《毒L和初戀相識的日子》: 第一百六十章 事與願違

 第一百六十章 事與願違

由於我之前都冇乜點激嬲Winnie或者同佢鬧交，所以我都冇氹番佢嘅經驗，完全係零呀。

所以我就照住阿婷嘅意思，嘗試去用佢比嘅方法氹番Winnie。

---今日午飯時間---
---公司附近的茶記---

「唔怪得你唔識睇人哋嘅眉頭眼額啦。咁啦，教你幾個方法氹番佢喇。」阿婷對我講。





「好呀。」我回應。

「第一個辦法係你打篇字比佢，講吓你做錯啲乜，道歉等等，話想佢原諒你。」

「嗯，之後呢？」

「另外你唔想打字嘅話，都可以錄音比佢講。內容都係戈啲。」

「咁樣好咩？」





「係呀，因為你哋始終相隔咁遠，冇得話見面就見面㗎嘛。咁所以我都係得呢啲辦法比你，希望可以幫倒你啦。」

「嗯，多謝妳，我再考慮吓先決定點做。」

「係就快喇，時間唔等人呀。」

---19:35---
---屋企---





阿婷建議比我嘅兩個方法，我諗咗好耐先做好決定。

我決定錄音比Winnie。最終我錄咗差唔多八分鐘，不過佢都係選擇已讀不回。

我等咗一晚，佢都冇回覆過。我仲未知個問題夠竟出喺邊度。

阿婷比我嘅建議有兩個，分別係打一篇文同埋錄音。不過，其實呢兩個方法對Winnie嚟講都唔太work。

原本以為Winnie係好易氹嘅女仔，不過經過今次之後我完全體會倒原來一啲都唔容易。

呢個結果完全唔係我心入面所諗咁嘅，實在係事與願違。

正當我唔知點算嘅時候，喺第二日放工戈陣突然有一個人約我出去食嘢，順便傾吓件事應該點解決。








估唔到，氹一個人要花咁多功夫。