甲賀奇俠: 56.頭痛
「老師？你已經...追到由紀老師啦！！！？？？」
美波捉緊克哉的手問道
「..呃...係呀..」
克哉尷尬笑道：「果日離開左學校之後...表左白..」
一直支持克哉主動出擊的美波自然感到欣慰
「哈哈都話左你得架啦老師！不過....你同由紀老師之後打算點呀？」
被學校開除，再加上祐介這人渣
使兩人已經不能再留在東京這地方了
「我同佢..諗住去沖繩重新開始」
「沖繩咁遠...咁我以後咪無機會再見到老師你囉...」
「而且，我咪無得再做老師你既拍檔」
「你...其實已經可以獨當一面，唔駛做我既拍檔啦，而且...」
克哉指一指旁邊的紗理依和紅龍：「有紗理依佢地睇住你嘛..」
紗理依馬上叉起雙手
「喂五十嵐，唔好誤會喎，我唔會幫你睇住山內架喎」
美波淘氣叫道
「哼，我駛你睇住！」
「係呢，打敗左三船之後，你地有咩打算？」克哉問
「我同紅龍仲需要追查百鬼眾殘黨，所以黎緊仲會繼續留響東京..」紗理依回答
「嗯..咁我就放心啦」
「不過..山內，你都係時候做返個普普通通既女高中生啦..」
「....嗯..」
克哉的勸籲，美波不敢反駁
「係喎，五十嵐，我有啲野...同你講....」
「嗯？」
克哉跟住紗理依來到走廊
「做咩呀？」
「你...覺唔覺得...山內有啲唔妥？」
「唔妥？」
紗理依吞一吞口水，再道
「我係指，果啲白色粉末既事」
「白色粉末..」
克哉憶起與三船一戰過後的美波，的確有點不妥
當時的四人從虎之門逃走後，返到紗理依的住所療傷
「山內...你無野丫嘛」
「山內？」
美波神不守舍，完全聽不到克哉的話
「山內！山內！」
「..啊！咩..咩事呀老師？」
克哉眉頭一皺
「我叫左你幾聲啦喎，你...無野嗎？」
「無..無事呀..可能係頭先..太攰啦...」
「又好似係...平時既佢..就算係攰..都唔會咁」
克哉托起下巴：「你...既意思既...」
「白色粉末總充打開左兩次，而呢兩次，佢都即刻出現頭痛」
「我懷疑山內..佢可能同『江戶怪物』有關」
克哉雖早已見慣奇怪之事，但聽到此大膽推測，不禁感到動搖
「...佢...同『江戶怪物』...」
「當然呢啲只係我既推測啦，我會繼續觀察住佢架」
紗理依再問：「佢..家庭環境係點？」
大事當前，克哉只好老實回答
「聽佢講過，屋企人響外國工作，另外仲有個哥哥..不過細個果陣已經遇到交通意外過左身」
「我明白啦，我同紅龍會調查一下」
紗理依呼一口氣：「有咩消息我會通知你架啦」
「....」
望住美波天真無邪的臉蛋
克哉實在無法相信，紗理依的推論
兩個月後，沖繩那霸
「克哉！得未呀！！！」
「就得啦！」
克哉用油漆，在一間兩層的咖啡店外塗上繽紛色彩
「呼...終於搞掂啦！」
「好啦，『Futari Cafe』終於正式開業啦！」
由紀興奮得攬住克哉：「從今日起，呢間咖啡店就係屬於我地兩個架啦..」
「嗯！」
「鈴鈴鈴....」
「唔好意思呀由紀，我聽個電話先」
「嗯」
「喂...」
「係我」
「紗理依？」
班房內，每一個學生都已經期待著暑假的來臨，紛紛討論
「呼，返埋今日終於到暑假啦！美波，襯呢幾日唔駛補習，不如我地聽日去大阪玩幾日囉！」
日奈亦如常，和美波閒聊
「大阪呀...好呀！我好想去食蟹、章魚燒同生蛋咖哩飯呀！」
踏...
踏...
踏...
多名身穿西裝人士，一步一步進入校園
「報告，我地已經去到目標人物就讀既高中」
「唔好意思呀，請問你地係邊位呀？無登記既話...」
訓導老師眼見西裝人不理告示，馬上上前
「讓開！」
西裝人們好不禮拜，一下就將訓導老師推到儲物櫃上
「我同紅龍呢兩個月查左好耐，終於發現」
身處學校天台的紗理依再道：「山內，佢唔係佢爸爸媽媽親生..」
「佢既爸爸媽媽響九年前，從一間北海道既孤兒園度收養左山內返返」
「咁..都係只係話，佢唔係真係姓山內姐...」
「真正既問題響呢度...」
紗理依深呼吸一下：「我去過果間孤兒園，但發現」
「山內佢並唔係，由嬰兒時期已經響果間孤兒園長大，而只係幾個月，響北海道最北既稚內市發現」
「你...開一開我啱啱寄比你既郵件，你就會明...」
「咁..酒店果啲，我今晚再搞啦，新幹線車票就....呀！！！」
和日奈正興高采烈討論旅行之事時，美波忽然感到
久違的頭痛
「美波？..美波！你有冇事呀？！」
「我..頭好...痛...」
「小妹妹...好快就唔痛架啦」
「從今日起，我地就係你既屋企人啦」
「你..就叫美波啦！山內..美波」
「美波！我執到啦！」
「一早講左咪收養果咁既細路返黎啦！！係...係佢...剋死左真一架！！！」
「......吓？」
一段段的回憶，從美波腦海穿過
「我.....我係....」
「咔！！！」
同時間，課室的木門被狠狠打開！
西裝人們，來到各個同學面前
「終於搵到啦...」
「咩...咩話...？」
克哉看著郵件的相片，差點連手上的電話也跌下
「我用人面辨識既科技，搵到山內曾經響新瀉的一間孤兒園長大過，直到六歲，當時為2009年」
克哉望住電郵內兩張相片，嚇得冷汗直標
一張，為2009年，新瀉一孤兒院的全體照
另一張，為2010年，北海道某孤兒院照片
兩張相片，都可以清楚認出年幼的美波
「咁當時係..邊個接佢走？」
克哉慢慢冷靜過來
「無紀錄，但聽果間孤兒園年老既員工講，當時...同時有多個孤兒被收養」
「咁到底...果一年，山內發生過咩事...」
「啊呀呀呀呀呀呀！！！！！！！！！救命呀！！！！！！！！！」
紗理依的一端傳來淒厲的慘叫哀號
「喂..紗理依！你果邊做咩事呀？」
「唔知..我落去睇下..」
身在現場的紗理依似乎也感到不尋常，急步回去
「紗理依，開視像」
「嗯」
紗理依開啟視像對話功能，使克哉也能看到現場
「啊呀呀呀」「好痛呀！！！！」「唔好呀！！」「啊呀」「走呀！！！」「救..救命呀...！！！」「唔好殺我呀！！！！」「救我呀！！呀呀！！！！！」「走呀！！！」
紗理依一路下去時
慘叫，哀鳴此起彼落
而更令紗理依不安的是
聲音，大部份都由自己班房的三樓傳出
「...踏踏踏」
紗理依跑到三樓時，地上已經屍橫遍野
斷肢，鮮血，內臟
充滿整個走廊
「發...發..生咩事呀...」
雖然紗理依和電話裏的克哉也是專業的忍者
但看到如駭人的場面，也感到嘔心
對克哉而言，有些更是以往每日相見的學生
難免感到顫抖
「五十嵐..呢堆屍體..有啲唔係學生黎..」
紗理依只好繼續向
直到，自己的班房
「咩話..山....」
「山....」
多名西裝人
正包圍住面前的一個女高中生
美波，全身染紅，站正在西裝人的面前
右手上的兩支鉛筆，仍滴著鮮血
日奈
早已經恐懼得瑟縮一角，看著已經不再是「美波」的「美波」，低聲啜泣
「美....美....美...美波.....美波...美波」
「...」
臉如死灰，雙目無神
這刻的美波，猶如無情的殺人機器一樣
夏風飄入教室，將美波的短袖吹起一小角
「060」
三個數目字，正淺印在美波的上臂臂背上
「無可能既...」
「山...」
「山內！！！！！！！！！！！！」
《甲賀奇俠》完