我的她的大家的故事: 第六章 變化

翻到屋企，做完功課，之後，我就得閒無野做，send咗個wts俾Emily，膽粗粗問佢：最好人嘅主席，聽日幾點樓下等啊。Send 咗出去之後， 就見到佢最後上線時間即刻變咗做在線上。跟住竟然復咗句：唔知咧，聽日見啦。好啦， 得到句咁樣嘅回復，我決定去訓覺，不過照舊係樓下等下佢啦。
 
第二日起身，同琴日一樣，係巴士站等，點知等極都等唔到。跟住時間又好似唔夠啦，我就自己一個翻咗學校。跟住我就見到張學雯坐咗係班房。我翻到位，跟住就話：張學雯小朋友，早晨，我今朝係巴士站到等你，我就話，你冇可能遲到啊。原來一早翻咗來。跟住佢笑到好開心話：你真係係樓下等我啊，感動啊。跟住我就白做佢一眼，就同前面周文吹水。
 
我同佢的翻學生活就不斷地重複，但是上堂就日日都有新鮮野發生。有一日英文堂，我同周文兩條友係度吹緊水個陣，Emily就輕輕拍咗我一下，叫我收聲。個下我竟然好自覺咁樣收咗聲。落堂之後，Emily就扁嗮嘴話：你啊，英文堂一係就訓覺，一係就聊周文吹水。詩文成日的話你地兩個啊，認真小小啦。我見周文王同埋詩文唔嚮到， 我就乘機轉話題：主席啊， 你覺唔覺得詩文同周生OK窩，應該無咩問題窩。Emily就係度陰陰嘴笑。當然啦，我嘅預言好準架。啊其實又真係幾準，因為10年之後，佢哋兩個係我升咗沙田局局長之後， 就結婚啦，完成咗佢哋嘅12年愛情長跑啊。當然，主席梗係話：我眼光獨到啊，都話咗架啦，喂， 你英文堂啊，我要監督你啊。我句終極口頭禪又出來啦：你話點就點啦，主席。佢還一個好甜嘅笑容比我，我開始對呢個女仔有好感。
 
如是者，輕鬆愉快的生活就不斷地重複發生，不經不覺，就過左一個月