我的她的大家的故事: 第五十三章 試後活動4

之後就翻咗幾日學，至於有咩內容我就唔多講啦，大家都知道學校活動就悶到死架啦，翻去都係訓教架啦，最多咪重拾起小學個陣，成班人圍係度玩三國殺，不過小弟我通常翻到去都係訓教居多，因為實在係無咩野可以提起我興趣啊，最多就起身同班友6個人係度玩幾輪三國殺，跟住就繼續訓教，所以學校生活真係無咩好講，我地條到去下一個星期五。星期五係中四第二次放假，跟住就連續放5日，放到下個星期三先要翻去唔知參加咩話劇表演，細個個陣我就好中意學校安排啲話劇，以前細個傻下傻下，梗係覺得咩都好睇架啦，但係宜家就真係覺得悶到死，所以，我翻到學校之後，都係訓覺架啦。好，翻黎先，一樣訓醒個陣，Emily呢個傻B趴係我度講：早晨啊，嘻嘻。我就講：早晨啊，起身未啊？跟住佢就講：唔濟啊，趴多陣先啊。跟住我就講：宜家幾點啊？跟住我就望咗下手機之後講：10點半啦，起身啦。跟住佢就講：嗯嗯，我地吃咩啊。跟住我就講：唔知啊，落街望下咯陣間。跟住佢點咗下頭。梳洗完之後，成十一點半，跟住等到佢整完呢樣整個樣，換完衫之後，已經12點。佢夏天好中意著熱褲，我都唔知點解，我就一樣，無辦法啦，舒服啊嘛。
 
跟住我地兩個落到樓下，去咗間餐廳到望下，跟住佢同我講：唔，無咩野吃，不如我地出去大圍吃啦。我就講：好啊，我地坐車落去啦。落到大圍之後，其實黎黎去去都係個幾間餐廳，不過近排Emily話上網見到大圍開咗好多新餐廳，又有咩燒味餐廳，拉麵餐廳，所以就慢慢行下啦，行下行下，見到間燒味餐廳，但係見到個價超級貴，我地兩個果斷行開，間野後面老豆原來有去吃過，老豆評價係超級麻麻，又貴又唔好吃。跟住行下行下，突然之間見到橋底有間日本拉麵店，跟住我就講：B啊，呢度有間吃日本拉麵，去唔去吃啊？跟住佢就fing我隻手講：我要我要，邊度啊，咦，係窩，行啦行啦。跟住佢就好興奮咁拖我過去間野到。入到去之後，就見到間野真係好日式，基本上就係好似日本東京街邊個啲小型拉麵鋪頭咁，我其實幾中意呢種風格，唔知點解，唔好問我。跟住我地坐低咗之後，我就點咗一個豚骨拉麵，Emily點咗個醬油拉麵，跟住我地兩個都叫咗天婦羅同埋其他小吃。等緊野吃個陣，Emily細細聲同我講：呢度好舒服，好靜，好似日本啲小店，好中意啊，以後我地一個星期吃一次啊。我見價格係日本拉麵黎講，算係接受到，我就講：好啊，我地星期六黎吃一次咯。講下講下啲野吃就到咗，果然，啲野吃真係好好吃，真係有日本拉麵個陣香味，兩個吃飽飽之後，就去沙田行下。
 
到咗沙田之後，我地就係度行新城市廣場個陣，突然之間見到BOSE出咗個耳機，我就見到之後，我就同佢講：B啊，我地入去望下。跟住佢點咗下頭，我地入咗去之後，我就去望咗下耳機，見到好似幾好，再望下個價，哇，超級貴，算數。跟住兩條友就係度慢慢行，最後就坐巴士翻屋企，跟住兩個翻到屋企之後，就翻咗房，Emily係度打機，我突然之間好眼訓，就走咗去訓覺，6點鐘，Emily就叫醒咗我講：起身啦，吃飯啦。出咗房之後，見到啊媽煮好飯之後，啊媽就同我講：做咩野啊，好眼訓咩，快手洗手吃飯。吃完飯之後，啊媽翻房沖涼，我地兩個就沖涼，沖完之後，我地兩個係度睇深夜食堂，Emily就講：哇，好好吃啊，不如我地畢業旅行去日本吃下野啊。我就講：好啊，我都想去望下啊。跟住兩個睇到訓著咗。