有一日，我住左入精神病院: 十六、二樓

黎到𨋢前，估唔到肥仔名竟然知道𨋢門嘅密碼。 

「密碼正確。」

就係咁，我地順利鼠左上二樓。

𨋢門一打開，我就見到排山倒海嘅文件。我正想打開其中一本黎睇嘅時候，肥仔明就阻止左我。

「唔睇得架！睇左會俾雷劈架！」 





呢啲咁嘅大話大概全個病院得肥仔明會信。但佢係咁扯住我趴低，要我幫手搵佢個閃令令戰士，我都係無辦法打開到啲文件黎睇。 

「搵到喇！」肥仔明突然大嗌。 

「嚇到我個心離一離啊... 而家走得喇嘛？」

「喂你地喺度做咩啊！」又係呢把惡死楞燈嘅聲...