我的她的大家的故事: 第四十五章 受傷

到我再醒翻個陣，我已經見到啊爸啊媽同Emily係床邊到。Emily見到我醒左，就即刻問我：你嚇死我啦，你無事啊嘛。我就話：傻妹，我咪無事囉。我都未講完，佢就好似管家咁嗶嗶叭叭係度講：我唔理啊，你同我好好地做物理治療，唔得，我要監督你。跟住啊媽就話：我地放心嗮，終於有人可以管教下呢個友仔，雯女啊，呢個友仔蝦你同Auntie講，我地幫你教訓教訓呢條友仔。我就話：啊媽，我咁快就被拋棄左啦，喂我仲係殘疾人士窩。跟住啊媽就講：我翻去office啦，今晚唔知翻唔翻到黎。跟住啊爸就講：啊女，你爹地叫你係我地屋企住一輪先。跟住我就話：好啊，好事。跟住啊爸就講幫我去搞出院。我就係Emily幫手之下，慢慢行出去。行到出去，啊爸就講：我渣架車上黎，你地慢慢行，唔好急啊。
 
跟住我就同Emily慢慢行個陣，我就問左佢：如果我有一日企唔翻起身，你仲會唔會同我一齊。佢就望住我，跟住錫左我一下，就同我講：無論你以後變成點，我都會一直陪住你架，傻瓜。跟住我地就慢慢行落去大馬路到，就見到部白色車，不過我地一望車牌就知道係阿爸架車。跟住我就坐車頭，Emily坐後面，翻去個陣，啊爸就話：你小心啲啦，醫生話你內十字韌帶撕裂啊，係屋企唔好咁大動作。跟住Emily就講：Uncle我會監視住佢架啦。講完之後仲要用好似好兇狠嘅眼神嚇我，我就覺得個傻妹好可愛，跟住就去摸左下佢個頭，跟住佢就話：打死你打死你。兩個好似小朋友係度打黎打去。過左15分鐘左右就翻到屋企樓下，啊爸整想同我講野個陣，佢部車個對講機就出左聲：黃sir，control收唔收到。啊爸覆翻：go ahead。跟住就出：黃sir，xx工廠頭先係現場SSO升3號火警。啊爸即刻講：我宜家即刻去現場。跟住啊爸就講：慢慢行翻上去啦，老豆做野先啦。跟住我同Emily就見住部車嚮燈咁走左。
 
翻到屋企之後，Emily就講：我翻屋企攞衫褲先，你係屋企等我，唔准陪我翻去。我就話：好啦，我入房整野啦。跟住佢就話：乖啦乖啦。跟住仲行過黎摸下我個頭。我見住Emily出左門口之後，我就慢慢行翻房到，空一半衣櫃俾Emily放衫褲。我都整左20分鐘先整完。跟住佢就翻左黎。跟住我就同佢講：衣櫃整好左啦，你可以放野入去啦。佢聽到就行過黎錫左我一下，跟住同我講：唔該你窩，嘻嘻。跟住就跳下跳下入左我間房到整野，跟住我就廳到睇Youtube。整左差唔多成個鐘，跟住個傻妹先出翻黎講：哇，終於整完啦，BB，我地整咩好啊。跟住我就話：就考試，不如溫下書。跟住佢看話：好啊，你竟然會叫溫書，有進步。跟住係都要過黎摸下我個頭。跟住我就話：溫書啦。
 
溫下溫下，Emily望左下鐘同我講：BB，7點啦，我好肚餓啊。跟住未講完門鐘就嚮左，跟住就聽到Emily叫Uncle。我見到老豆之後，就問老豆：老豆買左咩外賣啊。跟住啊爸講：拿，兩個鹽焗雞飯，你地自己分左先啦。跟住就入左房。跟住我就同佢講：你要吃幾多啊。佢同我講：我要吃一個。跟住佢就攞一盒坐我隔離吃。跟住我地兩個一路吃一路講下呢樣講下個樣，跟住佢就話：我吃飽飽啦。就開始清潔飯檯，跟住我就叫Emily去沖涼先，因為我宜家沖涼要搞好多野。半個鐘之後，佢沖完之後，我就慢慢行去沖涼房，我真係整左一個鐘先沖完，痛死我。沖完涼，我就同Emily坐係張床到，攞部laptop係度睇Youtube，個傻妹睇下睇下就訓左，我望一望左個鐘，哇，成12點架啦，我就輕手輕腳放翻部機係張檯到，跟住就輕輕地攬住Emily放平個人，跟住就訓覺。