811公里: 23

到左台北之後 心仔就黎左巴士站接我

心仔：到底發生左咩事要你即刻番黎台北咩？

我：到時你咪知 食咩？

心仔：你這話事啦

我：就番食番學校側門間意粉啦





心仔：好 ok

叫完野食坐低之後我就講曬點解我要番黎既原因

心仔：我知佢地最近成日飲酒 但係估唔到係發生件咁既事

我：係呀 所以我今次番黎係想要一個答案 無論答案係點

心仔：都好既 原過我想問下......





我：問咩？

心仔：其實......關你咩事呢？你到底係用緊咩身份去關心詩欣 朋友？

如果係既話 我就覺得你做多左

我：你幾時變得同Natalie一樣....

心仔：其實都係傾落發現姐.....其實都講得無錯





我：唔好講住 今晚打唔打牌？

心仔:可以既 反正佢地應該都會上黎飲酒 應該可以見到詩欣

到左夜晚 我地就約埋will同另一個朋友上去打牌

打到一半果陣心仔同will既室友坤哥就突然番黎

番黎都算 仲要帶埋女朋友番黎

咁就尷尬 心仔就即刻道歉話唔記得左通知

 因為我地太臨時話打 好就好在坤哥同埋佢女朋友唔介意

但係心仔突然醒起佢同左Natalie講左話屋企宜家可以攞黎用





結果通知唔切 最後Natalie詩欣佢地都係上左黎

不過好在講定叫佢地靜d 應該就無問題

但係我係呢度講得出黎就一定唔會無事

果然差唔打就打完果陣 阿軒突然走左出黎係到發癲

原來係間房果四個人全部飲醉左 嚇到坤哥走左出黎

正常黎講 坤哥份人就好有義氣 多數都會幫手照顧醉酒既人

不過今日坤左帶左女朋友上黎 我地就無搵佢幫手 叫佢唔駛出黎就得





我即刻二話不說走左入房拉左兩個女既出黎廳先 

Natalie就比左心仔同另一個朋友照顧 我就同另一個朋友照顧詩欣

但係突然阿軒走左出黎 係咁叫詩欣個名

仲想抽水Tim  咁我就即刻打開佢

如果唔係因為佢醉左 我諗我第一時間應該係一拳車埋去

跟著見勢色不對即刻叫多個人黎幫手 好快都有人肯過黎

望住飲都好辛苦既詩欣 不其然咁諗

當初我地一齊既話 你會唔會變成宜家咁？