有一日，我住左入精神病院: 十五、閃令令戰士

突然，一個圓形又喺我身邊爬過。又係肥仔明。佢究竟可唔可以有一次出場係正常啲架...

佢用好似蓮藕咁粗嘅四肢喺地下爬黎爬去，好似喺度搵緊野咁。

「你喺度做緊咩啊？」我忍唔住問佢。

「我唔見左我個閃令令戰士啊！」

「咩閃令令戰士啊？」

「係蕎蕎姐姐送俾我架！佢係彩色、閃令令架！你有無見過啊？」

肥仔明似乎真係好心急，不停喺啲凳腳同沙發底搵。

「姐姐，你可唔可以幫我一起搵啊？蕎蕎姐姐話好重要架，唔可以唔見！」

就係咁，我唔情唔願咁俾佢拉左去左搵右搵。

已有 0 人追稿