《戰港》: 二

啊......明明係考中文，點解會比人打一棍......

呢度......點解.......點解我會坐返係自己課室架？呀Wing，恆仔，咦！？係全班都喺度。

當我想伸手拍下前面嘅恆仔，仆街，點解隻手郁唔到架，明明冇野綁住，唔通係比鬼壓？

課室嘅中央廣播：「好。連最後一位同學都醒返，遊戲正式開始。」

「歡迎大家黎到『刑場』，首先要同大家講一個好消息，恭喜大家，你地係被選中嘅細路，因為只有今年嘅中學考生先有份參與。」





「參與......呢場遊戲。呀，講咗咁耐，仲未介紹自己，我叫牧羊人，算係呢個世界嘅神，暫時你地嘅手手腳腳比我鎖住咗，等我講完野就會解放你地。」

神？明明冇嘢綁住啲手手腳腳都郁唔到，唔通佢真係神？

「好。長話短說。現場四萬五千三百九十一位考生，我哋依家意識上生活係異世界 - 『刑場』，一個放大左一百倍嘅香港。」

「係呢度，你地要拼個你死我活，因為只有最後一位考生能夠統一香港，遊戲先會結束。」

「遊戲無論過咗幾耐，都會係現實世界嘅一秒鐘。不過，顧名思義，係意識上。如果你係『刑場』中死去，咁你係現實世界都會立刻死亡。」





「每一間中學就代表一個國家，而只有國家嘅領袖先可以透過『模擬視窗』添兵買馬。」

「嗯......『刑場』嘅科技水平大概係春秋戰國時代，而我會係三日後增添各國百姓，到時候我地再見，祝各位好運......」