甲賀奇俠: 55.告白

三日後，周五


身穿教師套裝的由紀，早已在自宅樓下等待

「唔知...克哉有冇事呢...」


由紀一邊等著，一邊憶起三日前的早上









「鈴鈴鈴鈴！！！！」



「唔....唔....」





陽光照射再加上鬧鐘叫聲，使由紀從睡夢中醒過來


「..尋晚.好似...發過個..好奇怪既夢咁既...」

由紀拍打自己的臉頰：「不過唔理啦，快啲刷牙先」








「咇咇！咇咇！！！」


「嗯？」

手機響起，從準備梳洗的由紀放下牙刷

「係...克哉..？」




「喂，克哉？」






電話的另一方，是昨晚受傷的克哉

「呃...唔好意思呀由紀，我係咪..嘈醒左你呀」


「唔係呀..我都差唔多起身返學啦，係咪..有咩事呀？」



「我..尋晚響屋企..有啲家居意外..整親腳，所以可能要請兩日假...」

克哉望自己自己身上的繃帶

「總..無可能同結城老師講尋晚啲野掛...」







「吓？！你.你有無事呀！！？克哉你入左邊間醫院呀？我駛唔駛過黎探你呀？」


由紀一連串的問題使克哉差點招架不住

「唔..唔駛啦...其實好小事咋，我響屋企抖下得架啦..」

「呢幾日..可能要你自己返學啦..唔好意思...」



「..哦...唔緊要..但係，真係唔駛我黎探你呀？」





「唔駛擔心我架，應該...星期五會返到學架啦..」


由紀扁起小唇，帶點失望

「咁好啦，咁...星期五再見啦..」


「嗯....星期五見」




「唉...」





掛線後，由紀將手機收至懷裏，攤在梳化嘆氣

「唔知克哉...有冇事呢...」




「由...由紀..！」

克哉正一拐一拐地走到由紀身旁



由紀一見狀，馬上扶著克哉

「五..克哉！你無事丫嘛！！」



「響屋企抖左幾日無事啦...不過隻腳仲有啲痛咁姐」


「你傷到咁...就唔好咁快返學啦」

由紀一邊捉住克哉左臂，邊扶邊行：「呢幾日學校既事都無乜大問題，除左山內同學同藤堂同學無返之外」


「哦...係呀...」

知道一切真相的克哉不敢再講太多





「美波已經缺席左三日...唔知佢係咪病得好嚴重呢.....」

距離上課時間越來越近，美波的好友日奈亦返到自己的課室



「美...美波！」

日奈簡直不敢相信，美波竟然再次出現於自己坐位身旁的空凳

使日奈感動得撲到美波懷中


「日...哈哈，早晨呀日奈..」


「美波呀，你嚇死我啦，果日淨係覆左我話唔舒服要請假，知唔知我幾擔心呀！」

握緊美波手掌的日奈肉緊問道：「你依家好返未呀？」


美波擺出招牌笑容

「我無事呀，依家已經好返哂啦！」


「哈哈！咁就好啦！」

日奈見美波已經痊癒，也鬆一口氣



「邊個呀你？唔係呢間學校既人同我即刻走！」

「你咪亂黎呀！快啲離開學校！」



多把正爭執的男聲換醒兩人


「邊個響度講野呢...」

日奈和美波馬上從窗口探頭望出走廊




「哈！！！估唔到你條八婆真係響度喎！！！！！！」

一名金髮青年，竟出現於走廊中


「你就富貴啦，做老師！」

由紀的人渣前度祐介，在被多名教師捉住下，指住眼前的由紀恥笑

「你呢啲咁淫亂既女人都有資格教人，笑死人咯！」


「嘩...！！！！」

即使這些指控毫無證據，但聽到如此爆炸一言的

同學們也不禁嘩然



「唔會掛...結城老師一定唔係啲咁既人黎架....」

美波握緊拳頭怒道：「真係...好想教訓呢個金毛衰人..！」



「嗯，我都係咁話...」

綁架一事也使日奈不再對由紀心存偏見




「你...！」

由紀被氣得雙眼通紅，只好轉身



祐介發現走廊已經有多個同學圍觀

「喂喂喂！！！！各位同學！！！你地既結城老師呀，以前係一隻淫娃黎咋！！！」

「依家就響度扮純情作育英才？我今日就要拆穿你呀！」


「你...唔..唔好再講啦！！！！」

由紀的醜事在師生面前暴光，羞恥得根本不敢望住祐介



「臭雞！果陣你...」



「砰！！！！！！！」

一記巨響，祐介竟瞬間飛至窗邊！



「...吓...」

眾師生，以及由紀也不敢相信眼前之事


克哉，竟然一拳擊中祐介



「五十...克..哉...」



「又..又係你呢個西裝狗！！」




「老...老師...！！！」

美波對克哉出手既驚喜，同時又意料之內

「果個金毛衰人咁講得，即係話..上次件事，就係克哉老師救左由紀老師！」



「做得好呀...今次..英雄救美！！！」




「我已經叫左你..唔好再煩住結城老師！」


祐介慢慢站起，抹掉嘴角的血

「你咁幫住佢，你係佢邊個呀！契家佬呀！？」




「我...！」



克哉捉起由紀的手，使由紀也嚇一跳

「我係佢...」


「我係佢男朋友！」



「.....嘩！！！！！！」

這一句，更使人瞠目結舌


「五..五十嵐老師..你..唔係真下話？！」

老一輩的老師們瞪大雙眼：「你應該好清楚，老師之間係禁止談戀愛架喎！？」



「老..老師.！好勇呀..！！」

美波替終於鼓起勇氣的克哉感到欣慰



祐介一聽到就忍不住笑聲

「一隻咁既臭雞你都肯要，真係笑死人！！」



克哉再按捺不住，一記勾拳將祐介打至半空

「砰呀！！！」



「我唔會...比你侮辱我女朋友！！！！」



祐介見自己毫無還擊之力，只好再次敗走撤退

「你...你地小心啲呀！！！我一定會返黎架！！！！」




「..克哉....」

目睽祐介逃離理場後，由紀才重新冷靜思緒


「五十嵐老師..你響度做咩呀！？」

校長和副校長現在才來到現場：「你做咩響班學生面前打人呀？」



「你地兩個...跟我入去校長室...」




「結城老師..雖然今日黎學校鬧事既果個人講既野未必係真」

校長嘆一口氣：「但係我地學校最講求對學生既品德教育，今次件事絕對會對其他師生會有影響，所以...」



「襯你仲入職無耐，我寫封推薦信比你去其他學校啦..」



「吓....？」

由紀無法相信竟因這一次而失去在這高中的教席



「至於五十嵐老師你...先係響學生面前打交，再係公開承認..同其他老師既戀情」

「好對唔住...你都要離開呢間學校」






「喂喂，聽講佢地兩個頭先已經比校長炒左啦喎」

「唔係掛？駛唔駛咁絕呀！」

「喂，咁..我地班點呀？」

「其實佢地兩個係咪真係拍拖姐？」

兩人被辭退的消息，已經傳遍整個班房



「結城老師佢...就咁..比人炒左...」

日奈都不敢相信，自己的救命恩人竟被無情解雇



「老師..唔會就咁離開我掛...」





克哉和由紀，各自拎著自己的物品，離開學校

兩人久久未有對話



「...呃...對..對唔住」

克哉率先開口道歉



「唔..唔係呀！係我.」

充滿內疚之情的由紀馬上鞠躬道歉：「就係因為我以前既事，所以累到克哉你比學校炒左，對..對唔住呀...」


克哉聽到後摸著頭，苦笑道

「你..你起身先啦..其實..哈..我出手果一下都預左既...咁事實上係好難忍丫嘛..哈哈..」





「咁..黎緊..克哉你有咩打算呀？」


「...呃..仲未諗到..可能都係返左鄉下先啦」

「咁由紀你呢？」


「..我都未諗好...一時之間失業，都唔知點好...」


兩人的對話再次陷入沉默




「頭先..情急之下，捉住左你隻手，好對唔住..」

克哉再次對自己的行為道歉


「邊..邊係呢..」

由紀憶起剛才克哉的一句，難免心動一下

「但感覺上，我真係唔值得克哉你..對我咁好..」



「...嗯？」


「其實..我...只係個污糟既女人，你為我做既野...已經太多啦..我...唔配...」



「五十嵐克哉...呢個時候你係咪要做啲野呀...！」



「嗒！」

克哉鼓起勇氣，捉住由紀的手

「...嗯？克...」



「為左你...我做幾多野都可以」




克哉想也不想，對住由紀的嘴唇一吻下去



「...克..克哉...」


「由紀，就算你以前有咩過去，我都願意..」

克哉執起由紀的手：「同你一齊面對未來」



「我...好想..同你..一齊....」



「克....」


望住由紀疑惑的神情，克哉開放動搖

「弊..我係咪..講錯野？唔通..唔係呢個時機...」





「克哉..原來...你從未都無介意過....」


「吓..你係指...以前果啲事？」

克哉苦笑道：「咁..人人都有過去架啦...我淨係知道」

「依家，我鐘意你」



「...多..多謝你....」

由紀滴著淚笑道

「我都...鐘意你呀，克哉.....」