811公里: 24

照顧左佢一陣 見佢嘔完又訓左一陣咁

終於有番精神 而我當然成晚無訓啦

係佢訓醒之後 Natalie因為飲得比詩欣少

雖然都係醉左同埋係咁係到講韓文

但係佢就醒得比詩欣快 所以我就搵左佢傾兩句





我：做咩佢會攪成咁 成日飲酒咁樣好咩

Natalie：你唔好講你番黎就係為左係到講經

其實我原本都唔明你今日做咩番黎

宜家呢一刻我終於明 係因為個電話？

我：係 我係想知發生咩事 日日都飲到咁醉 想點呀你地





Natalie：咁分左手飲兩杯好正常姐

我：就無其他方法可以舒緩情緒架咩？

Natalie：有d野係只可以用酒精解決到架

正當我想講下一句既時候 心仔就係間房到行左出黎

我：嘈到你？





心仔：唔係 本來呢幾排就唔係訓得幾好 係呢Natalie你點 好d未？

Natalie：好d啦 

跟著心仔坐左係Natalie隔離 咁我咪繼續問

Natalie：我都知 詩欣想飲 咪陪下佢飲囉 

不過......其實關你咩事呢？關心詩欣都唔輪到你

呢個時候我竟然一句說話都講唔到 好在心仔講野化解左個尷尬

最後Natalie講左幾句

Natalie：其實詩欣既事已經與你無關 你作為普通朋友都唔駛咁過分關心 就係咁





講完之後佢就走左入去睇詩欣 我就一直坐左係到

平時同人講野我可以好快駁到 但我今次一句都講唔到

係呢一晚之後 我先意識到 

其實我關心呢做咩 反正最後我都只係普通朋友

過份關心唔會改變到任何野

接下來係台北呢幾日 其實都變得漫無目的

最想做既野結果比人一野打殘左





但係我都係想聽到佢判我死刑 所以我最後都係約左佢出黎

拿 宜家佢無拍拖 約出黎無問題架下 

不過老實我 我怕既係佢唔答應

但係唔知點解我一問完 佢又即刻應承喎

咁就算 等聽日講曬佢就最好