［校園/歡喜冤家］火星撞地球,撞撞下就有火花㗎啦: 第十一章 「得個驚字？？」

「你揀瞓邊先啦」

what？？？？？？
點會咁㗎....

「但係龍哥...呀玥係個女仔嚟㗎喎...」

終於有人發現咗呢個問題啦！梁學男靚波！！

「唔緊要啦，平時我同你都係咁玩㗎啦...




仲有吖，我想瞓房中間，會暖啲」

「我瞓你隔離阿！呀玥」

「唔得！吖風啲鼻鼾好難頂㗎...」

「咁我同你換啦」

「唔得！呀城唔鐘意有人瞓佢隔離㗎..」





「其實我冇所謂...」

「唔得！」

「唔可以」

「Noway!!」

經過我同呀男一番努力嘅抗衡之後，終於龍哥開口啦...





「喂！呀男呀允你哋想點...呢個唔得嗰個又唔得...你話仲有邊個可以..？」

「有，呀男！」

「有，梓允...」

我同呀男竟然同一時間講咗對方個名出嚟...
我之所以講呀男係因為佢同呀玥夠friend，而且佢對呀玥又冇嗰種感情...
係呢，我究竟幾時開始咁着緊呀玥....

「唉，得啦得啦，你兩個左右護法咁護住佢啦，一人一邊....其他人瞓覺喇」

到最後，我同呀男一左一右咁瞓咗喺呀玥身邊...
唔知係咪因為瞓唔慣張床,我失眠咗成晚
瞓到半夜我feel到有一對好刺熱嘅目光望住我，一擘大眼我就見到對面個女仔同我對視，佢用口形同我講





「瞓唔著，氹我」

「你想點氹」

「唱安眠曲」

...

「小寶寶...食蛋糕」

「聽唔到大聲啲」

其他人都瞓得咁冧... 應該或者可能冇事嘅...





「小寶寶！食蛋糕！...」

結果佢就笑住咁瞓着咗,望一望個鐘都成四點半 ，唔理點我都要迫自己瞓如果唔係聽日場波衰硬
結果，好快就天光。目測應該六點九到啦...
我聽到身邊啲同學開始吹水，所以就醒咗

「喂！早晨呀」

「早晨，琴晚好唔好瞓」

「麻麻啦，我琴晚半夜聽到有人唱小寶寶」

「喂我都係」

「我都係吖」





「唔通個怪談係真嘅？」

「咩怪談」

「相傳八年零三個月，日本仔打香港嘅時候，有個白衣少女比人污辱咗然後毒啞，佢冇耐就係呢間房吊頸自殺，死嘅時候對住仲瞓係BB床嘅BB唱呢首歌！聽講全部人都聽到！」

雖然呢個故事錯到離譜，完全唔合理。不過真係知道真相嘅我...都係得啖笑

「喂唔係喎？男聲嚟㗎喎」

「唔通個故背後仲有懸機，嗰個係少男唔係少女？」

「其實呢...嗰個係梓.... 」





我即刻掩住咗呀玥個嘴，唔可以㗎唔可以比人知㗎，如果唔係笑到畢業都有份

「呀玥吖，都晏啦...你係時候上番去啦，啲老師差唔多巡房㗎啦」

結果呢頭講完嗰頭有人敲門...
烏鴉嘴...今次幣啦,收埋呀玥喺邊呀...唉拎張被包住佢算...

「巡房！做咩鎖門？」

「換...換緊衫呀！就得㗎啦」

大家夾手夾腳拎晒啲被嚟包住呀玥，希望今次過到骨啦.....
之後我哋就開番對門比個老師入嚟

「點解嗰度咁多被㗎？」

「Er...我哋發熱呀」

「發熱？」

大獲啦，佢行咗過去揭開啲被！唔好呀！！！！

「呀sir！我仲好熱呀你睇睇？」

係呢個咁危急嘅關頭！我唯有咁做...雖然聽講呢個呀sir好鐘意抽男仔水，但係為咗妳！我出賣我肉體...！

「冇呀...冇發燒喎....」

點算呀...點兜呀...咦係喎真係冇燒咁？？
嗰個咪... 麥芷悠！係友軍嚟救人喇！

「老師！樓上廁所塞咗呀你搞搞佢？全部塞曬吖」

「好，我依家上去」

~~~~~~~~~~~~~~~~~~~~~~~~~~~~~~~~~~

...佢終於出咗去啦

「呀！焗死我啦」

「喂！你快啲跟喺佢後面上番去啦」

「係係係！收到！我走喇！」

之後我就跟住個基佬同呀袖諗住上番去，唉真係辛苦晒你啦呀袖...


心玥：你快啲幫我叫佢走啦！ --7：05

芷悠：我可以點叫呀... --7：05

心玥：呀袖，我可能就嚟唔得啦，記住幫我同屋企隻后羿講，我好愛佢。仲有來世我好希望再遇到你，如果你嚟拜我記住帶章魚燒... --7：08

芷悠：得啦！落緊嚟啦！仲有你記住冇咩事唔好去二樓個廁所... --7：10

行到半路...個呀sir竟然回頭？弊啦...走唔徹啦

「同學你行路冇聲嘅？」

「呀..呀許sir早晨！」

「哦~我認得你，琴日上台唱歌嗰個呀嘛，你琴日好勁呀...你喺度做咩」

「晨...晨運」

「落嚟地下晨運？」

「係...係吖！吸收地氣」

「好啦好啦，好上番去啦。差唔多集合啦」

「再見許sir！」

我以後都唔做啲好似今次又驚又險嘅嘢啦...我差啲就小命不保....番去食番隻炸雞還神先

不過....都有得着嘅~

~~~~~~~~~~~~~~~~~~~~~~~~~~~~~~~~~~~

「喂！呢個袋邊個㗎」

「一睇粉紅色就知係呀玥㗎啦」

「喂！譚梓允你拎番比佢！」

「好呀」

我發覺....我好似應承咗啲唔應該應承嘅嘢...
無論我拎個袋入女生宿舍定叫佢出嚟拎番個袋都係唔太妥當...
咁我可以點比佢...
我知啦！開門乜都唔睇，拋個袋入去咪得！我真係聰明~

諗係咁諗.. 問題係我喺樓梯口已經撞到個老師...

「Miss Chan早晨！」

「呀！你係咪琴日上台唱歌嗰個男仔？你唱得幾好聽喎...你喺到做咩？」

「晨...晨跑呀」

「晨跑跑樓梯？你呢袋粉紅色咩嚟㗎，要拎去失物認領處？」

如果比佢知道，我明知係佢都拎去失物處,等佢搞一堆手續,佢一定斬死我

「係吖慣咗，呢袋我㗎，當練埋舉重」

「少有喎男仔用粉紅色...好啦byebye啦！」

哇....嚇得我呀
人一日嚇親咁多次係咪真係得㗎.....

___________________________________（男同學視覺）

「喂！你估佢哋會唔會一齊呀」

「梗係會啦，頭先佢緊張成咁連自己都出賣咗喎...仲有呀,琴日佢唱歌仔氹人瞓覺呀」

「喂唔係啦，開個賭局先好啦」

「我梁學男全壓賭一定一齊！」

「跟！」

「咁咪冇人賠囉...有冇人轉態呀」
______________________________________________________________________（miss chan視覺）

依家啲細路，佢罷到明上去搵女仔，仲要死口唔認。個包粉紅色嘢一定係定情信物仲晨跑喎...
傻仔嚟嘅我哋咁開通，一定明㗎喎

（許sir）

係邊個抆晒啲廁紙塞入個廁所到啊啊啊啊啊啊啊啊啊啊啊啊啊啊啊啊！！！！！！