我的她的大家的故事: 第五十九章 生日（Emily視角）

琴晚啊恆同我講聽日叫我較鬧鐘，早小小起身，其實最遲起身個個係佢，成日都訓到差唔多11點先起身，最懶就係佢，跟住今日22號，好似係啊成個女朋友生日，我地講咗句生日快樂之後，跟住見到佢地兩個都去咗好多地方，見到佢女朋友笑得好幸福。跟住我地就訓咗覺。第二日9點左右，我個鬧鐘就照常嚮咗。我摸下摸下，摸到部電話之後，就熄咗個鬧鐘佢，跟住摸咗下隔離，摸下摸下，我就奇怪，做咩隔離好似無人架，跟住我就望咗過去隔離，見唔到佢，我就好緊張，跟住就起咗身，行出去個廳到，我一打開門，就見到啊恆攬住我講：生日快樂，BB。跟住佢錫咗我一啖，我唔知講咩好，整係微笑咗一下，跟住我就去咗梳洗。搞掂咗之後，我就見到啊恆整咗一餐超級豐富嘅早餐，我就講：多謝BB。跟住佢就講：食完之後就出去啦。跟住我知道佢有好多節目帶我去，但係我又唔知佢想帶我去邊度，唯有跟住佢行咯。
 
食完野之後，換好衫褲，我地就出門口，佢其實都好翻好多，起碼唔洗我再扶住佢行，可以自己用拐杖行，不過我都係拖住佢，去咗樓下坐巴士，我就覺得有小小熟悉，跟住我就醒起，我地翻學咪坐呢部車咯，今日翻去學校做咩啊？點鬼知真係翻鬼咗去學校，我正想開口問個陣，佢就講：B啊，記唔記得第一次我地就係係度相識啊。跟住我聽到佢之後，我就知道今日會係好開心，因為我已經估到佢想點，突然之間覺得佢好用心，嘻嘻。跟住我地係學校門口擾攘咗一輪之後，費事陣間校工趕啦，我地就出發去下一個地點，我行緊過陣，其實我都估到係體院架啦，因為我地以前第二個見得最多嘅地方就係體院。等佢帶到我去個陣，我就講：我知，我知，點解會黎體院，因為我每次都會係度等你練完艇之後，一齊去約會，嘻嘻。跟住佢就講咗句野，我就扭佢耳仔，條友第一次見到我係體院等佢個陣，係度串我。跟住佢就講：我地翻大圍咯，去食野。跟住我就講：行啦行啦。
 
跟住去到大圍之後，就到佢帶我去食野，我地去咗間都幾出名嘅小餐廳到食拉麵，初初仲以為啊恆呢條友又係度吹水，點知野食一到，我已經覺得好香，食落去真係好好食，我地兩個本身又開始肚餓，所以一下就食完，食完之後，啊恆就講：我地過港島啦。其實佢一講話要過港島，我基本上就知道架啦，不過我真係好開心，你地唔覺得成件事好浪漫咩？跟住我唔知點解好眼訓，我地係金鐘上咗巴士之後，我就訓著咗，到我醒咗之後，我地已經到咗赤柱，落咗車之後，佢就帶咗我落去赤柱大街道，兩個拖住手仔慢慢行，跟住我就講：不如我地去坐低吹下海風咯。跟住我地行咗15分鐘左右，就坐低係張凳到，跟住我就講：好舒服啊，B啊，其實你係咪真係好想做消防架？跟住佢就講：梗係啦，雖然做警察好似能力更加大，但係消防每次都係見到一條條活生生嘅生命係眼前，跟住你就會好想去救佢地。跟住佢就問我：點解你又會想做幼稚園老師？我就講：因為我好中意小朋友，同埋我覺得一個小朋友學前教育同埋幼兒教育好重要，所以我想做幼稚園老師，我以後想生小朋友架，你會架何？佢就講：我都幾中意小朋友架，所以你想生就生啦，有一個小家庭我覺得幾好架，嘿嘿。跟住我地兩個又講咗好多其他野，講下講下，突然之間佢就講：我地要走啦，翻沙田啦。我就講：唔，吹多陣啦。跟住佢就講：我Book咗餐廳啊，行啦。跟住我就跟住佢行。
 
因為翻黎個陣好多人，好塞車，所以用咗兩個鐘先翻到沙田，跟住佢帶咗我去一間都算幾出名嘅餐廳到食野，入到去之後，我望份menu個陣，見到羊架，我就突然之間好想食羊架，我就講：B，我要食羊架。跟住佢就叫咗份羊架同西冷。野食到咗之後，大家我餵你一啖，佢餵翻我一啖，食咗半個鐘左右，啊恆就埋單翻屋企，佢話仲有下場窩。老實講，我今日已經好滿意架啦。所以我完全無話咩唔滿意，但係接下黎就真係surprise到我啊。翻到屋企之後，佢叫我唔好打開眼，我就跟住照做啦，突然之間聽到佢講：Happy birthday my lover。我就打開隻眼，我見到一個唔算好靚嘅蛋糕。跟住我個下係超級開心，我就喊咗出黎，佢就同我講：今日你生日啊，要開心啊。跟住我地就一齊食蛋糕，佢食食下就行咗入房，跟住佢出翻黎個陣，佢就送咗支野畀我，我仲係度話呢支咩黎架，我一打開，我見到係我之前好想要嘅香水，我望咗下支野，我再望下佢，跟住佢就講：呢個係你生日禮物，16歲啦，以後都要多多指教啦。跟住我流眼淚，攬住佢講多謝。留翻一半畀Uncle同Auntie之後，我地就去沖涼，跟住入房睇youtube，佢睇睇下就訓著咗，跟住我見到佢咗，我的起身熄燈訓覺，今日真係好開心，好幸福，嘻嘻。