我的她的大家的故事: 第十四章 約會

跟住正日就梗係同Emily去行山啦，佢就話：我地去行下獅子山啊，個度比較舒服啊。其實對於我講，行西貢應該就舒服過行獅子山，不過佢中意就行邊度都可以。就約咗佢9點鐘係屋企樓下等啦。
 
平安夜晚我地兩個玩到好夜先翻屋企，所以，聖誕行山大家都話，不如11點先洗屋企樓下等啦，我就梗係話好啦，我仲想話，會唔會可以遲小小，因為真係好眼訓。我較咗10點起身，同女朋友出街，約咗幾點我就一定早10分鐘左右到。約女仔早到是常識吧。果然，Emily佢都早5分鐘到，佢見到我係度等，就行過來欖住我就話：咦，副主席好早窩。我就話：我幾時月你會遲到啊。佢就話：我地行啦。
 
我同Emily就坐車到獅子山山腳個位，雖然我地兩個屋企係可以行到過去，但係我驚Emily行到去山腳，已經唔想再行，因為真係有些小距離。到咗山腳之後，佢就話：咦，今日真係舒服，雖然有小小凍，但係又係一個好日子去抒發靈感啊。我就問：啊B，你有咩野要抒發啊。跟住佢就笑笑口：到時你咪知道咯，嘿嘿。我句口頭禪又出來啦：你話點就點啦。跟住條友仔仲特登跳起身啪我個頭，跟著就講：行啦，副主席。
 
跟住一路行緊上山，梗係就兩條友一路係度玩，一路係度行，跟住就同我介紹下佢想寫咩，行下行下就過左兩個鐘多小小，我同Emily都行到上山頂，佢一上到山頂就話：咦，好舒服，好靚啊，以後要多啲行山啊我地。我就話：其他人就好難，你叫到我實話架，係咪先。Emily就話：好啊，你要記住啊，我話約你，你就會到啊。我就話：好，一定。
 
後面，就梗係同佢落山，出咗沙田吃野，出到沙田，佢就話：咦，返學個陣都成日係沙田吃飯啦，又來沙田吃飯。我就摸做下佢個頭：就係因為熟悉，所以先係約會最好嘅地方。佢笑到好甜就話：口花花啊你，就同佢去咗平時吃飯個度。吃完飯之後，佢望咗下個天，就話：副主席啊，不如，我地翻到屋企樓下之後，係樓下望下天先翻去啊。我就話：天有咩好望啊，不過，你想就好啦。跟住佢就話：果然係你最好。
 




坐巴士翻到屋企樓下，就同佢一齊去咗屋企樓下條河到，跟住我就欖住佢，跟住佢就話：啲星星同月亮真係好靚啊，我就話：點會靚過你啊，Emily又話：口花花啊你。不過， 我見到佢笑個陣，笑到見牙唔見眼，我就知道佢好開心。佢就話：呢個時間真係好舒服。我就話：以後會有更加多嘅機會。跟住我地兩個就相視一笑，繼續望星。