我的她的大家的故事: 第四十六章 日常

訓下訓下，我隻腳痛到我醒左，跟住我就見到Emily攬住我係度訓緊覺，我輕輕放底佢隻手，跟住坐左起身，望住隻腳，細細聲同自己講：辛苦你啦，兄弟，今年就好好休息下啦，我都想好好休息下啦，征戰左咁多年。跟住就笑左笑，回憶翻中學呢幾年時光，中一入學，就識左個好兄弟樂仔，仲記得個次因為佢同佢啊爸係度嗌交，跟住就機遇巧合下，坐埋同一張檯，跟住就大家識左大家，後面分班分到同一班，一齊坐之後，佢就好中意飛機，所以成鬼日拉我上圖書館到，搵個啲飛機書，個陣時仲成鬼日笑佢on9。跟住，佢就話我一定考到機師，我就笑佢收皮啦你。跟住就估唔到佢準備去澳洲讀書啦，我先諗翻起條友真係想做機師，宜家我整係會同佢講：加油，我等緊坐你部飛機。諗下諗下，我再望下個鐘，哇，成6點半架啦，都係訓多陣先，點鬼知我隔離個個有咩大搞作啊聽日。
 
跟住我就俾把聲整醒左，我一打開眼就係見到Emily個上圍，跟住先見到佢個可愛樣，我就話：嗯，早晨啊傻B。跟住就錫左佢一淡。跟住佢就話：早晨，起身啦，整左野俾你吃啊。跟住佢就扶左我起身，我就自己慢慢行去擦牙。搞掂之後，就行出去廳到，見到好豐富早餐，我就話：哇，殘疾人士有咁好待遇架。跟住佢就笑到好似個傻妹，我就話：好啦，吃野啦。吃完野啦，我就打電話去體院都book物理治療。跟住佢就話：B啊，你book左幾時啊。我就話：下個星期二。跟住佢就話：到時我陪你去啦。我就話：你係約左人就唔洗理我啦，我又唔係真係變左殘疾人士，我一個可以架啦。跟住佢就話：你宜家係我最重要嘅人，所以我宜家要好好照顧你。跟住就行過黎錫左我一淡，同我講：你琴晚講個啲野我全部的聽到架，以後唔好再自己收收埋埋啦，好無，應承我？跟住我就攬住佢。跟住我就話：不如溫陣書啦。跟住佢就點左下頭。
 
溫中史個陣，佢就話：B啊，不如我地識下做呢份卷啊。跟住我就勁串講：好啊。我都係最高分架啦。跟住佢就扭我耳仔講：黃力恆，你宜家係咪要咁串啊，啊？跟住我就即刻認輸。跟住我就話：計時開始啦，做一個鐘。必一聲，就開始做卷。我一路做一路望住個傻妹，見到個傻妹好認真做緊，佢真係好迷人。跟住好快就一個鐘，鐘聲起，請停筆。跟住佢就話：咦，差小小做唔嗮。跟住就開始改卷啦，最後都係我高分過佢。跟住Emily就話：果然係中史狀元，次次都成22分。我就超串講：梗喺啦，我係邊個啊？我都未講完佢就搶住講：你係我張學雯男朋友，以後我嘅老公。我就話：係咪真係咁想嫁俾我啊，好，我地畢業就結婚。跟住佢就話：拿，你講架，到時你唔娶我，我就剪左佢，嘻嘻。跟住我見到佢啲笑容，我就好似投降咁講：係係係，無問題。跟住電話就嚮左，Emily就行左去攞部電話俾我，我就接起身講：喂。原來係啊媽，老媽子講：問下Emily今晚想吃咩。我就話：喂，老媽子，屋企多左個女，個仔咁快唔要啦，啊。。。我都未講完，Emily就黎扭我耳仔講：點啊你，宜家係咪好唔中意我同你一齊住啊。跟住就搶左我部電話走。講左一大堆野，跟住就講左byebye。我就話：今晚有咩好野吃啊？條友勁串窩同我講：唔話你知等你心思思。
 
過左大約個半鐘，就見到啊媽翻到屋企，啊媽見到我攬住Emily就笑我地：哇，好sweet窩你地兩個。我就話：好肚餓啊，老媽子，幾點有得吃啊。跟住啊媽就話：得啦得啦。過左一個鐘左右，飯就煮好，哇成檯海鮮窩。跟住啊媽就話：快手吃飯啦。跟住就吃飽飯，啊媽就翻左房做野。我地兩個沖完涼之後，就翻左房，跟住我地兩個拖住手坐係張床到傾野。Emily就講：多謝你同Uncle同Auntie肯收留我，其實我好想爹地媽咪陪我多啲架。跟住我就講：你爹地都係想搵多啲錢俾你有更好生活，仲有我陪你啊嘛，係咪。跟住佢就錫左我一淡，就講：嗯嗯，所以咧你就要好好對我，跟住我地一齊入大學，跟住就結婚，好無？我就話：好啊，呢一世我整係娶你一個架啦，你唔可以離開我架。跟住佢就笑左笑，就同我講：傻瓜，我應承你，呢一世我都唔會離開你，好無？跟住我點左兩下頭，唔知係咪太大力，搞到我隻腳又超級痛。佢見到我腳痛就即刻問我：B，無事啊嘛。我就話：小問題啦，嘻嘻。跟住就大家都好眼訓，又傾到11點，要去訓覺啦，聽日要返學啊。