811公里: 18

其實時間都好快 一過左聖誕就考Final 考完就當然要番香港過年

當然呢段時間有Keep住同詩欣傾計 但係出黎既次數都係比較少

因為我自己拖左好耐 係台灣都無講到

所以我決定番左香港之後就會講

番到香港之後約左Michelle出黎玩左一日





其實玩左成日我都係無咩心機玩

因為當你知道係你身邊既一個人

由戀人變番普通朋友

我相信Michelle都感受到

亦都做好左心理準備





但到左講左一刻都係仲係諗唔到

到送到佢番佢樓下既時候 我知道如果再拖就永遠都講唔到

於是我就直接開口講

我:Michelle 我有d野想同你講

Michelle呢個時候臉色都沉重左





我:其實好多謝你呢兩年既陪伴 我地都創造左好多只係屬於我地既回憶

但係當我知道你決定要番香港既時候 我自己有d唔太接受到

雖然當下無太表達出黎 但係......

Michelle:你比較鐘意可以隨時見到女朋友吖麻

其實係我講呢件事既一刻我都預左會有呢一刻既出現

好在你係香港講炸 咁我容易d搵Friend安慰

其實我自問都唔係太滿意自己既表現

好多時間都係要你就我





我知你成日都想見我 但係我就因為練習或者溫書推左你

加上呢件事 其實真係好傷呢段關係

成日人地都講Long D 好難維持

其實我地大家都無信心 早d分開對大家都好

呢個時候佢好似好想喊 但係又將眼淚收番埋繼續講

Michelle:好多謝你今日你帶左我玩一日 用一個美好既回憶黎結束

我:好對唔住 其實我自己都無盡好男朋友既責任





雖然我好驚傷到你既心 但係我覺得唔講對你既傷害更加大.....

Michelle:我絕對明白 唔需要太介意架 最後好似攪到變左道歉大會咁

其實我地咁樣和平分手咪好囉 因了解而分開 至少仲有朋友做...

講到呢度 佢就黎忍唔到 所以....

Michelle:2019年2月1號 夜晚11點20分

我地既戀人既關係到此為止 再見.....

講完呢句佢就頭也不回咁衝左番屋企

而我都慢慢咁行過去巴士站搭車





唔同既係 係台灣我地住好近

係香港我地就差太遠 一個住市區 一個住新界

係 大概真係傷到佢既心

好內疚......

但大概就是愛情教會我們的事....

多麼幸運 擁抱你
多麼遺憾 失去你
多麼可惜 錯過愛情
學會刻骨銘心 懷念都是你