《毒L和初戀相識的日子》: 第一百六十二章 道歉

第一百六十二章 道歉

食完嘢之後，Zoe帶咗我去附近嘅一個平日好多人嘅公園。

喺行去嘅途中，Zoe話我知原來我之前戈段錄音係衰在時間太長，Winnie唔想聽哂喎。

到咗夜晚九點幾，公園入面冇乜人。我哋去咗其中一張長凳坐低。

「妳究竟肯教我應該點做未呀...？」我問。





「得，你唔洗急。你比部電話我先。」Zoe回應。

「吓，點解呀？」

「唔好問啦，叫你比就比啦。解埋鎖喎。」

我將部電話交比Zoe。

「我有一個辦法，你一定可以氹番Winnie嘅。」





「妳快啲講啦。」

「一陣我幫你拍一段道歉片，你就用細路仔嘅語氣同佢講，話想佢原諒你啦，即係『詐嬌』呀。」

「吓？唔好啦，我做唔倒呀。」

「咁你想唔想人哋唔再嬲你呀？」

「想就緊係想，不過有冇其他方法呀？」





「都唔係冇嘅。不過呢個方法對Winnie嚟講係最有效同埋最有誠意嘅，我識咗佢咁耐，太了解佢喇。」

「妳等我諗吓先。」

經過我嘅深思熟慮，我決定相信Zoe，用佢個方法。

佢幫我拍咗一段道歉片段，好彩夜晚嘅公園冇乜人，所以冇人聽倒同見倒。

「你一陣send埋比佢就搞掂喇。」Zoe對我講。

「好。咁我洗唔洗送你番去呀？」我問。

「唔洗喇，David會嚟接我。咦，佢嚟喇。」

David從遠方向我哋揮手。





「咁你一陣自己send比Winnie喇喎~」Zoe同我講。

「得喇。」

「你加油喇。」

我番到屋企之後，用WhatsApp send咗段道歉片段比Winnie。佢睇完之後，竟然即刻回覆。

電話顯示:「Winnie輸入中...」




唔知佢會覆啲咩呢......