《毒L和初戀相識的日子》: 第一百六十一章 再嘗試

第一百六十一章 再嘗試

約我戈個係Zoe，睇怕Winnie已經講哂成件事比佢聽。我哋約咗夜晚七點半去我屋企附近嘅譚仔食嘢。

我哋都準時到達，之後入去坐咗張二人枱。

「你哋搞咩呀？」Zoe一坐低就問我。

我將成件事由頭到尾、完完整整咁講一次比佢聽。





「我問你，你同Winnie一齊咗幾耐呀？」Zoe問。

「一年多少少囉。」我回應。

「咁以你對佢嘅了解，你知唔知你今次錯喺邊吖？」

其實，我唔知......

「戈晚我冇等佢online傾計？」





「唔係呀。」

「戈晚我冇即刻覆佢Whatsapp？」

「都唔係呀。」

「咁夠竟係啲乜呀...？」

「今次你錯嘅地方係你識咗個女仔，冇同佢講呀！」





「吓，公司部門嘅新同事咋喎。咁少事都要同佢講？」

「對你哋男仔嚟講可能冇乜嘢，不過對我哋女仔嚟講就好大件事喇。知道自己男朋友同其他女仔單獨一齊，你又冇同佢講，咁你覺得佢會點諗吖？」

「戈個係我同事咋喎。」

「之前Winnie同佢阿姨個仔影咗張相做icon，你個心都唔舒服啦？」

「係... 咁都係嘅。」

「依家你哋相隔咁遠，如果鬧咗交雙方都唔行動，段關係就好易會完。你都唔想㗎？」

「嗯，我都想同佢繼續落去。」

「咁你想唔想氹番Winnie呀？」





「想呀。我應該點做？」

「食埋碗米線先教你，肚餓呀。」

「好呀。」

我相信，Zoe將會教我嘅辦法一定有效過阿婷戈啲。




我決定再嘗試去氹番佢。