811公里: 16

差唔多夜晚7點 果斷換件戰鬥衫

騎上我架野狼 向宿舍出發

到左宿舍樓下 見到一個女仔挨住電線桿

一臉抑鬱既眼神..........

講笑姐 不過佢就真係提早左少少落黎





如果我唔係早左出門 佢就可能要吹一陣風

這叫我於心何忍呢

我:好準時喎

詩欣:當然 準時係一種美德

我:ok出發





係路上其實無咩講野 主要係因為我架野狼太嘈

但係都係因為野狼既關係 所以比都仍攬我腰既機會

係咁架啦 不過其實Michelle都係咁樣 攬得仲實

不過我都知 唔可以越界

其實車程好短10分鐘左右就到





老實講 我都係第一次黎

佢同其實夜市唔一樣 起碼乾淨整齊

好似係叫興仁夜市吧

一行入去 佢就興奮到成個細路

一野就拉左我去熟食區果邊

見到咩都話好想食 結果就買左一大堆野食

我地就行左去附近d枱到食

原本我都有其他野想食 但見佢買咁多我都唔太敢再買住





我:小姐 你係咪第一次行夜市 係咁買你食得曬咩?

詩欣:有你吖麻 一定食得曬既

我:咁請問你既身材你係點維持既呢?

詩欣:你估下

我過左一陣 終於明白到係點 佢就每一樣野都食左一啖之後就話

詩欣:我飽啦 你加油

我:認真咩?做你男朋友如果食量細死囉





詩欣:係架 做我男朋友要好多條件架

雖然係咁 但你要我扔曬d野食基本上就無可能 唯有死死地食咁食曬佢

詩欣:唔錯唔錯 幾好幾好 我去買杯野飲先 你加油

我:你係飲得曬先好買呀

詩欣:得啦

今次佢就買左杯好細杯既野飲番黎

我:好飽 去行一陣先好唔好?

詩欣:好啊 頭先我見呢果邊有好多夾公仔機 我地去睇下





我:好

果陣台灣先岩岩開始興夾公仔 所以好多人都會貪新鮮去試

當然詩欣都唔例外 佢凡到一個有鬆弛熊既機面前

我:好想要?

詩欣:係呀 可唔可以夾比我呀 唔該你呀~ 求下你呀~

我:好好好 唔好係到扮Melody 夾囉

戰鬥左一陣 唔知係咪前面有人夾左一陣





岩岩到我夾左幾次就到包夾 咁我就夾左佢出黎

佢接到之後勁開心 唔知係咪佢興奮過龍

竟然走左過黎攬左我一下

我個心即刻跳得好快 好耐都無試過咁

之後都係陪佢行多 佢就成個好奇寶寶咁周圍睇周圍玩

玩左成個幾鐘先肯走 走果陣佢突然講左一句

詩欣:我好想砌左盒模型佢呀

係啦 頭先佢玩遊戲果陣中左大獎

原本我以為佢會揀公仔 點知佢竟然揀左盒模型

我當堂呆左係到

我:點解你要揀模型呢

詩欣:我見我呀哥成日係到砌 我都想知砌模型係咩感覺

我:因為你屋企人驚你三分鐘熱度姐下話

詩欣:咩喎 我真係想試下架 你識唔識架

我:好話啦 我平時都有砌開高達既 呢d應該唔會好難

詩欣;咁好啦 我地去邊到砌好呀

我:砌呢d要工具喎 但係我無攞到.....

詩欣:咁去你度砌咪得囉

我:下 唔係幾好既

詩欣:驚咩喎 都無人知

我:呀俊係屋企喎 你知佢成日講人八卦 好煩架

唔係唔得既 我諗下辦法先

呢個時候 我就諗到一個方法

我就打左個電話比心仔......