有一日，我住左入精神病院: 九、返去

黎到𨋢門前，仆街！竟然要密碼先㩒到𨋢！我亂禁㩒，希望撞得中個密碼。但現實當然無咁好彩，我撞極個AI都係同我講「密碼輸入錯誤」。 

「玩夠未啊！」蕎蕎唔知幾時又冒左出黎，一野拉走我。

「你知唔知自己做緊咩啊！俾守衛發現到就麻煩喇！」蕎蕎神色緊張，究竟守衛係何方神聖令一向惡死嘅佢都咁懼怕？ 

「你同我乖乖地死返入房。我以後唔會再亂咁俾你出黎啊！」蕎蕎一路拉住我行返我間房，雖然我隻手俾佢扯住，但一啲都唔痛，仲有啲溫暖添。 

一睇到我乖乖地坐返喺床上面，蕎蕎就想出返去。但我真係受不了繼續被蒙在鼓裡嘅滋味喇！我衝去度門前，擋住佢唔俾佢走。





「你一日唔話俾我聽呢一切係發生咩事，我係唔會俾你出去架！」

蕎蕎似乎無估到我會出呢招，細粒過我咁多嘅佢完全無我辦法。 

「唉... 我都知瞞唔到你幾耐架喇，你想知咩，即管問啦。」佢最終都係放棄。