我的她的大家的故事: 第五十五章 準備

好啦，到左7月啦，就開始小弟我認為最重要日子，係咩，相信醒目嘅朋友仔都會知道我講緊咩重要日子，無錯，就係Emily生日啦，跟住有人就會出黎問：喂，你唔係唔知Emily生日架咩，你上次問佢，佢唔係無答你架咩？呢啲野佢唔答你，你可以自己去搵方法知道架嘛，唔通佢唔同你講，你就算數，咁你不如唔好做人地男朋友啦。我就走去問詩文Emily生日，原來係7月23號，我問之後我就即刻寫左係電話個日曆到，跟住就較提醒通知，其實較唔較都好，我都會記得。我之前同佢行街，佢同我行到去一間應該係賣香水嘅鋪頭，我見到佢眼金金望住間鋪頭，我就同佢講：入去望下啦。跟住佢就講：真係架？我就講：係啊，行啦。跟住佢就好興奮咁入左去，我見到佢左望下右望下，跟住我就見到佢望住一隻蘋果花香水，我見到佢試完之後，就好中意，但係佢又唔買窩，跟住行過黎同我講行啦，跟住我地兩個出左鋪頭之後，我就問佢：B啊，我見你好中意隻香水窩 ，點解唔買啊。佢就答我：唔買啦，屋企好多香水架啦，遲小小先啦。跟住我點左下頭，同時我都記左係心到。
 
時間翻到今日，今日係7月18號，學校已經開始放暑假，所以基本上除咗  要做卷之外，我其實就無咩要做，Emily就要出去泳會到練水，所以佢就忙小小，今日佢就要去練水，所以我就起身早小小起身煮野食，跟住佢食完之後就問我：B啊，我今日要去練水啊，你自己小心啦窩 。我就講：ok，你自己出街小心啊。跟住佢點左下頭之後，佢就出左門口，我就見到佢出去之後，我都換衫出去之前係沙田間鋪頭到買支香水，我隻腳就已經好翻一半啦，所以就唔洗人扶都可以自己正常行路，支拐杖一樣都係要跟身架啦，體院個治療師都同我講過：喂，恆仔，你隻腳係未好翻8成之前都要拐杖跟身啊。我地做運動員嘅邊個都可以唔聽，治療師一定要聽，陣間你一搞到佢唔happy，佢一簽停賽通知，你就仆街架啦，你可以唔洗去比賽。
 
入到去間鋪頭到，我就去問sales：唔該，我想問下有無個隻xxx蘋果花香水。佢答翻我：有啊，先生，請問想要幾支。我就講：一支就得啦，有無紙袋啊。跟住佢就講：有啊先生，係咪送朋友架，我幫你包起啊。買完之後，我就翻屋企啦，去邊啊，瘸仔一個，翻屋企啦梗係。坐車翻屋企，翻到去之後，屋企就梗喺無人啦大佬，你估唔洗做咩。跟住我就入房收埋支香水，至於收係邊度，我就梗喺唔講啦。整完之後，就翻房做下卷，做下做下Emily就翻到黎啦，我見到佢開門就講：咦，翻黎啦，辛苦你啦。跟住佢放底野之後，就去講泳衣啊，換左個堆衫褲放去洗衣機，跟住就行埋黎攬住我講：咦，整緊咩啊。我就話：做緊卷咯。跟住佢就講：不如一齊做啦。跟住我就將野搬出去廳到做。做完所有英文卷之後都已經成8點。我見到啊媽又未翻黎，我就知道今晚得我地兩個食。跟住我就問Emily：你想食咩啊今晚。跟住佢攤係我到講：是但啦，你叫咩都食架啦。最後我地兩個一人叫左個雞扒飯食。食完之後，我就去沖涼，沖完涼之後，已經成10點半，我翻到房Emily已經訓左，我就輕手輕腳放好部laptop，其實我今日都好眼訓，所以我決定訓覺。