《戰港》: 三

？？？？？？？？？？？？

各種問號。點解我會喺「刑場」，點解我要參與呢個遊戲，仲可能搞到命仔都冇......點解？？？！！！

係出現唔同疑惑嘅同時，四肢如同牧羊人所講解放左，靈活自如。

阿Wing、恆仔馬上走過嚟：「大佬，依家點算好呀？」

你問我點算？一時之間我都諗唔到要做啲咩。





突然一把刺耳嘅聲音出現。

「我覺得當務之急就係揀一個人帶領我哋走出呢個困境，我作為風紀隊長，相信就係呢度嘅最佳人選，大家有冇異議？」

又係呢個八婆Cherry，持住自己係風紀隊長就聲大大，樣係唔錯，165又有B cup，差在個格，成日都衝住去攞彩。

「一個女人點樣可以帶領我哋打仗呀？依家唔係挽呀，要攞彩就下次啦。計我話要揀就揀讀書最好嗰個。」

連讀書最叻嘅William都出嚟爭，睇嚟大家為左命仔都會爭崩頭。





Cherry：「喂William，你咁講則係睇少我哋女人姐，揀個死讀書嘅又點帶領我哋打仗呀？」

如是者，你一言，我一語，半個鐘頭都無結論。

突然，㗳！㗳、㗳、㗳㗳㗳㗳㗳㗳......仲有打鼓嘅聲音。

向窗邊一望，原來對面學校開始向我哋發起攻擊，仲要架起左雲梯。

由於我哋同對面學校只有一街之隔，佢哋喺天台踩住雲梯打橫殺過嚟。





我校陷入全面恐慌。有人尖叫，有人喊，有人發呆。

如果係咁，我哋又點可以生存到最尾，我哋又點可以恢復原本嘅生活？呢個moment，我要爆啦。

我：「全部人聽住，所有女仔同我走去禮堂躲避，所有男仔跟住我去天台嘅童軍室攞物資，同我一齊殺死對面班仆街！！」

所有人因為我嘅說話而愣住。

我：「若果你哋有更好嘅方法，就立即講，如果唔想依家死嘅就立即跟我嘅說話去做！」

果然為左生存，所有人都立即行動。

而呢次，就係我第一次領兵打仗，開展左我日後征戰沙場嘅日子......