我的她的大家的故事: 第六十章 開學，新學年

好啦，暑假話咁快就完咗啦，大家讀書個陣應該都成日覺得點解暑假咁快架，係咪先，今日係9月3號，一樣要回復翻6點50分起身翻學啦，經過咗個次生日之後，我地之間嘅關係比以前又親密咗，起身之後，兩個又係大家扶大家去梳洗，梳洗完之後，換校服，我好似被養肥咗小小，死啦，我翻翻去體院會唔會操死架，唉，唔諗咁多啊，要返學啦，再唔出門陣間當值就遲到，Emily今年都入咗perfect呢個大家庭到，今日係佢第一日當值，佢好似係跟啊瑩當值，我都費事插手當值安排呢家野，費事畀人講啦。
 
7點半左右，我地兩個就翻到學校，跟住我就同Emily講：B，我帶你去搵啊瑩啦，你之後應該都會跟佢架啦。跟住佢就點咗下頭，放低咗我呢個可愛嘅女朋友之後，我就出翻去做野，第一日翻學，通常班新仔都好多笑話，今年又等我望下有咩好笑，過咗大約15分鐘之後，有一個新仔入學校，唔好問我點解知，因為你望下件校服就知道，我就見到佢兩袖清風咁翻黎，我就叫佢：啊仔，係啊，你啊，過黎先。呢位小朋友就好驚咁行過黎講：師兄，咩事啊？我就問：小朋友，你書包咧？跟住佢就講：啊，係窩，書包放咗係屋企，要翻去攞翻先，跟住就衝咗出校門，林sir見到，就行過黎問我咩事，我就講：個小朋友連書包都唔記得帶，真係世界級啊。林sir聽到，講咗句無眼睇就行開咗，唔好講林sir，我都無眼睇啊，跟住條友就梗係遲到啦。
 
當完值之後，我就同Emily翻去班房，今年5B班房係4樓，同舊年差唔多，整係搬咗過去新翼到，入到班房，原班人馬，係得個兩個傻仔要留班。班主任入到黎，又係個句啦，大家自己揀位啦，跟住我地開始講班務。講完一大輪之後，我就要提早落禮堂，因為開學禮我要上堂講野，因為今年我係head perfect。跟住就落去禮堂，坐定定之後，跟住全校都落咗黎禮堂，跟住就開始，唱校歌，校長講廢話，校監講廢話，牧師講廢話，跟住就頒下獎，跟住就係學生團體就職禮，我地perfect就梗係重頭戲啦，我就上台講野，咪又係咩多謝老師，同學支持咯，來年度會做得更好咯，講完之後就落翻去坐，跟住就放學。
 
放學個陣，周文問我地兩個：喂，一齊食野咯？跟住我就講：你地兩個想食咩啊？跟住Emily就講：今日第一日開學，不如就食拉麵啦。跟住佢就拉住詩文兩個行先，我同吹水佬行後面，去到間餐廳，坐低咗之後，我地就係度估今年個英文老師係邊個，因為我地見到time table英文堂個老師代號唔同咗，就知道舊年個個所謂美籍華人嘅英文老師，因為教得太差同太多投訴，學校就調走咗呢條友，周文就講：聽聞呢個老師好勁架窩，HKU尖子計劃畢業，英文系，之前係HKU到教書，跟住就黎咗我地學校，好後生架咋。我就講：屌，我地之前個個咪又係講自己好勁，最後咪又係調走咗。個陣時，我就梗係唔會知，呢個miss幫咗我幾多，係DSE到攞到唔錯嘅成績。講下講下，野食就到咗，食完之後，我就同Emily翻屋企。
 
翻到屋企之後，Emily就問我：你生日想要咩啊？佢唔問我，我都唔記得左我自己生日。我諗咗一陣，我就講：想要你陪我就得啦，自從你闖入咗我嘅世界之後，其實我都積極咗好多，你話以前叫我溫英文，我就7都唔溫啊，但係同你拍拖之後，其實讀書個方面，我好似積極咗小小，所以，多謝你，張學雯。跟住Emily笑咗笑，攬住咗我，同我講：咁你以後要好好地對我窩。我就錫咗個傻妹一啖，講：放心，我話過要同你結婚。跟住個傻妹就係度傻笑。