811公里: 25

到左聽日 真係All or nothing既一日

不過老實講 都係衰梗架啦

咁我第二日就約左佢去食烤肉

咁唔知大家知唔知 台北有一間烤肉店

係食飯中途會有店員同你互動既 咁你完成到佢地d互動既話





就會送一碟肉或者一杯啤酒咁 如果識就識啦

唔係我主動要去架 係佢話無意見炸

同埋當然你可以唔參加呢d互動既

咁我地去到之後就各自叫野食

咁到左差唔多既時候 有店員走過黎問我地要唔要參加活動





咁當然就話唔參加啦 畢竟我地唔係情侶關係

但係我正想講既時候 我竟然聽到一個意想不到既答案

詩欣佢竟然講無問題 我當下真係好意外

咁店員就講「如果你們親5秒的話，就可以獲得就一碟由店長送出的極品牛舌」

之後全場人即刻望著我地然後起哄 「親下去」  「親下去」咁樣





其實我原本都諗住打退堂鼓 直接講唔玩

點知詩欣直接企左起身行左過黎我到

講左一句：夠唔夠膽？你夠膽錫落黎我唔介意

講完之後 佢即刻面紅 咁我機不可失

咁當然我就無咁急即刻捉住呀咁

萬一佢到最後唔想都可以即刻停

正當我慢慢咁靠近既時候 佢都無咩反應

到最後準備錫落去果一刻 基本上已經近過少左1厘米既時候





突然之間感覺到比人一野拍左落我個頭度 

然後我就醒左.....哼 原來由頭到尾都只係一場夢

拍我果個人係心仔 佢原本就入黎問我食唔食午餐

心仔：做咩你會攬住個枕頭 然後好似作勢想錫個枕頭咁既

哦.... 我知啦 你發春夢 唔通你幻想同......

我：屌 收皮 無d咁既事 同埋做咩叫醒我

心仔：叫醒個發緊... 吖唔係 我想問你食唔食中午飯





我知你今晚約左佢 我就唔問啦 

我：你又知我今晚約左佢

心仔：你既死心不息既性格 佢唔親口講你都唔心息架

希望你地好黎好去 記得要適可而止 

佢唔想講 你都唔好迫佢

我：我知 我會捉好個尺度 唔會太為難佢

諗左成個下晝 終於都到左真係要見面既時間

成年無見 唔知佢宜家點呢





到見面既一刻 同我果陣第一次見佢一樣

依然都係唔知點解佢可以咁白

笑容依然都係溝死仔既 其實比我咁樣見多一面

即使結局係點 我都心滿意足啦

坐低叫完野食 又係佢開始講野先

詩欣：上次係呀軒屋企果陣 多謝你照顧我

我：客咩氣呀 不過呢原來你醉果樣都幾好笑喎





詩欣：咩呀....咩意思先