有一日，我住左入精神病院: 十、痴線婆

「首先，點解我會入左黎？」

「呢樣我真係唔知，只不過每日都會有好多唔係精神病嘅人入黎架喇，根本無可能自己走到。」

「點解會咁架？我要出去啊！」我忍唔住捉實蕎蕎嘅膀頭。

「妖，都話無辦法咯。我除左啲病人嘅簡單背景其他真係咩都唔知啊，你無其他野問我就出去喇。」

「咁，一係你同我講下頭先個癲婆啦，點解佢會變成咁？」 





「佢唔係癲婆啊。佢叫丁姨，你摸嗰個的確係佢個女。」

「有咩可能啊！吹氣公仔黎架喎！」

「個公仔佢由入黎第一日就帶住周圍去架喇，真係當佢活人咁照顧。除此之外佢真係好善良，同普通人無分別。」 

「佢咁嘅樣點會係正常啊？一黎就指住我黎鬧！」

「咁係因為佢個女係佢唔可以觸及嘅底線。唉，你冒犯到佢喇，下次同人道個歉啦。」 





「下，對住個痴線婆都仲要顧及佢感受？咁我呢？又唔見佢顧下我俾佢嚇親嘅感受？我有咩錯啊？」正常人見到丁姨咁都會怕啦係咪啊，點解要怪我？ 

「你講嘢唔好咁過份喎！下下『癲婆』『痴線婆』，你唔好唔記得你而家都係呢度嘅精神病人咋！」蕎蕎睇落真係好嬲，推開我就衝左出去。