我的她的大家的故事: 第十三章 成功

當我表完白之後，我攞咗我係公開賽贏到嘅第一塊獎牌，我話：呢塊牌我記得你話過你好中意，因為呢塊牌係我入咗港青之後，第一塊公開賽嘅獎牌，你話過你想幫我保存，今晚，我就將塊牌交畀我未來女朋友保存，希望你可以接受呢塊獎牌。Emily一句野都無講，就突然眼紅紅咁望住我，點咗頭。我開心到抱起咗佢，跟住同時，周文同詩文的出現咗，一齊講：恭喜嗮，Emily都話咗阿恆好中意你架啦，你睇下人地阿恆，連自己第一塊牌都攞咗出來畀你，Emily應該會超級幸福。Emily超級驚喜，跟住佢就突然kiss咗我一下，搞到我面紅紅，跟住我拖住佢隻手，我就話：想唔想再行下呢個商場啊。佢就話：好啊，呢個商場真係好靚啊，想行多陣啊。我就話：咁就行啦。跟住我又學佢咁kiss 咗佢塊面。係度補充一點，我同Emily身高應該差的有小小多，Emily高165cm，宜小弟我高180cm。所以就相差咗15cm。周文就話：你兩個真係好搞笑。
 
跟住我就梗係拖住佢一起行架啦，佢就將個頭挨落我到，我就問佢：啊B，你凍唔凍啊。Emily就話：咦，叫人地BB架，你拖住我，我暖到入心啊。跟住周文條友仔話：喂，你兩個好肉麻啊，恆哥估唔到你窩。我就話：呢個我女朋友，我梗係對佢好架啦，你估係你啊。跟住兩個大男人係度斗邊個女朋友最好，搞到Emily同詩文自己兩個行先，跟住兩條友一路係度玩一路追翻各自嘅女朋友。
 
行咗一陣K11，Emily就話：副主席啊，不如我地去行下星光大道啊。我就梗係話：好啊。星光大道之前一路都裝修緊，宜家裝修完之後，就同佢去行下，加上今年平安夜又唔係好凍，就同佢去行下。佢突然之間話：副主席啊，我約咗你之後每年平安夜都要陪我去行下其他地方。我就梗係話好架啦，屋企個位大嗮架嘛。跟住行到咁上下，就同佢坐低咗係長凳到，我就欖住咗佢，就講：其實我都唔確定你會接受我，所以我都好緊張，如果你拒絕咗，真係會超級尷尬。跟住佢就笑笑口話：宜家我咪係你嘅咯，傻仔。跟住佢又kiss咗我個額頭。
 
到12點個陣，我就同Emily坐巴士翻屋企，周文同詩文就係10點過咗去中環。宜家就同Emily翻屋企。上咗巴士之後，Emily靠咗係我度就訓著咗，我就望住佢同時，都係度諗緊野，至於係咩，到時候咪知道咯，翻到屋企樓下啦，我就梗係送到去佢個棟個大堂到，我先返屋企。
 
今日係我中學四年地二次咁開心，希望可以同Emily長長久久。