我的她的大家的故事: 咁多位好耐無見

       Hello，大家好，我係無名氏，好耐無見，呢4年大家還好嗎，可以睇到呢份聲明，就代表大家已經撐過左4年困苦。點解會出呢篇野呢，就係同大家見見面之餘，我都決定有始有終，完成呢篇唔成熟嘅文章，完成我當初一個小小心願。咁今日純屬同大家傾下點解當初我會棄game，同埋係咩機緣會想完成呢篇野。
       首先，同大家講下四年前，呢篇文章係有兩個人共同完成，作者就係我本人，而編輯係本人當年嘅另一半，我寫完就交俾佢審文，跟住就改錯字改內容，最後就發佈到呢度啦。咁點解棄game咧，第一個原因相信聰明嘅大家唔洗我提，因為我同編輯分開左，呢個算係我地兩個之間嘅愛情產物？唔係好識形容，第二個原因就係因為我大學嘅學業實在過於繁重，兩種因素情況下，我當時決定棄game。
       跟住，就篇野已經係沉曬底無人睇，後面我都搵到左第二個女仔陪伴我，所以我就無再有續寫嘅意願。今年我都已經完成左我嘅大學學位，目前係一個集團做緊trainee，講翻點解會突然之間會想續寫，第一個原因係係兩個星期之前，我就同第二任分開左，今次就好平靜，對比起四年前分開，今次有更多朋友係我身邊開解我，非常感謝佢地，第二個原因就係上個星期，我收工翻到department之後，正正想用自己部電腦做埋份project啲文件野，就無意之間睇到我之前啲初稿，咁我就隨便打開左一個黎睇。就係咁樣，一次陰差陽錯嘅機會，所以就誕生左我會有續寫嘅念頭。
       至於今晚點解會有更新，純粹係我手多撳錯，所以就會有更新哈哈哈哈哈，純粹誤會，本身係無話咁快公佈出黎。好啦，都解釋得差唔多，咁幾時更新啊？呢度要同大家講聲sorry，因為我係公司負責啲野比較特殊，目前有啲urgent project我仲做緊，大老細唔知幾時先close file，所以答唔到大家，目前希望8月可以梳理完，9月可以開始慢慢更新，我會梳理下後面啲劇情，之後有絕大部分劇情係本人親身經歷，希望大家睇得過癮，感謝大家，遲啲見。

無名氏