我的她的大家的故事: 第三十五章 詩文生日2

周文呢條友屋企原來都好大下，三層都係佢屋企。跟住我地三個就上到二樓，我地就見到詩文。Emily就話：咦，詩文，生日快樂，你今日好開心窩。詩文就話：我今日生日窩，我梗喺開心架啦。跟住詩文就拉住Emily去左房到唔知玩咩。我就問周文：你ready左你要用啲野未？周文條友就話：屌，講呢啲，一早就搞掂啦，等你咩。我就話：你係先好啊，到時臨場仆街就神仙都幫唔到你啊。跟住周文就話：得啦，屌，一定掂啊。跟住我就話：得啦，打機啦，你部PS4去左邊啊。周文就話：行啦，係度啊。跟住詩文同Emily佢地兩個又行出黎，話要一齊玩，最後就四個人一齊玩左PS4一個下晝。
 
到左夜晚，周文就叫我：喂，行啦，7點啦，煮飯啊，唔想吃啊。我就話：得得得，黎緊黎緊。我同周文入左廚房之後，我就問佢：喂，你想煮咩啊？周文就話：拿，扒，意粉同埋有好多其他料，係雪櫃啊。我就去左雪櫃望左下，又真係有幾多野下，我就問佢：詩文佢地想吃咩啊？佢就話：詩文同我講我煮咩，佢就吃咩窩。我諗左諗，就講：一係煮牛扒，意粉同埋加啲小吃啦。跟住我地兩個就開始煮也夜晚。
 
其實都唔算兩條友煮，周文呢條死仔，淨係切完啲調味料，就係度玩手機，我就同佢講：喂，你再唔幫手煮下，我陣間出去就同詩文講話所有野都係我整，你條友就係度玩手機。條友聽到之後，即刻就行過黎話：大佬大佬，冷靜冷靜，有咩需要小弟幫手架，嘿嘿。我就同佢講話：啲意粉幫手煮下啦，跟住煮到6到7成左右，就撈起身，跟住就將啲雞絲同埋其他配料一齊倒落去，爆香左之後，就將意粉倒落去一起炒，跟住就Ok啦。跟住條友就去左幫手搞意粉。
 
45分鐘之後，所有野都煮好左，我就叫Emily：主席，入黎幫手啦。跟住就將啲野攞出去。跟住我就話：詩文滿唔滿意啊？跟住詩文笑左下：周文肯煮野俾我吃就已經好滿意架啦。跟住我就話：哎呀，又係度曬命啦，主席，我要太陽眼鏡啊。跟住Emily就拍左下我個頭，跟住就講：我好肚餓，唔好玩啦，吃野啦。我就話：吃野吃野，詩文生日快樂。跟住詩文笑左笑：多謝你地。跟住Emily就話：咦，牛扒一吃就知道係你煮架啦，副主席，不過意粉一定唔係你煮，陣味差好遠，有小小太淡。跟住我就話：意粉係周文煮，不過佢第一次煮，唔錯啦，你睇下詩文幾滿足。跟住我地四個講下呢度講下個度，就好快吃完呢餐飯之後，我就知道重頭戲差唔多準備上場。