811公里: 17

我:心仔 你係邊到?

心仔:我係板橋呀 聽日開Party玩交換禮物

我出黎買禮物順手行下 宜家係耶誕城影緊相

我:如果我要你宜家即刻番屋企得唔得

心仔:下 但係我想影相喎





我:十萬火急呀 幫下手啦

心仔:點解呀

我:因為詩欣唔知點解突然好想砌模型

咁我屋企係有工具 但係你知啊俊好煩.....

心仔:得啦 女呀麻 你等我一陣啦





我:幾耐啊

心仔:咁係板橋番去要幾耐咪幾耐囉

我:okok

講完電話之後行多陣就番去

番到去我就見到心仔坐左係廳到





果然有心仔就無問題 佢就坐左係到一邊用電腦一邊陪我地傾計

佢地兩個就Michelle既問題都比左意見我

而我就陪佢砌模型 呀俊就唔知點解好似有外人係到就唔敢行出黎

砌左一大半之後詩欣就話攰啦 所以我就話剩低既部分砌完再比佢

咁我就送左詩欣番去之後就約左心仔食宵夜

係食緊消夜既時候心仔就講

心仔:其實宜家姐係點姐

我:咩點?





心仔:盲既都睇得出你想點啦

我:有好明顯咩?

心仔:我覺得你問Michelle既事其實你都有打算分啦下話

我見詩欣好似都好似未有目禁咁 係你就快

我:下 咁講咩

心仔:其實因為呢件事 我覺得你同Michelle 好似行得越來越遠咁

我自己就覺得無謂再拖落去 到時你兩頭唔到岸既感覺仲辛苦





我:我明 但係宜家講分手一黎傷到Michelle 二黎咁快就追詩欣我驚會有問題

心仔:咁就睇你啦 你早d同Michelle分手 分完過一排就開始追

應該就仲有機會既 宜家佢又有去足球隊 係你既大好機會

雖然教人分手係好衰 但係無感情囉 放心對大家都好

我:好 我考慮下

係呢件事之後 其實我都下定決心要分手了

因為心仔講得都無錯 感情淡左 都無辦法再挽回

但係我一都諗唔到機會講分手 就咁拖下拖下





Michelle最後結果都出左黎 有大學比佢唔駛降年級轉

仲要係佢最想入果間 當下既我當然唔可以比咩衰既反應

但係加速左我想講分手既進程

不過我見最近詩欣同足球隊個吹水王好似幾好傾咁

可能大家都係澳門人同聲同氣d

只係我估唔到接下來既發展會係咁樣....