爺怒道。
說到這，我想起酒吧見到的中東人，當日跟踪他，阿正及時出現，中東人應該係交易對象。為了這場交易，阿正接觸危險人物，難怪國際刊警要調查。
「唔好怪訓磯笠啦，上次我同佢的確揾到班犯。點知今次邊個改變左?我知啦!慌唔係裙腳仔郭尚正咩!」渠頭說。
「班人係阿正派既.......佢頭先打黎警告我。叫我地唔好再阻住晒。」我說。
「嗱，都話係佢啦，一日黑警一世都黑，玩到咁，你話佢知，筲箕遲早拉硬佢。」渠頭說。
威爺說道:
「我理得你地，唔係老婆個邊冇頭緒我使咁？本身捉犯而家玩到有中東佬加入，我唔玩啦，係咁先。」
我本來想告訴他阿正的話，但還是算了，經過今次，威爺都不會再理我們。
「sorry,我冇諗到阿正哩個因素。」我說。
「算啦，你根本都唔會控制晒所有蝴蝶效應。」威爺說。
他想離開，渠頭大聲呼喚:
「喂，威爺，去邊啊?」
威爺沒好氣說道:「番工啊，唔使做啊?拎住袋槍番去啊?又要番屋企先，嘥我時間。」
對了，也是時侯上班。
「渠頭，你唔使理三婆啦，我頭先處理左，暫時你低調查野啦。」我說。
「放心，我實將頭先既野通知筲箕，快啲拉鬼郭尚正，兩父子團聚。你番工啦，今晚見。」渠頭說。
「仲有睇緊小美，我走啦......」我說。
威爺已經不見了，我只好一個回總區。
第二次穿越
4月1日，10:05
Eu 總區。
他們三人在這裡，我問阿添:
「阿添咩事咁既樣?係咪仔仔有事?我識個私家既兒科醫生，介紹你去睇。」
雖然還未捉到羅波，但我都要幫添的兒子，上次的意外，理論不會再重複。
「你又知既?好啊，唔該哂......係wo，今日揾番威嫂，威爺復工。」添說。
「咁我就唔使揸車咁大壓力，講開，madam線人神通廣大，可惜揾唔到其他失蹤人口。」二哥說。
「又會咁奇怪既，係咪有人通風報信?」dee 說。
「計我話，應該係威爺嚇到啲人放威嫂。落去買早餐先。」二哥笑說。
他們離開，對於人口失蹤案，我暫時懷疑與阿正有關。
而羅波背後的黑警集團，相信遍佈不同地方，很難完全掘出來。
上次Eu 部門，182最不起眼的鍾永俊是黑警，經過這一年，又會否有其他黑警存在eu?
「又諗野啊madam ?」
我沒為意威爺回來了。
「我諗緊黑警啲野，你覺得.......」我輕聲說。
「你又懷疑自己人啊?唔好痴啦，上次我比你地逼到想隊你地。」
「你同渠頭唔好咁小器啦，成日提上次，一場誤會。」我說。
「你試下下次比李SIR通緝話係黑警，屋企都冇得番。想搵黑警，我幫你分析吖，阿添要奶粉錢，實係黑警。二哥成日報串比李sir，阻住哂捉人仲唔係黑
警?阿dee 唔聲唔聲，話唔定有關添。李sir叫你唔好理羅波，罵你停你職，都係黑警。」威爺說。
「我都唔係咁意思，認真D啦。」我說。
「我好認真，一係你就搵ICAC拉晒成個EU，一係你就拉自己入青山。成個黑警集團你點抽哂出黎？當初花左幾多時間先知郭偉誠鍾永俊係黑警。」威爺說。
只要得到賀展祥的USB，定能真正解決整個黑警集團。
「仲有你成日懷疑人會好辛苦，對人好唔公平。有線索先好懷疑，冇就放鬆，唔好查唔成，自己已經變做魔鬼。」威爺繼續說。
「我明啦，原來威爺咁關心我。」我說。
「唔係影響到我，我理鬼得你，當初就係因為講多句，間接令你穿越。唔講啦，佢地仲買早餐，幾點啊？。」威爺說。
有時看見威爺的模樣也想笑，越來越多說話，與當初嚴肅差天共地。
「老婆打黎......」
威爺聽電話。
「係......係醫院好悶想走？唔得啊聽話，你要係到做多D檢查，我先放心.......」
我示意要與威嫂聊天。
「老婆等等，MADAM話想問候你。」威爺說。
「威嫂，保重身體啊。」我說。
「啊威今日番番工，冇麻煩野比大家MA？」威嫂說。
「冇，威爺點會麻煩我，佢話我煩就差唔多。」我笑說。
「佢為左我成年冇番工，影響成個EU，我都唔好意思。」威嫂說。
「威爺係好人，你係佢最寶貴既人，屋企人永遠最緊要。如果我知做EU引起咁多野，都想繼續讀書，做文職唔使要佢地擔心。」我說。
「我希望今次身體好番D，同老公有個完整家庭。」威嫂說。
「到時我要做契媽。」我說。
威爺看著我說道：
「你地傾咩啊？咩契媽？比番我講，唔好阻芷澄休息。」
「威爺話要同你傾番，唔講住啦，好好休息。」我說。
「等我出院，下次去我屋企食飯，叫老公煮木瓜雪耳糖水。」威嫂說。
「好啊。」我說。
我交還電話給威爺。
「老婆，我放工搵你，你睇住新劇先......好，我會開心咁番工，BYE。」威爺說。
這時，李SIR與他們回來。
「開會。」李SIR說。
「凌晨風，雖然冇發現到咩人口販運貨車，但都搵到威爺老婆，歡迎威爺番黎。」李SIR說。
「好囉，威爺番黎一天光哂。」二哥說。
「咁又要聽MADAM同威爺日嘈夜嘈啦。」DEE說。
「」Tim說。
「Sorry sir，線報有問題。」我說。
「唔緊要。第二件事，頭先有行山人士見到有班蒙面拎槍既可疑人，通知左O記，希望大家留意，凌晨風，由其係你住開個頭，有咩消息記得通知。」李SIR說。
我明明知道是啊正的事，但又不通知警方，只因我不相信他們，而告發啊正等同於宣戰，在正義與後果之間難以取捨。
「咁講番人手安排，二哥就繼續之前位置，樂芝番番182，如果有需要再調車。
「yes sir。」樂芝說。
「今日冇特別既就照常工作，散會。」李SIR說。
離開之前，威爺輕聲說了句：
「我知你諗緊郭尚正，最好佢唔搞事，唔係夾係黑警同佢中間，我地好唔掂。」
「威爺，其實......啊正叫你唔好再咁多事，好地地睇住老婆。」我說。
「老婆同佢地無仇無怨，上次郭偉誠都試過開槍打傷佢，郭尚正試下再黎，我實唔放過佢。不過既然佢講到咁，我唔再理你地。」威爺說。
「係既，都唔想威嫂有事，交番比我地處理。」我說。
第二次穿越
4月1日12：00
今天的巡邏比之前放鬆多了一樣，因為看起來沒有甚麼事發生。
渠頭傳來whatsapp。
「我而家係工地，其中幾個南亞佬冇番工，call極都唔見人，都唔知係咪郭尚正叫佢地去做咩。」
「仲有咩特別野？」我說。
「有啊，頭先你走左之後，個個咩蔡興國去搵媽子囉，同我傾左幾句，原來我細個見過。」渠頭說。
蔡興國又提早了一日找渠頭媽，不過我不會知道因何事而引起的蝴蝶效應，而且非關重要。
「你約左劉sir未啊？」我說。
「係WO，掛住約筲箕，唔記得。而家約！」渠頭說。
「上心D啊，唔講啦，今晚見。」我說。
二哥不客氣說道：
「MADAM成日話啊TIM玩手機，自己又係咁。」
DEE回應他的話：
「MADAM多線報MA，點可以咁講。」
「唔緊要啦，咁我以前的確成日唔上心，而家又緊張老婆同個仔，有諗過轉文職。」TIM說。
「咁又唔好，我地需要你。好啦，以後就算做野都好，唔係緊要關頭，可以覆電話，因為有D電話你唔覆就太遲，。」
就好像上次不讓威爺繼續聊電話，結果威嫂換燈跌死，有一些事情真的不要相信有下次。
聽見我的話，威爺冷笑了一下，說道：
「你知就好啦。」
電台通知：
「Eu181，182車，請到下白泥村。」
沒有想到剛與渠頭聊完，現在村中又發生事，難道關系到沒有上班的南亞工人？啊正又在做甚麼？
「calling電台，發生咩事？」我說。
「村民聽見有多次槍聲，請去調查。」
「181而家去。」我說。
中途也收到神秘人短訊：
「錦發圍唔知發生咩事，我真係好驚未來一步步咁重現，村民係無辜既，唔可以因為我地既事而受苦。
Can I Save the Future？」
「一定可以！比信心大家。」我說。
到了村口，父母，光仔，小美，一班村民在士多談論著，三婆與茂伯正坐在這裡搽藥油。
「咩事？」我問。
「頭先同婆婆番黎，佢比槍聲嚇親。」康仔說。
「仲有茂伯啊。」女村民說。
「唔講仲以為有恐怖份子，都話唔好住係到啦。」母親說。
「唔知唔好亂講啦，係有事一早有事，個別事件姐。」父親說。
「我地錦發圍不嬲都平安既，係個賀展祥之前做搞到哩到亂哂，你地知啦佢做毒販，好多無謂人出入。」亨叔說。
「亨叔，你唔好咁講啦，小美係到。」光仔說。
說起小美，我注意到她臉頰發青，手拿汽水在發呆。
「你咁既面色既，使唔使睇醫生？」我說。
小美沒精打采說道：
「本身頭痛訓緊，比槍聲嚇親，唉，我知啊哥之前帶比哩到麻煩。SORRY啊，亨叔，SORRY大家。」
「算啦，我都係講下姐。」亨叔說。
渠頭與伯母呢？我打電話給他。
「渠頭，係邊啊？村到有野發生。」我說。
「我知啊，馬上番左屋企同媽子，佢唔方便出黎，你個邊點？使唔使幫手？」渠頭說。
「唔使，你睇住AUTIE，我地調查先。」我說。
「好，有咩記得CALL我。」渠頭說。
掛線後，他們還是心有餘悸。
「各位，你地留係到先......TIM，二哥，DEE換衫，四周圍睇下。」我說。
我們各自在村裡四處搜索，開始發現血跡，沿路再到一個巷子，只見受傷的南亞人在一角，是上次大鼎物流倉死去的一個，我馬上走到他身邊。
「calling，發現其中一個傷者，係後街巷到。」我說。
「你點啊？話唔話到比我知發生咩事？」
南亞人多次想說話，但沒有氣力。
「唔緊要，救護車好快到，你頂住。」我說。
「去到羅......波......有......聽到好似....同警察.....講電話....」
今早的時候，啊正與中東人找不到他們，再派方便利用的南亞人在村調查，結果給羅波發現了，展開槍戰。
而他們在村裡有藏身點，一定是很隱密的且受黑警保護。
他眼睛張大，我聽見背後傳來腳步聲，下意識的拔槍，一個轉身......
「Madam？」
「啊DEE？做咩咁遲出聲啊？」我說。
「我怕講野驚動係附近既犯人，點知Madam你咁緊張。」DEE說。
「我以為有人想偷襲......係WO，你點解係到？」我問。
「搜索囉，行到附近聽到你話發現傷者就過黎。」DEE說。
我再回頭看時，南亞人已經斷了氣。
「而家冇線索啦，不過可以好SURE關羅波事，仲有人保佢地。」我說。
「邊個？」DEE說。
「黑警。」我說。
「咁大件事？使唔使同李SIR講？」DEE說。
「太大層面，講都冇用，點知有幾多黑警係身邊。」我說。
「咁又係，之前182鍾永啟，識佢咁耐都估唔到佢係，仲有總警司。」DEE無奈地說。
看見這情況，啊正真的為了解決事情不惜一切，只是對方都不會坐以待斃，這裡已經瀰漫著異常的氣氛，但起碼知道多一件事。
以後要謹慎一點了，現在都不知誰敵誰友，可能眼前的啊DEE都有機會是黑警，不過沒有線索就不要懷疑。
過了一會，與二哥，啊TIM會合，而重案組也到場了，男子過來說道：
「新界區重案組總督察何天光。」何SIR說。
「EU181既警長凌晨風，要總督察親自黎埋，睇黎都好大件事。」我說。
「我以前係西九龍O記個邊，升職調任新界哩邊冇耐，冇得唔親力親為，要熟下環境。加上今次聯同ICAC，國際刑警組個邊調查case，重案組頭先收到你地消息，可能有關聯。現場情況
點？」何SIR說。
「初步發現幾具南亞人同通緝犯羅波其中一個手下既屍體，而懷疑有黑警保住羅波做不法野，與中東人作對。」我說。
「自從郭偉誠一案之後，ICAC開始著手調查黑警，但只係成功拉左佢，其他黑警資料的證據都冇哂。如果係有咁多黑警，你一個EU
警長知咁多野，都唔應該四周圍講。至於中東人.....唔方便講咁多，安全至上。」何SIR說。 「天光仔？係你啊？」
士多的父親叫喊著，這樣親切的稱呼總督察，他們認識的？
我們來到士多。
「海叔？好耐冇見啦。」何SIR說。
「啊爸你識何SIR？」我問。
「叫師兄啦。我同天光仔啊爸大河係老朋友，不過佢失蹤左成二十年，正常人都可以消失左七八個月，更何況當差既咁多危險，唉。」父親說。緣分
「其實個二十年，啊爸因為一d原因出左家，聽講佢而家係寶蓮禪寺，不過佢未必想人探佢。記得佢話
唔一定要日日見面，只要心中有大家，有緣一定可以再見面。」何SIR說。
「啊......估唔到大河會係咁既命運，都好既，遠離煩擾既世界。」父親說。
「命運係可以改變。」我說。
何SIR感慨說道：
「唔係個個可以改變命運，改變都唔一定係最好，因緣際會。」
聽他的話，似乎他們父子間經歷了很多深刻的事情，才有如此得著，就好像我與其他人穿越的感受。
「爸，唔好阻住何SIR做野啦，我諗無野，你地可以番屋企。」我說。
「唔緊要啦。」何SIR說。
「好啦。過兩日同啊燕光仔去寶蓮禪寺食齋，探下大河都好，一場朋友，一次半次都要。」父親說。
「都好耐冇食過齋。」母親說。
「唔去得唔得？」光仔說。
「唔得！我今朝同你講過咩？」我說。
「我都去，幫祥媽祈福。」小美說。
「一於係咁決定，大家都去。」我說。
我不用安排活動了，他們4月3留在寶蓮禪寺定必安全。
村民開始四散，O記在村內的調查結束了。
何SIR語重心長地提醒：
「哩個我電話，有咩消息CALL我啊，唔好自己去查。照行事規模，直覺話比我聽兩邊既勢力好大，唔再係咁簡單。」
「唔該晒。」我說。
他們離開之後，EU也要回總區報告。
沿路上，我覺得啊TIM好像心事重重的樣子，奇怪的眼神看著二哥與啊DEE。
「TIM，做咩咁既樣？」我問。
「冇......冇野。」
既然TIM不願意說，我都不能強迫，希望不是關於黑警的事吧。
「佢緊係諗緊MADAM幾時識得重案組總督察何SIR啦，仲有本事過啊正同渠頭。係WO，聽講佢做左美國大公司高層。」二哥說。
「我知，唔好理人地啦，做好自己既野。」我說。
啊正方面，我都要找機會好好與他說清楚了，或者要水晶梨幫忙，今次只是開始，再有下次可能會更嚴峻。
4月1日16：00
總區。
「頭先同重案組何SIR傾過，錦發圍會派多D人睇住，而且我地要加緊調查兩班人。凌晨風，特別要辛苦你。」李SIR說。
「Yes Sir！」我說。
開會過後，蔡興國來到。
「我同大家介紹，前總警司蔡興國大SIR。頭先同佢傾完錦發圍單野，想見下大家。」李SIR說。
「我今朝都係錦發圍探朋友，好在一早走左，難為班村民嚇親。聽講村到有咩恐怖份子，我諗起當年班中東佬，陳勁威你好清楚有幾恐怖，多得你救我老婆仲有其他人。
「聽李SIR講，係人口販運貨車搵番你老婆，咁就好，親人永遠最寶貴，多多錢買唔到.......」
「唔使多謝。我而家都唔係好掂啦，eu哩到既madam凌晨風係好野黎，大sir你要識。」威爺說。
「凌晨風......我識，老郭個仔前女朋友，之前差d結婚。而家又係名仔既女朋友。」蔡興國說。
「madam感情生活亂到大sir都笑。」二哥笑說。
「後生仔女係咁ga啦，不過做人唔好感情用事。比心機做，睇好你做明日之星，唔好做黑警。」蔡興國說。
「madam同威爺咁正義，點都唔會做黑警，其他人就難講。」TIM說。
他似乎話中有話。
「最緊要問心無愧，做好自己本份。就算知道人地係黑警，唔想同流合污咪唔做囉。」DEE說。
「當差唔容易啊，係一大班黑警入面好難抽身，出污泥而不染。凌晨風，陳勁威，如果有一日有麻煩，
哩張我卡片，有需要就搵我。走先啦。唔阻你地做野。」蔡興國說。
我與威爺接過卡片。
「大SIR，我同你出去。」李SIR說。
「唔使同我行啦，你做你應該做既野。」蔡興國說。
「好既，得閒再黎。」李SIR說。
蔡興國離開，二哥說道：
「威爺真係我行我素，大SIR都唔比面。」
「大唔大SIR唔關我事，我番工收工，冇野要佢幫，除非佢幫到我老婆。」威爺說。
「多個朋友好過多個敵人既。」我說。
「我又冇話佢係敵人，不過都唔會係朋友，係咁。」威爺說。
第二次穿越
4月1日20：30
下班後，渠頭接我到餐廳。
他無奈說道：
「今日錦發圍發生咁既事，嚇親媽子啊，成班村民問我點，我身為村長咩都做唔到，睇住郭尚正同班嘔泥亂黎。」
「咁你都有通知筲箕，仲有一間同劉SIR交換情報，已經好幫錦發圍，只係有D野更大層面，我地未必HANDLE到。」
「又係既，聽海叔講，同O記總督察何天光好熟WO，算係你師兄。」渠頭說。
「我唔熟MA，你呷醋啊？」我說。
「使咩呷醋啊，我咁能蟹，邊個搶得走訓箕笠？我只不過覺得知人口面不知心，話唔定佢都係黑警呢？」渠頭說。
「講起黑警，今日總係覺得啊TIM收埋D野唔講。」我說。
「唔知都唔好問啦，佢自然會講。」渠頭說。
「最怕佢一個人去查，屋企有大有細，有咩事咁點？」我說。
「咁都唔係你叫佢去做，你放鬆D啦......到啦。」渠頭說。
到了餐廳，劉SIR已經在這裡等待，不久，水晶梨也到了，我們分別坐開。
「風，約我咁心急，有咩關於啊正既緊要事？我聽講你而家同渠頭一齊，收埋咁耐，姐妹都唔講，估唔到。」水晶梨說。
「係啊，大家都搵到自己既一半。啊正......水晶梨你最近做緊咩？」我說。
「啊正做生意忙，佢哩幾日要黎香港見大客，我咪安心做人老婆囉......」水晶梨說。
「我意思係......其實......」我說。
「風，有咩就講啦。」水晶梨說。
我只好直接了當地問：
「你係唔係幫ICAC調查啊正？」
她表情變得愕然，說道：
「下？點會啊？你講緊咩？我無啦啦點會同ICAC有關？仲要查老公？我同啊正好好感情，唔係為調查而埋身。你係咪最近番工成日亂諗？聽講錦發圍有事。」
「直覺覺得你有秘密，我只係想講，啊正做緊既野唔係咁簡單，邊個阻到佢都有危險，就算老婆都好。」我說。
「我唔知你點解咁講，。就算係咁，咁為人老婆，更應該明知佢做危險野，要去阻佢。好啦，換TOPIC好唔好。」
看見水晶梨微慍，我也不想因為這件事令關系變得更壞，都知道她不會說真話，只是嘗試警告她，只好結束話題。
接下來的時間，我們除了聊著小美與錦發圍的事情，而渠頭與劉世邦似乎結束談話走過來。
「劉SIR。」我說。
「凌晨風，咁都撞到你，係咪約埋？估唔到你同關鼎名一齊，唔怪得有金融才俊唔做，去做村長。」劉世邦說。
「做村長不知幾好。」渠頭說。
「咁睇黎風你同渠頭單野一日傳晒出去。」水晶梨說。
「哩位應該係李姿婷，之前做記者，你都識收風啊。ICAC調查可以好快手，所有人物關系，總會有人報料更新資料，方便查CASE。」劉世邦說。
「咁......頭先講比你個D料，記得跟緊佢WO，劉SIR。」渠頭說。
「放心，你比左好寶貴既消息，我地會加快調查。走先啦。」劉世邦說。
劉世邦離開，我們還想繼續聊，水晶梨說要走。
「我諗都要走啦，無謂要老公等。都好耐冇見小美，得閒再見啦。」她說。
「好啊，再約。渠頭，咁我地都走啦。」我說。
出了門口，沒想到啊正就在這裡等待水晶梨，他看見我與渠頭，沒有任何表情。
「正？你唔係話約左人傾野唔得閒接我？」水晶梨說。
「哦，改左時間。你知啦，傾大生意唔係咁容易，個客好多要求，又要小心哩樣小心個樣。不過老婆都好緊要。」啊正說。
「咁風，下次再傾啦。」水晶梨說。
「好。」我說。
他們離開之前，啊正說道：
「與其傾咁多野，不如做好自己先講，唔好次次都以為有下次機會啊，係咪啊？風。」
我沒有回應，渠頭之前答應過按捺住情緒。
啊正這番話是針對有份阻止他的人而說的，他也不畏懼地挑戰我們。
為何一定要這樣呢？
回去時，渠頭一言不發。
「做咩唔出聲？」我問。
「冇啊，諗緊聽日去醫院單野，睇下邊個救走賀展祥。今次筲箕會幫手，一間再同佢傾。」渠頭說。
「你同劉SIR傾左D咩？」我問。
「我講左USB同郭尚正D野囉，佢話估唔到我知既野仲多過佢地查到。咁你呢？」渠頭說。
「水晶梨唔認幫手調查啊正。」我說。
「你咪問咁多啊，一間好似上次水晶梨比人害死，郭尚正咩都做得出。」渠頭說。
「我擔心佢MA。」我說。
「水晶梨係要做既有佢理由，你唔係唔知佢硬頸啦，我地快快手解決，咁佢咪咩都唔使做囉。」渠頭說。
「都係既。」我說。
第二次穿越
4月1日22：00
我們回到到鼎名地產找筲箕，他們在這裡吃火鍋。
「渠頭哥，MADAM番來啦，食野啦。」筲箕說。
「頭先食完野，訓嘰笠再食就會好飽滿。」渠頭笑說。
「係啊，唔打邊爐住。」我說。
「查案都要食野MA。」筲箕說。
「村長夫人，以後去我地鋪頭「包籮大爆」買包平比你。。」籮斗說。
「平DD。」喊爆說。
「作死你地啊，唔使比錢啦，間野我都有份。」渠頭說。
「渠頭，筲箕，傾野先。」我說。
「好。你地食還食，咪食晒。」筲箕說。
我們到屋外，筲箕說道：
「你地都知好多野WO，不如入埋國際刑警組做。」
「你地查到啊正幾多野？」我問。
「國際刑警個邊查緊美國一間知名公司BS，郭尚正做緊高層，表面幫外國人同中東人係香港交易，但我地係要引公司既幕後老闆出黎。
有理由相信交易既唔係一般野。仲調查公司有冇做D唔人道既野，懷疑同人口販賣有關。」筲箕說。
「至於渠頭哥話賀展祥同黑警既野，單CASE層面好大，又同郭尚正有關聯，我地同ICAC，O記都查緊。」筲箕說。
「郭尚正個打把做埋恐怖分子，今次係打大大怪獸。」渠頭說。
「所以聽日我會幫手，賀展祥好重要，有佢可以知好多野。」筲箕說。
「咁唔該哂你啦，但小心啊正。」我說。
「我知啦。MADAM，唔好感情用事。」筲箕說。
「有咩你再同渠頭KEEP聯絡。」我說。
「我地走先啦。」渠頭說。
「咁我番入去繼續食，聽日再講。」筲箕說。
我們回到家，小美獨自坐在小花園。
「小美？做咩係到唔番入屋？而家非常時期，夜晚冇咩必要就留係屋入邊。」我說。
「訓箕笠，唔使講到非常時期咁恐怖既，唔通會打到黎你屋企咩？」
小美擔憂地說。
「諗起今日我訓唔著，下午去睇祥媽，佢面色好差。」
「要黎既始終要黎，唔擔心得......」
我話未說完，渠頭撞撞我手臂。
「冇野。」我說。
「我知既，要黎既始終要黎，改變唔到，佢都年紀大。如果啊哥可以睇下佢就好。」小美說。
「實有機會既。」渠頭說。
「係囉，唔好諗咁多啦。以前天真既你去左邊？最唔應該煩。」我問。
「好多野黎到既時候冇得唔煩。人會大，發生咁多野就要面對......我番入屋先啦。」小美說。
她進去，渠頭說道：
「有幾多野啊？佢咁既樣，唔講仲以為今日死晒D人。」
「冇野既......夜啦，聽日你仲要打醒精神。」我說。
「好，早抖，訓箕笠。」
渠頭親吻我臉頰，然後離去。
第二次穿越，4月1日23：00
梳洗過後，正當我想睡覺的時候，卻收到威嫂電話？
「威嫂？咁夜仲唔休息？有事搵我？」我說。
「我係醫院訓唔著，諗住搵你傾計，阻唔阻你？」威嫂說。
「唔阻，唔緊要啦，我怕一間威爺話我阻你休息姐。」我說。
「我同佢講，反正身體都係咁，聽日出院番屋企，講左好耐佢先肯。」威嫂說。
就算威爺不想都會尊重她的意願，反正留在醫院也作用不大，最重要是查出過去一年，甚麼原因令她身體變成這樣。
「都好既，訓咁耐醫院唔病都變病。」我說。
「咁聽晚過黎食飯啊，仲有村長。」威嫂說。
「聽晚......」我說。
「唔得？」威嫂問。
「唔係，得啊，我再同威爺講時間，聽晚見，早D休息。」我說。
「再見。」威嫂說。
希望明晚，渠頭方面沒有意外吧。
第二次穿越，4月1日事件。
1：通知李SIR，早左搵番威嫂，沒有找到其他失蹤人口。
2：威爺同渠頭上山捉羅波，啊正也是。」
3：介紹個兒科醫生比TIM。
4：周炳仁班工人沒有上班，其中幾個去幫啊正手。
5：錦發圍，啊正班人同羅波槍戰，有黑警幫羅波。
認識總督察何天光。
6：蔡興國到總區。
7：我與渠頭分別同水晶梨，ICAC劉SIR食飯，見到啊正。
8：同筲箕交換消息。
9：威嫂約聽晚食飯。