我的她的大家的故事: 第四十八章 準備考試

一樣時間，一樣場地起身，今日唔知點解超級眼訓，但係都要起身，因為要翻學，跟住一樣起身fing兩下個頭，fing完之後，仲搞到自己個頭暈暈地。足足坐左五分鐘先起身，順便搖醒隔離個個，兩條友傻下傻下咁樣行過去擦牙洗面，跟住Emily就講：B啊，今日有咩堂啊？我就話：英文，數學，通識。跟住佢就話：吓，又有英文堂啊，唔好啦，上佢堂根本好似聽佢串我地。我就話：我根本都唔想上佢堂，係窩，今日數學有test，陣間英文堂我地溫下數囉。跟住我地兩個吃完早餐之後，就慢慢行落去等啊媽架車，等緊個陣，Emily就問我：點解你數學同埋中史可以唔洗溫書架？跟住我就話：因為我勁囉，哎呀。佢就好中意扭我耳仔，又扭我耳仔：我發覺我同你一齊住之後，你串左好多窩，蛤，黃力恆。我就梗喺投降架啦：對唔住大佬，大佬放過我。跟住啊媽就到。上左車之後，佢竟然同阿媽告狀：Auntie，恆仔蝦我。我成面問號講：啊媽你個仔宜家變左瘸佬，我點蝦佢啊。跟住佢就開始打我：打死你打死你。我就話：打死我就無左個男朋友露。
 
一樣15分鐘之後，翻到學校，跟住我就慢慢行去搭電梯。上到課室見到四人組又開始齊人翻，就慢慢行埋去，詩文見我翻到就問我：恆仔，點啊你，無事啊嘛。我就話：少事啦，點啊你，無咩大問題啊嘛，好少見你唔翻學。跟住詩文就笑笑口講：小小感冒，無咩事啦今日。跟住我點左下頭，就慢慢行翻去個位到。英文堂個陣，我就同Emily係度溫數學，做數學，教英文個條友咪又係係度講廢話，得前面個兩個傻仔先聽佢講野，成日講咩你地好差啊。我都費事彩佢。好快英文堂就上完，之後就係數學堂，數學堂就有test，對我黎講小問題啦。啊sir入左黎，就話：收野，準備test，一個鐘，好，開波。跟住就做做做，我見到Emily做得幾順利，我就繼續做，好快一個鐘就到左，啊sir就講：好啦，收卷啦，停筆啦。跟住就大家交卷，跟住前面個兩個傻仔行過黎講：黃力恆，你以後上英文堂可唔可以唔好講野啊。我望都唔望呢兩個傻仔，我直接同周文講：喂，陣間吃飯？周文都費事彩佢地，就講：好啊。呢兩個傻仔見我唔理佢地，就行開左。我連講都費事講，跟住就上通識堂，通識堂就整係抄筆記，跟住就放學。
 
放學之後，我就問佢地三個：想吃咩啊？Emily就講：不如我哋吃米線啊。我就講：無問題啊，你兩公婆點？跟住佢地兩個都點左下頭。我地慢慢行過去吃米線，坐低左之後，我地點左四個豬扒米線，點解四個會點同一個，因為真係好好吃，吃完野之後，我同Emily就慢慢行過去體院。平時應該10分鐘就到，今日用左20分鐘左右先行到體院。跟住就行去main build到，入面有個物理治療所，入到就見到建哥，我就講：喂，建哥，我又黎啦，miss me嘛，嘿嘿。跟住建哥就講：多多廢話，又咩事啊你？我就話：十字韌帶撕裂啊。跟住就講：上機啦。Check完一大輪野之後，就開始講：你撕裂得唔算嚴重，但係要時間回復，兩個星期之後，翻黎，開始物理治療。跟住就帶翻裝備，跟住就同Emily坐車翻屋企。
 
翻到屋企之後，就開始溫書，今日溫英文，我就左一本字典，右就筆記，前面係試卷，就一路埋頭係度做，做完之後都成7點鐘，今晚兩位又唔得閒翻黎吃飯，唯有叫外賣啦，我就問Emily：B啊， 你想吃咩啊。跟住佢係度睇緊電視，就同我講：你吃咩我就吃咩啦。最後叫左兩個叉燒炒蛋飯。吃完之後，又係指定動作，沖涼，跟住入房睇youtube。睇下睇下兩個都訓左，跟住我醒左下，放好部電腦，跟住放翻平Emily個人，跟住就訓覺。