我的她的大家的故事: 第三十六章 詩文生日3

班長同詩文入左去廚房之後，我就即刻拉周文入房。我就問：你有咩計劃啊？跟住佢就講：你陣間同Emily去攞蛋糕出黎先，跟住就梗喺要熄燈架啦。我就係放禮物間房到行出黎，跟住就送禮物，掂啊。我就話：得啦，我地配合你啦。跟住周文就畀左個OK手勢，講：等我信號，就行左去放禮物間房到standby。我行左出去廚房到，叫Emily出一出黎。
 
佢行左出黎之後，就問我：咩事啊，叫我出黎。我就將周文同我講嘅計劃複述畀Emily聽。跟住Emily就話：ok啊，今次就配合下條友啦。跟住我就順便入去廚房幫手。20分鐘之後，周文就wts同我講OK啦，可以開始。跟住我就話：兩位大人請等等，我去去就回。跟住我就去廚房準備攞蛋糕。我攞完之後，我就wts Emily，同佢講：可以去熄燈啦，同時我都開始點蠟燭。
 
跟住我一見到出面黑左之後，我就攞住蛋糕行出去，跟住我就同Emily唱生日歌：Happy birthday to you.........Happy birthday to 詩文，Happy birthday to you。跟住同時周文出現左，我見到條友隻手放左係後面，我就知道條友準備好啦。跟住就到最重要時刻，送禮物，Emily同我就送左本詩文最想要嘅一套書。詩文就話：多謝你地兩個窩。我就話：咪住，你男朋友有野送啊。
 
跟住周文就行左過黎，就講：今年係我第一次同你過生日，希望以後每一年都可以同你一齊過生日，呢份禮物你一定會好中意，送畀你嘅。跟住詩文笑笑口係個袋到望個盒個下，佢望左望周文，在望入面個鞋盒，跟住打開左個鞋盒之後，見到對鞋，詩文激動到企左係度幾秒鐘之後，就轉身撲左落去周文到，兩條友一路都無講野，跟住我就見到佢地兩個係度錫錫，跟住Emily就話：哇，要太陽眼鏡啊。我就轉身係度講：18禁，小朋友禁止收看。
 
佢地兩個無理我哋，跟住詩文就問：點解你會知道我想要呢對鞋，同埋呢對鞋好貴架窩。跟住周文就係度吹水啦：貴咩啊，小小錢，唔緊要啦，你唔記得左之前我同你出街個陣，你入左去間鋪到，見到對鞋，你就話對鞋好好睇，跟住我就記左係心到，跟住就係你生日之前去買左啦。跟住我係心到就講：呢條死仔都幾識得作故仔窩。跟住詩文就眼濕濕。我同Emily大家兩個互相對望左一眼，Emily就話：我生日個陣，你會唔會咁樣架。我就話：你想我點慶祝就就點慶祝。跟住我就攬住Emily。
 




送完禮物之後，望一望鐘，都9點鐘啦，周文就送詩文翻屋企，我就同Emily坐的士翻屋企啦。今日非常完滿啊。