有一日，我住左入精神病院: 十一、開竅

「你唔好唔記得你而家都係精神病人咋！」

蕎蕎呢句係咁係我腦入面loop。雖然唔想承認，但我而家好似真係被逼成為左呢度嘅一份子。 

唉，既然而家暫時都無可能出到去，話唔定我都應該嘗試同呢度嘅人打好關係，等我喺度嘅日子好過啲。但呢個地方實在唔可以久留，我應該點先可以離開呢？ 

諗諗下我就不知不覺訓著左，到醒返已經係蕎蕎推著架餐車入黎送晚餐嘅時候。 

「喂！起身喇！費事你又出去搞搞震，而家送埋入黎俾你食喇。」 





「唔該。但我諗，我都係出去同大家好好交流下先啱。既然之後都仲要對住佢地，都無謂面阻阻啦哈哈... 可唔可以啊蕎蕎大人～」我擺出我最真誠嘅目光望住蕎蕎。 

「哇，訓左一覺就開竅拿你？好啦咁，不過你唔好又惹事啊下！」

「知道～多謝大人恩准～」