甲賀奇俠: 54.最後的一刀
「刷！！！！！」
破甲的克哉竟能比三船更快，一刀砍中三船胸前！
「無..無可能...！佢竟然比我更快！！！」
三船吃不重擊後並沒有放慢，反而馬上收起斧頭，對克哉砍過去！
「熊！！！！」
克哉放出蒼炎，試圖隔開自己和三船
「發發發發發！！！！！！」
三船當然不會就此放過這機會，
馬上收招拉住鐵鍊，以斧頭吹開火焰
「弊..唔記得佢仲有呢招！」
「死啦！！！」
「刷！！！」
這次輪到三船快一步，以打刀橫掃斬中克哉左臂
「老師...加油呀！！」
在美波吶喊助威的同時，紗理依卻露出擔心的神情
「五十嵐身上受既傷唔輕，如果再拖，就算無再中三船既刀，恐怕都會支持唔住...」
「噹！噹！噹！！」
雙方再度埋身過招，這次兩人的速度不相伯眾
克哉血越流越多，只好主動出動轉守為攻
面對克哉加速的攻勢，三船不敢再放出斧頭，雙手同時應對忍刀蒼炎
「刷！！！！！」
克哉再次中斧，速度一時放慢
「就算速度加快左，你都唔會追得上我！甲賀奇俠！」
已經得手一次的三船拉起斧頭，準備對克哉賜上最後一擊！
「熊！！！！」
蒼炎突然放出，再配上縮地步法
克哉竟加速閃到三船後方！剛好避過殺招！
「咩..咩話！！！」
「呀！！！！！」
「噹呀！！！！！！！！」
忍刀蒼炎和斧頭相撞，將兩人震開！
「唔駛旨意走！！！！」
三船放出巨斧，成功綁上克哉左足！
「弊...要比佢更快行動！」
克哉收起刀，再度拔出橡膠槍，向三船後方發射兩發白橡膠
「吱！吱！」
「你做咩都無用架啦！黎啦！！！」
三船左手用力，將克哉拉過來
另一手已經提刀，準備給予最後一擊
「喝！」
克哉用力一拉，將一物拉至三船的右臂上
「吱！！！！！！！」
「咩...咩話！？」
紗理依剛才使用的鐮鈎，一頭一尾正正被正正被克哉的白橡膠黏中！
克哉雙手操縱白橡膠，將鐮鈎纏繞住三船右臂
「呀呀呀！！！！！」
即使三船用力使肌肉將白橡膠撐破，但動作已經比克哉慢下半秒
「喝呀呀呀呀呀！！！！！！！！！！」
「刷！！！！！！」
克哉比三船更快出刀
將忍刀蒼炎刺進三船的心房！！
而慢一步的三船，手中的打刀依然砍中克哉的左胸近鎖骨位置
在這一秒間，兩人已經分出勝負！
「五...五十嵐...」
「老師...老師贏左呀！」
三船低頭望住插入自己心房的忍刀
「嗚...咳！！！估唔到...估唔到..會輸既竟然係我...？！」
「嗄...嗄....」
克哉依然未有放鬆，不敢收刀
「五十嵐...」
紗理依來到兩人身旁
「最後一擊，可唔可以...等我黎..」
「嘿...大小姐....今次..的確係我輸左比你地，我無話可說」
三船揚起嘴巴：「不過，我仲有呢樣野呀！！！！」
只剩下一口氣的三船，舉起手中之物
「！！！！！！」
克哉和紗理依已經知道大事不妙
「佢...係幾時將寶藏...」
「嘿，你無諗到呢甲賀奇俠！？響戰鬥途中我一直搵緊寶藏到底收埋左響你地邊個度架！！」
「五十嵐！！！」
紗理依和克哉同時出招，但也不比三船開寶箱的速度快！
「就等我...親身搵出江戶怪物既秘密啦！！！！」
三船迅速將箱中的白色粉末，塞進口中！！
「噹！！！！！！」
克哉的忍刀，紗理依的鐮鈎，同時擊中三船的項上
但...
三船竟然，毫髮無傷！
「咩..咩話！！？？」
自己手上的冷兵器仿如擊中硬物一樣，令兩人不禁滴出冷汗
「...嘿..嘿嘿....！！！！哈哈哈哈哈！！！！！！」
嘴角仍有粉末的三船已經發現身體的變化，難掩笑聲
身上的傷口更馬上癒合！
「果然無錯！只要吸入左江戶怪物既骨灰，我就可以...變成佢！！！！」
同時間，美波又出現剛才在赤坂時的頭痛
「...呀....！！！！頭好痛！！！！！！」
但這刻，克哉已經無暇理會美波
因為眼前已經出現了，一頭怪物！
「噹！！！！」
三船只用一臂，就將克哉和紗理依手上的武器打飛！
「好..好大力...！！！」
「刀槍不入既皮膚...果然同傳說中一樣..！」
「刷！！！！！」
一雙猶如人狼般的鋼爪，從三船手背上伸出！
「死啦甲賀奇俠！！！！」
「噹呀！！！」
克哉即使以忍刀抵擋，但氣力上依然及不上身體異變的三船
一瞬間就被打飛
「仲未完呀！！！！」
得到江戶怪物力量的三船如狂獸一樣，追上仍在空中的克哉
克哉在空中未能穩住身子，只好先向前放出蒼藍火焰抵擋
「熊！！！！！」
「啊呀！！！！」
但即使身上全是蒼炎，三船仍未有任何痛楚
「呢啲就係你既本事啦咩！！！！！」
「五十嵐！！！」
「老...老師...！」
「吱！！！！！」
「...吓...？」
鋼爪並沒有刺進剛好倒地的克哉
反而，在他眼前的三船，定下了身子
「...呃...」
三船察覺到，自己的雙臂
慢慢溶解成地上的一灘血水
「咩...話....咳！！咳！！！！」
雙臂後，就輪到自己的下肢！
「啊呀呀呀！！！！！只係差一步！！！！！咳咳！！！！我只係差....」
最後，三船整個身軀
都化成血紅色的液體
「.....嗄...嗄....」
克哉和紗理依即使死裡逃生，也難以細時間認清眼前的事實
由三船吸入粉末，到金剛不壞，再到此刻死無全屍，一切都如科幻小說一樣
「究竟......果啲粉末係咩黎？而三船點解..又會突然間成個人溶解左...」
克哉腦內大概也是充斥着這堆問題，不過現時最重要的是..
「結城老師...結城老師..！」
克哉忍住身上足以令自己休克的痛楚，一拐一拐走到由紀方
「紗理依...幫我睇住山內..」
「..嗯」
「結城老..結城老師！」
克哉來到身穿屋內便服的由紀處，將手放到由紀頸側
「唔...」
由紀發出猶如熟睡的聲音
「呼...好彩仲有脈搏..」
紗理依來到美波身旁：「喂..山內，無事丫嘛...」
「我..無事....」
頭痛漸漸消失，美波的神情也似乎好了不少
「我地...贏左..啦..？」
「算..算係啦...」
「小..小姐！！！」
此時，與三太夫一戰中受傷的紅龍也到來
「...紅..紅龍？」
身為忠心隨從的紅龍馬上到紗理依身旁
「你..你無事丫嘛？小姐！」
「...無事」
「三..三船..呢...？」
「..佢響吸入左寶盒裏面既粉末之後，就變左果灘野啦」
紗理依指住地上的血水道：「紅龍...你做乜仲要趕上黎呀...你明明已經受傷...」
「因為...我擔心小姐..你....」
「...哈，真係無你辦法」
自己的侍從平安無事，的確使紗理依放下心頭大石，不過...
「山內響寶盒打開既時候先至頭痛...總覺得....一切唔係巧合咁簡單....」