811公里: 26.最終章

之後我地一直係到傾以前既事

去到最後 我反而無講到我自己既心意 

反而係.......

我:係呢 其實我想講..... 對唔住

詩欣:做咩咁突然講對唔住?





我:其實你肯出黎同我食飯我好開心 以為你因為我之前做既野

而令到你討厭我

詩欣:其實一開始都有架 不過過左一陣之後之無咁嬲 

由其果陣係踢緊大專盃 你都係對勝利執著姐

我中學果陣 都有一好肥踢波既學長





雖然肥但靈活 同埋好MK 

平時佢都係好口花 成日撩女

但係一落到場就變左另一個人咁 好執著

所以我都明你地對勝利既渴求

而我當時個Ex又On下On下咁





過左一排之後就無事lu 不過一直都無機會講

估唔到係你主動講

我:當然啦 道歉呢d野 由我黎做啦 

咁今餐由我請 咁我就當呢個道歉就完美啦

詩欣:咁我唔介意呀 有人請我食飯

不如我地轉頭影張相呀?

我:都好

咁我比完錢之後我地就係門口影左張相





之後當然要送埋佢番去啦 可能都係最後一次

詩欣:我到啦 再見 我地番去再約啦

我:好 當然 到時再約

之後詩欣就番在上樓 我都慢慢行番去自己住既地方

係 路上就同自己講

李偉明........

請記住時間如果來到 就要止步





其實唔講可能仲好 至少.....

第二日心仔就車左我去機場

心仔:呢個係咪你想要既結局?

我:唔係 但至少算係好

心仔:咁就得啦 番左去就唔好諗啦

我:好 你都要多保重 我地1月再見

心仔:好 你都保重

最後臨入閘先 望多左一眼呢個地方 





係時候將呢d回憶留番係台灣 番去就重頭開始開始過....

我祈求一次倖免 最壞卻變真
若水星倒後再行 我今世要怎解窘
你認命 率先放棄 不再問

大概我同佢 本來就唔止相距811公里咁少.....