我的她的大家的故事: 第五十七章 準備3

琴晚佢就問我：我都係唔信你走去樂仔屋企，講，你去咗邊度？跟住用一個佢覺得好兇狠嘅眼神望住我，但係我覺得佢真係好可愛，跟住我錫咗佢一啖講：我點會水你啊，係咪，我講過我會保護你一世架嘛，雖然宜家好似有小小難度，樂仔同我講，叫我上去打機，我連部laptop都攞走咗啦，係咪。跟住佢就笑笑口講：傻仔，我聽日想出去行下。我就話：你想去邊度行啊？佢就講：唔知啊，聽日先算？我就話：好啊，聽日先咯，係咧，B啊你就生日啦窩，想要咩啊？雖然我宜家就問佢，但係我已經準備好啦，所以可以當係例行公事，佢就講：嗯，呢個生日，我最想要你，因為你畀個好溫暖嘅屋企我，多謝你。我無講野，整係攬住咗佢。跟住我都唔知攬咗幾耐，佢訓著咗，我就慢慢放平佢個人，跟住熄燈訓覺。第二日，今日黎到20號，距離佢生日就仲有3日，今日除咗同佢出街之外，我今晚會Book埋餐廳，一樣都係佢叫我起身，我打開眼見到佢好似好奇寶寶咁樣望住我，我成個人黑人問號咁樣，就講：早晨啊，B，我塊面有咩好望啊。跟住佢就講：無啊，我每次起身見到你訓覺，我都覺得你好得意。講完之後，仲要搵對手係咁整我塊面，我就話：好啦，出去整野食啦。梳洗完之後，我就講：今日想食咩啊你。跟住佢就講：試但啦，食面啦。跟住我就入咗廚房煮野食。
 
食完野之後，我就問佢：你想去邊度啊？佢就講：嗯，不如我地去咗沙田先啦，跟住去旺角？我就話：好，宜家出去啦。跟住我地兩個就換衫之後，就落樓下巴士站搭車出去，坐緊車個陣，我就話：B啊，你23號有無約人啊？佢就講：無啊，個日正日想話同你一起過啊嘛，做咩啊？我就同佢講：無約人就得啦。23號有咩到時你咪知道咯，嘿嘿。跟住佢就講：懶係神秘，唔理你啊。講完之後佢又要拖住我。半個鐘之後，我地到咗沙田，我就問佢：你想睇咩啊？佢就講：不如去睇下衫啊，幫你買衫啊。我就話：幫我定幫你自己啊。跟住佢就講：你係咪想死啊，黃力恆。我就講：對唔住大小姐，行啦行啦。跟住我就用左手拖住佢慢慢行，行咗一陣，佢就講：都係去翻uniqlo行算，上面啲衫又貴又唔好睇，行啦行啦。跟住我地兩個就行咗去uniqlo到，入到去之後，佢就講：買咩啊你？我就話：我整係買t-shirt就得啦。跟住佢就講陪我望咗衫先，最後我就揀咗三件純色t-shirt，跟住我就陪佢揀咗兩條熱褲，三件衫，跟住就去埋單，加埋600左右，其實唔算貴。跟住我就問佢：仲想去邊度啊，仲去唔去旺角啊？跟住佢做咗一樣野，其實到宜家我都會幾感動，佢就講：B啊，你隻腳得唔得架，唔得我地就翻屋企啦。跟住我就講：你想去邊度我都會陪你，行啦。跟住佢就講：我要去細啊，等陣啦。跟住佢就畀咗個袋我，跟住我就趁呢個時間去book餐廳。喂，係咪xxx啊，我想book23號7點半兩位，我姓黃，唔該。Book完啦，簡單快捷，下一步，都係好重要一步，我地個日會做咩，其實我就plan咗架啦，不過我宜家就唔講，吹咩。好啦，Emily出翻黎之後就講，不如去旺角到望下鞋啊，你買翻對出街鞋啦，成日都著跑鞋，一係就拖鞋。跟住我就講：好啦，行啦，我地搭車出去啦。我地就行過去搭地鐵。
 
跟住坐咗半個鐘左右，我地就到咗旺角站，我就話：不如我地去波鞋街啦，個度大把鞋買，又會便小小。跟住佢就點咗下頭。我地就經D3出口出。兩個拖住手仔行，行下行下，佢就見到對STAN SMITH好似唔錯，佢就講：B啊，你著呢對應該會幾好睇啊。我望到其實都覺得唔錯，幾好睇，所以就同sales講：唔該，要對男裝同女裝啊。跟住Emily就同我講：咦，你想買情侶鞋啊，好啊，跟住sales攞咗兩對鞋出黎之後，我就試對44號鞋，Emily就試37號鞋。跟住我地兩個的非常滿意，跟住就埋單。跟住就望下錶，哇5點半架啦，我就講：不如翻去屋企個邊食？跟住Emily就講：好啊，翻去食啦，我想食鐵板啊，就去翻之前個間啦。我就講：好啦，我地就去個間啦。
 
跟住，翻到大圍之後，我就同Emily行去間鐵板到食野，食野就唔講啦，都係叫扒加面架啦，食緊個陣佢就講：B啊，暑假你有無想話去邊度旅行啊。我就講：無啊，你想去旅行咩？跟住佢就講：想啊，但係無錢啊。跟住我就講：你想去邊度旅行啊。佢就講：我想去日本啊，食正宗拉麵，跟住同你一齊去睇雪，超開心。佢一路講一路食，講到後面，差小小就沖埋出去。我就話：唔好太激動啊，我應承你，我地畢業旅行去日本好無？跟住佢眼金金望住我講：真係架，多謝B。跟住錫咗我一啖，搞到我成面都係油，跟住我同佢講：好啦，食完之後就翻屋企啦。食完之後都成8點，同佢行去坐車翻屋企。翻到屋企之後，我就叫佢去沖涼先，我就將新衫新褲放去洗衣機到，陣間等我去沖涼就順便洗埋。搞掂所有野之後，我地兩個係張床到拖住手仔睇youtube，睇下睇下兩個都訓著咗。