我的她的大家的故事: 第五章 驚喜

今日就輪到我要小息當值，做為一個非常負責任嘅Vice head perfect，當值梗係不會遲到架啦。小息鐘過咗之後，突然Emily落來3樓搵我，同我講話，今日吃飯班主任話班會正副主席要開班會。我係班Form2仔面前，直接爆咗粗：屌啊，又要開會。跟住，Emily好認真話：喂，你唔好班靚仔面前爆粗啦，教壞細佬。原本我想嬉皮笑臉咁應翻佢，但係我由記得我自己宜家係度當緊值，就變翻好正經話：對唔住，下次注意咯。跟住佢就微笑咁講：知道就好啦，成日都口花花。我就叫佢翻去上堂先啦。到我當完值，同一個form3嘅小隊長一起翻課室個陣，條友仔又係笑到賤到死：師兄，咦，fit窩。我話：你條友仔多事啊，炒你魷魚啊啦。條友仔即刻冇聲出。
 
同Emily一齊上堂的時間就真係過得特別快，又到放學嘅的時候，本身想話，送埋Emily去答車之後，就行過去體育學院練艇。點知，Emily就話：我今日有野做啊，要留係學校啊， 你翻去體育學院。我聽到突然之間有小小失落。我就話：好啦，你自己翻屋企要小心啊。佢還一個好甜嘅笑容比我：知道啦，副主席。聽到佢咁講，唔知點解我的心會有一絲的放心。我同佢講：咁我走啦。佢笑住話：翻去拉，乖乖地練艇啊。我話：得啦，主席。但係，我估唔到佢真系等我。
 
7點半，教練話：上岸，收艇，星期四見。我就練到變傻仔。超級餓，超級辛苦，翻咗去艇庫之後，其中一個隊友Patrick就問我：恆，吃飯咯。我本身話好架。點知，，我地沖完涼換完衫之後，我見到門口有一個著白色校裙嘅女孩子，我仲係度講笑話：邊條粉腸有女仔接咁好。下一秒，我就見到係Emily，我企咗係度。佢笑笑口話：surprise,恆仔。我話：點解你會係度嘅。佢就話：行咗先啦，吃野先慢慢講。Patrick就話：你咪就係個條粉腸咯，你地兩個行啦，我自己翻屋企吃啦。我就7下7下，仲沒反應得切。Emily就扁嘴：我好餓啊，你行唔行架。我就話：行啊，我地翻大圍吃啦。跟住就兩個人行過去坐火車翻大圍吃飯。
 
不如我地食鐵板咯：我問Emily, Emily就話：好啊，我陪你食飯啊。個一刻，我真正開始注意呢個女仔。食飯個陣，我就好好奇問：咦，主席，點解你會系體育學院等我嘅，我以為你翻咗屋企啦。佢面紅紅話：人地都唔系特登等你，系行過見到你上岸，先等埋你咋。個陣嘅我，真系7下7下嘅，完全唔知佢真系特登等我，宜家覺得個陣時嘅我好傻。食完飯，就一齊翻屋企，分開之前，我嘅唔知邊嚟嘅勇氣，膽粗粗問佢：Emily，以後不如一齊返學放學咯。佢就話：唔知咧，今晚話你知啦，BYE BYE ，副主席。我就應翻句BYE BYE。跟住我仲問自己系咪想多咗。Emily咁靚女，邊度有可能中意我啊。就傻下傻下咁樣翻咗屋企。