我的她的大家的故事: 第四十七章 翻學
今日就可以訓多小小，因為啊媽會煮好早餐先翻工，不過通常我地翻學出門個個陣，佢都未出門，，不過阿媽話呢個月佢會車我翻學，話我坐車返學容易整親，所以就車我返學先，遲啲等我隻腳好翻小小再算。一樣都係6點50起身，今次就我早過Emily起身啦，我坐左起身之後，fing左兩下個頭，跟住我就推醒隔離個個，跟住推左兩下，就聽到：唔，訓多陣啦，好眼訓啊。跟住我就話：張學雯，你再唔起身就遲到架啦。跟住佢就即刻起身，見到我笑笑口望住佢講句：早晨啊，傻B。跟住佢應左句唔，我地兩個就一齊去擦牙。搞掂之後，佢就換校服，我就換運動服，跟住就見到阿媽煮好早餐，番茄面，跟住我地兩個坐低左之後，Emily就話：，哇，好香啊。跟住啊媽就話：好吃就多吃啦，啊女。跟住吃左15分鐘左右，7點15出門口，屋企得一部車，係tesla model 3，至於啊爸個部係消防處俾局長級以及以上嘅級別，所以個部野係唔屬於我地屋企。
15分鐘之後，就翻到學校門口，跟住我地兩個就慢慢行翻去，我叫Emily自己上去課室先，我去校務處申請電梯許可先，跟住去到，都唔洗申請啊，訓導張sir就行出黎叫我：瘸佬，幫你搞左啦，一年期限，小心啲啦瘸佬。跟住我同佢講：喂，張保仔，你唔好咁串窩，哥哥我宜家身上有武器架。跟住佢就行埋黎搞我，我就話：拿拿拿，你唔好亂黎啊。最後就梗喺少不了一段折磨架啦，跟住我就話將當值啲野同啊輝交帶完之後，我就行去搭電梯上課室，上到去之後，就見到周文，Emily，就慢慢行過去，同周文講：喂， 你女朋友咧？跟住周文就同我講：病左啊，今日開始係咪放半日啊？Emily就講：係啊，今日開始放半日拉。跟住周文就ok之後就繼續訓覺。8點20開始上堂，今日有英文堂，數學同埋PE。但係見到我隻腳，我點考PE啊。英文堂miss真係超級悶，希望下年可以換鬼左個miss啦，上堂又悶，又要串我地你地唔夠啲歐美學生勁。屌，如果我地有歐美學生勁啊，我洗9係度讀書咩，我直接去讀名校啦，屌。我都費9事彩佢，陣間話我多嘴又請我吃叉燒就唔好啦。其實我英文考到唔錯最大功勞都係我隔離個個，如果唔係佢幫我，我真係死都唔掂。
到左PE堂，林sir就同我講：恆啊，你今日幫我手啊，你PE個分一定A架啦。我就話：ok啦。考試通常考3000同埋其他體適能。Emily係最尾個組開跑，我就話：加油，我係終點等你。跟住佢就話：好啊，你買定支水等我窩。跟住我就點左下頭，跟住就講：4B 28-32號準備，go。跟住就開跑，大約圍住學校跑13個圈左右。我坐係終點到，一路見住Emily由頭帶到尾，我一早預左架啦，因為Emily未跟我練跑個陣，其實佢本身實力就唔錯，跟住我跑左一輪之後，其實佢係更加廋左，本身佢高1米7左右，有60公斤，跑左一輪得翻56公斤左右。最後不出我所料，3000由頭帶到尾，跑左14分鐘鬆小小，我就攞支水俾佢。跟住PE完左就放學。放學個陣，Emily就問我：BB啊， 你想吃咩啊。周文因為要翻大埔照顧詩文，所以就唔同我地吃。我就同佢講：不如我地吃鐵板啊，翻大圍吃？？跟住佢就拉住我隻手講：好啊好啊。跟住我就話：小姐，你照顧下我呢啲傷殘人士得唔得啊。跟住佢就挨住我講：sorry啊。我就話：唔緊要啦。跟住就兩個慢慢行過去。
吃完野就坐車翻屋企啦，翻到屋企，Emily就入房換衫，我就坐左係廳到休息下先，跟住我就見到Emily換左出街衫，我就問佢：傻妹去邊度啊？跟住佢答我：我要出去啊今日，sorry啊。跟住我就話：快手出去啦，記得唔好遲到啊，知道嗎？跟住佢點左下頭就出左門口。我就慢慢換衫之後開始做功課。自己一條友會唔會唔慣，點會唔慣啊，以前都係自己一個架啦，有咩慣唔慣啊。跟住就慢慢做完功課，就開始溫書，溫下溫下溫到人都傻左，就爬係張檯訓著左。等我再起身個陣，我已經見到屋企全部人都翻左黎，Emily行過黎挨落我到講：啊B，你醒左啦。我點左下頭，跟住阿爸就講：好啦，快啲過黎吃飯啦。大家坐低吃飯啦，吃緊個陣，啊爸就問Emily：啊女，住左幾日適應嘛，呢度就無你屋企咁大架啦，條友仔有無蝦你啊？我聽到呢句我就翻白眼跟住講：喂，老豆，我係你個仔窩，哎呀…。我都未講完，Emily就扭我耳仔，跟住一路扭一路笑住同我啊爸講：無啊，啊恆對我好好，係咪啊？我就梗喺講：係係係。跟住咁樣先放手，痛死我。
吃飽飯，日日沖涼都要整成個鐘，沖涼個陣痛到死，但係我又唔想其他人幫我，所以，自己慢慢整就整成個鐘，好，沖完涼就開始慢慢係間屋到行下行下，跟住Emily就係度做功課，通常數學都要問我，跟住聽日要交數學功課，所以今晚佢就猛係度做，有唔識就問我：B啊，呢條點樣做啊？我望左下題目就講：拿首先你望下個圖形…。我就慢慢解釋條題目應該點樣做，跟住就叫佢自己試下做一次先，一有位做錯我叫停佢講：喂喂喂，唔係咁做架傻妹，你再諗下頭先我點樣教你做架。就係咁樣慢慢引導佢。跟住兩條友溫完書，都成11點半，入房訓覺，訓之前一定會有goodnight kiss，唔知係咪今日太眼訓，一落床，一如以往佢會攬住我，跟住同我傾野，點知我聽聽下訓左。