我的她的大家的故事: 第十二章 告白？？？

話說，今日就到咗我最期待都係我最緊張嘅一日，就係萬眾期待嘅平安節，點解我會話萬眾期待，因為我今晚會同Emily表白，至於係邊度，都係個句，今晚你地咪知道咯，哈。
 
好啦，遠咗，回歸正題，因為琴晚係體院就練艇練到太夜，所以今日搞到下晝先起身。起咗身之後，就梗係出去客廳hea啦。突然，周文打電話來：喂，老細，搞成點啊，等你今晚係邊度同佢表白啊。我就講：尖沙咀咪開咗個K11嘅，頂樓咪幾好咯。跟住周文條友就話，姐係今晚叫我地兩個係個度等你啦。我就話;smart boy ，果然係我細佬啊。周文就話：on9，得啦，今晚見啦。跟住我就梗係同老媽子講我唔翻屋企吃飯。
 
話咁快，就到5點啦，我就約咗Emily係樓下等，就同佢出尖沙咀，因為星光大道就開翻啦，我就話，不如去睇下都好啊。佢就話：好啊，我已經好多年無去過啦，難得有人陪我去，yeah。好啦，我就早10分鐘落樓下，等Emily過來。Emily永遠的係會準時到，我見到佢個陣，佢著白色外套，酒紅色及膝群，黑色boot。我見到個下，真係有些小驚喜。當然，我就梗係小不了對我呢個未來女朋友讚歎啦，佢就話我：口花花啊你，跟住我挨係我就話：行咯。我就話：好啊。
 
出到尖沙咀之後，我就問：主席啊，你想吃咩啊。佢就話：我都唔知道啊，不如我地行下先啊。我就話：好啊。最後，我地兩個就去做一間拉麵鋪頭吃拉麵，至於名我就唔公開啦。吃完野之後，我就話，不如去星光大道行下啊。佢就話：好啊， 我都想去啊。我就話：你凍唔凍啊。跟住我就欖實佢。佢的欖實我，跟住話；我宜家好暖啊。跟住行到去海旁個陣，我就話，咦，不如去個見新商場睇下啊。佢就話：咦，好靚窩，我地入去睇下啦。
 
果然K11係一個藝術商場，所以Emily好中意，我就話：主席，呢個商場有空中花園窩，不如上去睇下啊。佢就話：好啊，我地行啦。講個陣Emily仲好興奮。上到去，Emily就話：咦，好靚啊，你快啲啦，副主席。我心入面就話：差不多啦，係時候啦。同Emily行完一圈之後。我突然之間欖實佢：主席，我有野同你講啊。佢就面紅紅話：你講啊。我就話：張學雯，我…我中意你，你願唔願意我女朋友，一齊寫低屬於我地兩個之間嘅故事