我的她的大家的故事: 第三十四章 詩文生日1

話咁快，時間就到星期五啦，意味住復活節假期開始，有人就會問：唔係下個星期一先開始咩？我地學校好人，星期五放【教師發癲日】，所以我地學校復活節假期就係今日開始左。除咗今日係學校假期之外，都係周文同詩文大日子，你地唔好諗多左，唔係結婚啊，係詩文生日，都算係大日子啦。好，周文就一早call我起身。我就問：屌你，幾點啊，咩事啊，神雞咁早call我。佢就話：屌，10點啦，仲未起身，無啊，我想問下你同Emily幾點到？我就話：你約左詩文幾點去你屋企玩啊。佢就話：我約左佢三點鐘，我係佢屋企樓下等佢。我就話：咁我地三點半去到你屋企啦。跟住佢就話：好啊，三點半見啦。跟住我又call左俾Emily：副主席啊，我今日點半鐘係你屋企樓下等你？？？佢就話：不如我哋出去吃啦，約早小小啦，12點半啦。我就話：好啊，你想吃咩？佢就話：今日我哋吃米線好唔好啊？我就話：好啊，我12點半係你屋企樓下等你啦，好無？跟住佢就話：好啊，陣間見啦。
 
Cut 左電話之後，我就起左身，出去見到啊爸仲係屋企，我就問我啊爸：咦，老豆，今日唔洗返工咩？我阿爸話：係啊，今日休息啊，點啊，今晚想吃咩啊，叫埋Emily上黎吃飯啦，啊爸今晚親自落廚房。我就話：今晚唔係屋企吃啊，我地去一個同學屋企吃飯啊，佢生日啊今日。我啊爸話：哦，好啦，記住去人地屋企要客氣啊。我就話：得啦，老豆。
 
搞掂個人衛生之後，我就翻到房，跟住我打開衣櫃，我就諗下我開新衫好唔好，最後我都係開左件新衫，詩文生日，起碼都著得好小小啊。跟住我就打左陣機，時間一下就到12點三啦，我就換好衫準備出門口，跟住我阿爸講：記得翻屋企啊。我就話：得啦。然後就出左門口。
 
去到Emily屋企樓下，等左陣，我見佢都著得好普通，我就話：咦，主席，我以為你今日會著得好小小啊。跟住佢就話：係咪我宜家著得唔好啊。我就話：梗喺唔係啦，行啦我地。跟住我地就搭車去沙田吃野，跟住就去左巴士站個間譚仔吃左一餐，跟住就坐巴士去大埔。
 
去到大埔，時間正好到三點三，我就話：我地行過去周文屋企囉，坐左15分鐘小巴之後，就到左周文屋企門口，我就打電話俾周文：喂，我地到左你屋企門口啦，你落來開門啦。跟住過左三十秒到，就見到周文開門。跟住我哋兩個見到佢就啦住佢問：喂，你禮物搞掂未啊？跟住佢就話：屌，呢啲野梗喺搞掂左十世啦。跟住Emily就話：喂，你點樣報答我先，買鞋係我叫你買架窩。跟住周文就話：得啦，大小姐，翻左學之後，我請你去xxx餐廳吃飯囉。我就話：喂餵餵，周文，我個邊又點樣講啊。佢就話：得啦得啦，我請埋你啦，兩位大人物，行啦，上去啦，屌。