我的她的大家的故事: 第五十六章 準備2

好啦，第二日佢一樣就有野要做，我就靜靜地wts樂仔：喂，死咗未啊？跟住條友秒速上線講：咩料啊，你死我都未死啦，仆街。我就講：喂，Amy係咪識得整蛋糕架。跟住佢就講：係啊，做咩，你黃大少會整呢家野。跟住我就講：Emily生日啊，我就想講今年特別小小，整個蛋糕送畀佢，等佢開心下都好，順便慶祝下半週年咯。佢就係度笑9我講：喂，你都會整埋呢味野咩，少何窩。我就講：幫下拖啦，屌。跟住佢就講：得啦，我同佢講，你聽日過黎啦。跟住我就好心滿意足去訓覺。時間去到今日朝早，我又係畀佢叫醒，我見到佢成個人趴係我度望手機，我就問佢：早晨啊，B，幾點啦宜家。跟住佢見到我醒咗之後，就錫咗我一下之後講：早晨啊大BB，宜家10點咯。跟住我就講：你唔係要出去咩？跟住佢就講：係啊，但係中午先出去，做咩啊？我就話：我煮野畀你食好無？跟住佢就講：好啊，煮面食。我點咗下頭之後，我就爬咗起身，慢慢行去刷牙洗臉，刷緊牙個陣，個傻妹就行過黎欖住我講：我好想黐實你啊，唔想你走啊。我刷完牙之後同佢講：傻妹，我點會走啊。跟住兩個拖住手仔入廚房整野食。
 
食完之後，都已經成11點半，我就同佢講：喂，你差唔多好換衫出去啦窩，唔好遲到窩。跟住佢就放低咗部laptop，自己行去換衫，我就講：我行出去，等陣。跟住佢拉住我，唔畀我出去，同我講：我宜家身材唔好咩，唔準走，畀你摸都得啊，何況望。跟住就除咗件面衫，我就另轉個頭，唔望，上網望下整咩蛋糕好。換完衫之後，佢就行過黎問我：咦，望緊咩啊？我就話：望緊蛋糕咯。跟住佢就話：我想食朱古力蛋糕啊。我就將呢件事記下心到，陣間去到樂仔屋企就開始研究，同時我就講：想食啊，搵日同你一起食好嘛？跟住佢就點咗下頭，就出咗門口，跟住我見到佢出咗門口之後，我都換衫去樂仔屋企，換完衫之後，帶埋部laptop 就出門口，樂仔屋企係第一城，所以坐小巴轉地鐵。
 
大約半個鐘左右，就去到第一城，我就見到樂仔同佢女朋友Amy係地鐵站到等我，我就話：感謝大佬幫我手…我都未講完，樂仔就講：唔洗多謝，請我吃飯餐飯就可以啦，我就講：關你Q事咩，唔該啊嫂幫拖，小弟不勝感激啊。跟住Amy笑笑口講：幫到你就最好啦，好好地對Emily啊。我就話：一定一定。跟住就上咗樂仔屋企，我見到樂仔屋企已經準備好材料，跟住我就問：哇，點解你會知道我想整朱古力蛋糕架？Amy就講：我識Emily好多年架啦，我梗係知道佢想食朱古力蛋糕。我就話：醒目，開波整？？？跟住大家投入整蛋糕的過程中，一開始我就梗係7都唔識架啦，就跟住做咯。失敗咗起碼5次，跟住先成功咗，跟住我就話：唔該嗮，我22號過黎攞啊。跟住我就見到Emily打電話畀我，我接咗之後：喂。跟住佢就問我：你係邊度啊，仲咩唔係屋企架，好掛住你啊。跟住我就講：我宜家翻黎啦，我去咗樂仔屋企玩啊。跟住佢就講：好啦，我係屋企等你啊。跟住我就講：好。就cut咗線啦。同時我就出咗門口，準備慢慢翻屋企。
 
由於係放工時間所以翻屋企就梗係會慢架啦，我用咗差唔多一個鐘左右先翻到屋企，我一打開門，個傻妹就衝埋黎欖住我，跟住就講：咦，你去咗邊度啊，我好掛住你啊。我就話：我咪翻咗黎咯，傻妹。跟住翻到屋企之後，我就見到佢係度玩緊電腦，我就問：玩緊咩啊。跟住佢就講：無野玩啊，係度上網搵野咋。跟住我就入房攞衫褲衝沖涼，沖完涼之後，我就見到Emily煮咗飯，跟住我就話：食得啦。跟住佢就講：係啊，食得啦。有豬扒，有蛋，有菜。食飽飽之後，我地兩個一齊洗完碗之後，又係度拖手仔，跟住佢挨埋黎講：聽日有咩做啊？我就話：做咩啊？佢就講：陪我出去行下街啊，唔該你啊。跟住我就講：好啊，你想去邊度我都陪你一起去。跟住兩個一路睇youtube，一路係度摸黎摸去，至於摸咩，大家腦補啦，哈哈哈。