811公里: 15

詩欣：喂 你知唔知呀 今日呢Natalie勁好笑囉

佢竟然今日上堂果陣用廣東話黎答老師問題喎

跟著老師果樣勁疑惑 但係佢照繼續講

講到成班望著佢佢先知佢用錯語言黎講

哈哈～果然係早8既威力





呢個時候既我已經攤左係張床到 個腦淨係諗緊Michelle今日講既事

唔知大家有時會唔會開左部電話既對話框之後就停左係到

而同時地果邊會顯示已讀 所以過左一陣之後詩欣就再打多個訊息黎講

詩欣：喂 你無事吖麻 竟然已讀不回本小姐

我：Sorry…….





詩欣：做咩突然間咁凝重既

我：Michelle突然之間比左個問題我 我唔識去解決

詩欣：不如咁啦 最近呢樹林果邊開左個新既夜市 我想去呀

你聽日帶我去吖 順便聽下你既事

我：都好 反正有多個人幫我諗都係好事





詩欣：不過你宜家講左少少先 等我同你一齊諗

我:Michelle 要Tran U番香港

詩欣：下 認真架 咁你地既關係點算呀

我：我自己都唔清楚自己想點 作為男朋友既角度

佢有好既發展其實我一定要支持 但同時我又希望佢可以一直係我身邊

詩欣：你既信息本小姐已經收到 聽日再同你講啦 早抖

我：好呀 早抖

如是者聽日上完一整日堂 詩欣就Send左Message 過黎搵我





你問我點解可以直接係學校睇Message唔會比人發現?

因為今日係唯一一日我同Michelle完全無一齊上堂既一日

雖然大家都係讀歷史系 但係我地鍾意既野有少少唔同

我就比較鍾意睇西方歷史 佢就比較鐘意睇國史大綱

所以選修既一日 我地就會分開上堂 其實反正佢落堂就會搵Cindy

所以基本上今日我一日都唔會見到Michelle

好 入番正題





詩欣:我地今日幾點去夜市好?

我:7點左右?

詩欣:好呀 唉....明明今日係聖誕節 點解都仲要番學

講開又講都無留意 原來今日係聖誕節

黎左台灣差唔多三年 都已經習慣左聖誕節要番學

我:算啦 你未來仲有三個聖誕節都要番學呀

詩欣:你地係呢邊唔會慶祝咩?

我:會 不過Will個Party 好似係聽日 所以每年都係就大家第二日無堂先玩





詩欣:講開又講 好似前兩日Will都有搵過我 問我去唔去

果陣我同Natalie都答左去 你估下心仔會唔會去?

我:問心仔既野黎做咩?佢應該會去吧 因為佢同Will由中學識到宜家

好多時都係Will幫佢 因為你知心仔好怕生 都係靠Will帶佢識朋友

詩欣:話說呢 我最近呀 見到Natalie同心仔開始Snapchat

但係每次我想睇佢地Send咩既時候 Natalie 都笑住咁推開我

唔比我睇佢地Send咩 我覺得......





我:哦.....唔怪得心仔最近有時會收埋部電話啦

我得閒都留意下佢先

詩欣:可能佢地都有追韓星 有多話題傾 其實佢地兩個都幾唔錯.....

我:想做媒人咩?

詩欣:試下都好吖 唔講住 轉頭見

我:ok 轉頭見