［校園/歡喜冤家］火星撞地球,撞撞下就有火花㗎啦: 第十章 「鐘意？？」
去到嗰個場地之後我哋就分咗房先，女仔係瞓二樓，男仔就瞓地下，仲有一層三樓係畀啲老師瞓嘅。聽講啲女仔係瞓榻榻米，幻想到佢哋夜晚唔瞓覺，喺榻榻米嗰度傾計傾一晚，都幾寫意㗎。
之後就講下個行程表，第一日晏晝會係班際羽毛球先，之後係冷知識大賽同UNO分別喺唔同地方進行。 五點嘅時候就會係唱歌比賽， 之後就食夜晚，食完夜晚嗰餐之後,各班就會分別喺唔同嘅地方討論聽日嘅策略。
去到差唔多十點嗰陣就會集合返大家進行野外定向,玩到12點大家就沖涼返房準備第二日，即係班際籃球同埋佢哋表演啦啦隊嘅日子。
因為我哋將我哋嘅到住投注曬喺之後嘅比賽，所以起初嘅羽毛球賽同埋冷知識，我哋都係當睇show咁樣，未發功。
「呀玥你參加咩比賽？」
「梗係UNO啦！有我喺度，敢認第二冇人敢認第一」
果然真係,佢好似賭神咁樣,一坐咗喺個位度就冇起過身,連贏到最尾。
聽佢講佢哋平時上中文堂練返嚟嘅嘢，終於可以拎出嚟，贏過隔離班。
當然啦，廖sir聽佢咁講之後就以笑面對
「呀玥,呀玥今次弊啦！」
「做咩呀？」
「原本去唱歌嘅詠兒佢話失咗聲出唔到...
今次弊啦本身我哋諗住唱歌可以贏硬㗎嘛...睇嚟要棄權啦」
「唔得唔可以棄權！我哋啱啱嗰啲比賽已經hea咗，冇分。仲有冇第二個人選...」
「冇啦，你又唔係唔知我哋班啲唱歌質素....同埋得返半個鐘...」
「梓允..你識唔識唱歌？」
「都識啲..但係你咪諗住推我上去呀...」
「識啲就得㗎喇,曉盈你問下佢哋仲記唔記得你哋班上年隻歌」
「你想做咩呀....」
「我想將佢哋以為係佢哋嘅主場,變成我哋嘅主場」
跟住嗰半個鐘佢同我係咁苦練首歌,上台嘅前一刻我哋聽到原來泳兒病咗,係因為隔離B班想贏，所以叫佢個friend係咁塞啲炸嘢比佢，整傷佢把聲
不過好彩我諗佢哋點都估唔到我哋班仲有呀玥呢個拆彈師，將佢哋個炸彈拆咗仲要當做煙花，爆得咁華麗。
「梓允...你準備好，我哋嘅舞臺未？」
「準備好啦！我嘅女王」
舞臺一開，個background係蒲公英飄落嘅畫面,音樂開始播。舞臺嘅兩位主角開口
「 ~ 小學籬笆旁的蒲公英~
~ 是記憶裡有味道的風景~
~ 午睡操場傳來蟬的聲音~
~多少年後也還是很好聽~ 」
「 ~一起長大的約定~
~那樣清晰~
~打過勾的我相信~
~ 說好要一起旅行~ 」
唔知點解，佢可以令我以為自己係首歌入面嘅男主角...一直尋找曾經天真爛漫嘅約定,嗰種單純同美好嘅初戀。我好希望可以喺我嘅生命入面再見到一次...或者經歷一次
跟住我諗起呀魚,但係我又諗到呀玥個樣....係因為佢喺我面前所以我先會諗起佢？
「 ~你是友情~
~ 還是錯過的愛情~ 」
....
「跟住淨返嘅時間，我好希望可以邀請喺我生命入面最重要嘅嗰班人....5C班」
「 ~鼓起這勇氣 跨出這距離~
...
~差一點我們也會飛~ 」
的確係完全唔啱音,或者咁先帶有青春嗰種滋味...我終於明佢想做咩啦
「是哪些 不能言傳的夢
才令我 闖蕩在未知裡」
（...miss yuyu,我會加油㗎）
「擁抱著 微風 沿途在看
哪裡 會發現曙光」
（....或者我搵到我嘅曙光）
「 ~為世界美好多一點 付出所有~ 」
樓下一陣有一陣嘅掌聲,明明唔啱音又唱得好難聽... 但係都足以感動到做評判嘅老師落淚...
我諗呢就係你嘅威力
同第一次見你喺舞台上面介紹自己一樣...你係一粒好耀眼嘅星星...
「呀玥女神！！！好彩有你咋如果我哋先可以贏得咁靚！」
「你見唔見到啱啱B班佢哋呆咗嗰個樣呀,佢哋靠啲那渣招嚟贏我哋,我哋都可以贏得咁光彩！」
「但係...明明我哋走曬音㗎喎點解個評判會畀我哋咁高分嘅？」
「 咁係因為， 人嘅情緒好容易受到音樂而諗返起自己嘅回憶從而產生情感，我哋做嘅嘢就係得到佢哋認同
首先我同梓允唱嘅嗰首「蒲公英的約定」可以令佢哋諗返初戀嗰段回憶
之後我哋再延伸一段回憶唱埋「差一點我們會飛」搵番佢哋青春嗰段遺憾。
加上大家唱到走曬音咁樣先至似畢業嘅時候大家喊住唱嗰首畢業歌㗎嘛。
所以呢啲係你哋嘅功勞！ 」
原來我會對呀玥產生嗰種感情係畀首歌所影響到...果然佢都只係我朋友
「好啦！之後嗰啲比賽我哋都要盡力如果唔係就會畀其他班扒頭~總之...」
「5C加油！！」
跟住嘅野外定向,大家都好盡力。幾乎跑曬成個山頭，雖然我哋速度唔快但係因為解題準確率比較高所以我哋都有第二名。
臨走前個教練捉住我哋同我哋吹水，話聽完我哋嗰個表演之後，都有啲感受
佢話當初同佢嘅初戀係點樣錯過咗對方，係因為自己唔知道自己其實有幾鍾意佢。
結果都係發現嘅時候已經遲咗，佢淨係可以去佢初戀嘅婚禮...但係個新郎唔係佢。
結果呢樣嘢就成為咗佢人生其中一樣遺憾，到而家都仲未娶....
聽到呢度我不自覺咁樣望住咗呀玥....到底其實我係點諗㗎呢...
係因為第一次識朋友所以對佢特別關注
係純粹因為佢嘅才能所以我敬仰佢....
「呀允....做咩呀你諗緊咩呀？你遇到你嘅初戀？」
我可以點講呀....我同你講好似鍾意呀玥咁呀...
我而家好煩呀....係喎,梁學男同呀玥都係朋友嚟㗎嘛,我問下佢對呀玥嘅感覺咪得囉
「呀男吖...你點先知自己鍾意一個人？你同呀玥咁friend你會唔會鍾意佢？ 」
「你都痴線啦！我同阿玥係純潔嘅朋友關係嚟㗎。仲有佢就係我家姐咁樣，你會唔會鍾意自己家姐呀」
「你又啱喎...沖涼啦，我問下咋」
唉，余心玥呀余心玥...究竟我想點呀
...
「余心玥！點解你喺度㗎呢度係男生宿舍嚟㗎喎！」