我的她的大家的故事: 第七章 初約

話說，到咗10月中，科科嘅開始會有唔同嘅功課同測驗。我最記得有一次英文堂，英文老師話：Today, we will do a speaking preview.跟住Emily就同我講話：不如我地兩個一組咯。個陣時我系度發緊夢，無第一時間應機。搞到佢過嚟扭我耳仔，我即刻話：哇屌，痛啊，張小姐， 你又做咩事啊。跟住前面詩文笑笑口望住我：學雯叫咗你好多聲，你條友撞聾啊。跟住我仲話：系咩，sor咯，主席。Emily話：唔想理你啊。我即刻話：最好人嘅主席，我知你一定會原諒我嘅，系咪啊。佢系度偷笑。我就話：有咩大搞作啊。Emily即刻眼金金望住我：speaking啊，副主席。我個樣系即刻收皮：屌，仆啦。佢就話：我要見識下我地副主席嘅英文能力。到後面，Emily對於我嘅英文水平系相當無言，佢系超級認真同我講：副主席，我要幫你補英文， 你嘅英文真系。。。我就話：好啊，你肯幫我補，我實肯架。當時候嘅我心入面有一絲喜悅。跟住，我就約咗Emily星期六上嚟我屋企補習。
 
到咗星期六朝早，佢wts我：副主席啊，我宜家可以上嚟冇啊。我話：隨時歡迎，系屋企大門恭候你。跟住，五分鍾左右，我屋企門鍾就向咗。我行去開門：早晨啊，Emily靚女。佢笑住咁樣應我：一大早就口花花啊你。我就話：請入請入。佢一入到屋，就見到我老豆同班uncle嘅合照。佢就話：咦，副主席，uncle系消防員啊。我話：系啊，成日都唔系屋企，日日都系早出晚歸。跟住，Emily突然申個頭埋嚟：副主席啊，幾時開始啊。我就話：就宜家啦，跟住陪你落去食飯，fit啊。佢作狀令個頭過去：人地有話過要同你吃飯咩。我話：靚女主席，你一定肯嘅。不過，個人感覺Emily真係著得好好睇，藍色T-shirt，黑色牛仔褲。簡直係小弟心目中的女神級啊。我嘅補習就係我非常垃圾嘅英文發音聲中開始，再望鐘個陣已經係12點半。Emily扁嘴話：副主席，我好餓啊，不如去吃野啦。我就話：好啦，見你今日咁落力，好啦，你想吃咩啊，我請你去吃飯啦。跟住佢開心到申個頭埋來：我地去翻之前吃鐵板個間啊。我話：好啊，宜家去拉就。
 
吃緊飯個陣，Emily突然問咗個問題：係咧，副主席，你幾時生日啊。我吃完個口翻之後答佢：9月11號咯，你咧。條友竟然玩野窩，佢陰陰嘴笑話：唔知道咧，快啲吃野啦，吃完送我翻去啊。我比咗個ok嘅手勢。吃完就慢慢同佢行翻屋企，行緊個陣，Emily又係度問我問題：副主席啊，你有冇諗過你以後會做咩啊。我好隨意應咗話：我會跟我老豆一樣，讀完大學去考消防隊長。佢就話：我想做老師，教小朋友，嘿嘿。我就串下佢：你OK嗎，我驚你不OK啊。佢即刻扁嘴：唔彩你啊。自己急急腳行走咗。我就話：講笑咋，等埋我啊。兩條友就係咁樣翻到屋企樓下。我就話：主席，星期一見啦，翻去唞下啦。佢笑到好甜：好啊，bye bye啦副主席。我應翻句：bye bye 啦。