我的她的大家的故事: 第五十八章 Emily生日
好，跟住個兩日都無咩特別，我地直接黎到22號夜晚，今日係啊成個女朋友Cindy生日，我地成班男仔真係由初中玩到大，但係今日我有野要整，所以整到夜晚先有時間，我就係wts group到講：Cindy生日快樂，記得睇住啊成啊，條死仔成日係學校叫我地一齊去睇女啊。Cindy唔係我地學校嘅，啊成唔知係咩活動到識到Cindy，啊成真係好中意Cindy，我地個陣仲笑9啊成，話人地名校學生，你邊有機會啊，think to much啊你。最後條友居然追到窩，巧合嘅事係，佢地兩個一齊係2月22號，5個月之後嘅今日，Cindy生日之餘又係佢地兩個一齊5個月，特別。好，翻翻黎先，Cindy係group到應機：多謝行哥，聽日就係Emily生日啦窩，你有咩準備啊。跟住我就講：軍事機密，無可奉告，聽日你地咪知道咯。跟住Emily係度講：我就聽日睇下有咩驚喜，如果我覺得唔夠驚喜，你聽晚就知死。跟住我就見到佢又係用佢覺得好兇狠嘅眼神望住我，我就摸咗下佢個頭，跟住佢就挨咗埋黎，見到Cindy係group到send咗個笑臉出黎，對話就完咗。跟住我就同Emily講：訓覺啦，聽日早小小起身啊。跟住佢就哦咗句，就訓覺。訓覺之前，已經過咗12點，我係錫咗佢一啖講：生日快樂，BB。跟住佢報以一個微笑。
好，第二日早上7點，我就自己起咗身，之後我就輕手輕腳去廚房準備煮野食，梳洗完之後，我今朝就整個英式早餐，整咗我足足兩個鐘啊。9點鐘個下，我係廚房聽到Emily個鬧鐘響咗，我就講早餐放出去，過咗一陣，我就見到佢懞下懞下行出黎，我就攬住佢講：生日快樂。跟住佢聽到之後，笑咗一笑，跟住同我講：唔，我要去刷牙先。跟住佢就行咗去，等咗陣，我就見到佢精神滿面行出黎，跟住我看講：食野啦。跟住佢就講：哇，好豐富窩。跟住我就講：好唔好食啊。跟住佢就笑咗笑：好好食啊，多謝你。跟住我就講：快小小食啦。跟住15分鐘之後，食完，我就去洗碗。洗完碗之後，我就見到佢已經換咗衫啦，佢今日同平時無咩分別，不過上身加咗件白色恤衫入有件黑色唔知係背心定咩加條熱褲，我就入房換翻衫，我黎黎去去都係個套架啦，不過我今日上身就著個日係uniqlo買嘅T-shirt，下身都係短褲，鞋就著翻個日買個兩對鞋。我就同佢講：行得未啊？跟住佢就拖住我隻手講：行啦行啦。我地第一個地方，係去學校門口，翻到學校門口之後，佢就講：做咩帶我黎呢度啊？我就講：B啊，記唔記得，我地第一次相遇係邊度啊，學校係我地第一個相遇嘅地方，多謝你嘅出現，令到我有咗目標，行啦，帶你去另外一個地方。跟住我見到佢好開心，我就知道我計劃成功咗。跟住我就帶佢去體院門口。
行咗大約15分鐘左右，我地就行到去體院門口，跟住佢就講：我知我知，我知道點解你帶我黎呢度？跟住我就笑笑口望住佢講：好啊，你試下講啊。跟住佢就開始講：點解會黎體院，因為我每次都會係度等你練完艇之後，一齊去約會，嘻嘻。跟住我錫咗佢一啖，跟住就講：醒目，記唔記得你第一次等我個陣啊，哎呀。我都未講完，跟住佢突然之間扭我耳仔講：記得啊，仲要係度串我啊。跟住我就講：對唔住大佬，今日補數。跟住佢先放過我啊。跟住我地就去行去火車站，搭車去大圍。
去到大圍之後，佢就講：做咩翻黎大圍啊。跟住我就講：你想唔想食野啊？跟住佢就講：想啊。跟住我就帶佢去食拉麵，去翻之前個間日本拉麵個度，呢個師傅真係技術高超，有陣時菜單無show出黎，都可以叫師傅整，跟住行咗入去之後，我地坐低咗叫咗個醬油拉麵同豚骨拉麵。跟住我就講：今日第一餐，拉麵，滿意嘛？跟住佢好開心咁講：開心，期待陣間有咩玩，嘻嘻。跟住我就講：期待陣間就食快小小啦。陣間我地過港島。跟住佢就講：係咪去赤柱咧？跟住我就講：陣間你咪知咯。
食完之後，我就帶佢坐地鐵去金鐘，到金鐘之後，佢就講：我就知道，去赤柱，拍拖之後第一次約會，嘻嘻，愛你。跟住我就講：行啦，笑。上咗去之後，就坐巴士去赤柱，去緊個陣，佢眼訓就訓著咗，我就係度度緊我陣間應該做咩好？都係行下就算啦，去赤柱有咩做啊，咪就係行下，談情說愛咯，其實我覺得都幾好架。度下度下已經到差唔多赤柱，我就叫醒佢，跟住佢就講：唔，到啦。跟住我就點咗下頭，跟住就落車，落咗車之後，佢就講：好耐無嗮過太陽，今日嗮下先。跟住我就攞咗支防嗮出黎，幫佢噴防嗮，我就唔洗防嗮，我個人都黑到隻鬼咁，洗鬼要防嗮咩。跟住我就帶佢去赤柱大街到，我就講：記唔記得我地第一次黎個陣啊，兩條友係都跑黎跑去，其他人以為我地傻架。跟住佢就傻笑咗一陣講：可惜啊，你宜家整係可以行，不過都好，可以陪我慢慢行，嘻嘻。我就摸咗下佢個頭，跟住佢對住我申咗一下條脷，真係超級可愛，哈哈哈哈。我就問佢：B啊，你想去邊度啊？跟住佢就講：不如去前面坐下啊，吹下海風，好無啊。我就講：好啊。跟住兩個拖手仔慢慢行去。行到過去之後，佢就問我：B啊，其實你以後真係想做消防啊。我就話：梗係啦，雖然做警察好似好小小，不過我都係想做消防。之後我會為今日的決定感到慶幸，跟住我就問佢：你係咪好中意小朋友先想做幼稚園老師啊？跟住佢話：係啊，你唔覺得小朋友好得意咩，所以我地以後要生小朋友架，你會架何？我就話：你想生就生啦，我都幾中意小朋友架。跟住傾咗好多，大家經歷咗今次之後，感情好似仲更加深咗。我見到已經就5點半啦。我就同佢：行啦，我地要翻去沙田啦。跟住佢就講：唔，我想吹多陣海風啊。我就話：我book做餐廳食飯啊，乖，等我好翻，帶你去沙灘玩，好無？佢就講：耶，下次可以去沙灘到玩，行啦行啦，我地今晚食咩啊？我就講：到咗咪知道咯，嘿嘿。跟住佢就講：懶神秘，等我估下先。跟住我地兩個就行去坐車。
用咗差唔多兩個鐘先翻到沙田，跟住我就講：拿今晚第二餐，跟住翻去仲有節目架。跟住佢就錫咗我一啖，細細聲講咗多謝。我就同佢講：行啦我地入去啦。去到就同侍應講：Book咗7點半，兩個人，姓黃，唔該。跟住我地就入咗去，坐低咗之後，我就問Emily想食咩，佢就講：我要是羊架。跟住我就同侍應講：要一份羊架，一份西冷啊，兩杯凍華田，唔該。跟住佢就講：B啊，聽日翻學校要整咩啊。我就講：好似係影學生相定不知咩，總之好似又係翻去整小小野就可以走。跟住兩個傾下呢樣個樣就已經可以食野。我就講：野食到啦，試下啦。跟住我幫佢切咗一細塊羊肉，跟住餵佢食，跟住佢就講：哇，好好食啊，多謝B。我就講：中意就食多小小啦。跟住兩個可能都玩咗一日，所以都會肚餓，所以大家都食得比較快。食咗半個鐘左右，我地兩個就食完啦。跟住就埋單翻屋企，我就講：翻到屋企你係廳到等我。跟住佢就講：切，又係懶神秘。
翻到屋企之後，我就叫佢坐係廳到等我，我就靜靜地行去熄燈，跟住我就將頭先攞出黎嘅蛋糕攞出客廳，我就講：Happy birthday my lover。跟住我就唱生日歌，我見到佢好想喊，我就講：傻豬，今日你生日，要開心啊知道嘛。跟住佢激動咁抱住我，點咗下頭，跟住我就講：許願啦。我就係呢個時候，入房攞支香水，跟住我行翻出去，就同佢講：拿，呢個係你生日禮物，16歲啦，以後都要多多指教啦。跟住佢就講：咩黎架，我可唔可以打開啊宜家。我點咗下頭，跟住佢好小心打開之後，佢望咗下我，跟住再望咗下支野，問我：真架支野？我就話：我點會買假野啊。跟住今次就真係流眼淚啦，攬住我講：多謝。跟住我就講：蛋糕我個日上樂仔屋企整架，好食嘛？跟住佢點咗下頭，我就講：好食就要多食啦。跟住兩個人吃咗四分一個蛋糕之後，就去沖涼，沖完涼之後，一樣動作，拖住手仔，開住部laptop睇youtube，睇下睇下我就訓著咗，我就唔知道佢幾點先訓，不過應該都唔會好夜架啦。